Sikepaskro 10:12 - O Debleskro Drom 2021 (Sinte)

¹² O rakepen hoi dran o goseweskro mui win wella, anell leske an-dikepen, o dineleskro rakepen chal les pre.

O Debleskro Lab 2024 (Sinte-Manouche)

¹² O rakepen hoy dran o goseveskro mouy vin vella, anell leske an-dikepen, o dineleskro rakepen rhal les pre.

Sikepaskro 10:12 Referans Kwoze

Kolossarja 4:6

Rakrenn lentsa kamles, un trashenn gar, te penenn o tchatchepen! Jek te putchell tumendar tchomone pral tumaro patsepen, palle rakrenn leha jaake, har kowa koleske mishto hi.

Louka 4:22

Lauter rakran lestar mishto, un leskro rakepen his lenge pherdo latchepen. Un jon kran bare jaka. Un jon penan: “Hi kawa gar o Josefeskro tchawo?”

Gosewe laba 22:11

Kowa, koles i djudjo dji hi un latchepen rakrell, koleskro maal hi o baro rai.

Gosewe laba 15:2

O gosewo rakrell jaake, te haiwenn i wawar, hoi mishto hi. Dran o narweleskro mui well tchi har dinlepen.

Efesarja 4:29

Rakrenn kek tchilatche un djungele laba! Kowa, hoi tumer penenna, hunte well latches kolenge, kai shunenna, te lenn le newi soor an pengro djipen.

Louka 19:22

Ap koleste penas o rai: Tu moleh tchi. Tu hal i tchilatcho budepaskro. Tu djinal, kai hi man i dji dran bar, un kai lau, kai dom tchi, un hoi me gar an i phub tchiwom, te well kowa baro.

Mateo 12:35

Dran i latcho mensheskro dji wella latcho koowa. Dran i tchilatcho dji wella tchilatcho koowa.

Gosewe laba 31:26

Lakro rakepen hi pherdo goswepen, un latche labentsa sikrell li, har tchomone djal.

Gosewe laba 26:9

I subjengro kasht an o wast kolestar, kai mato hi, jaake hi i gosewo lab an o mui i dinelestar.

Gosewe laba 19:5

Kowa, kai chochras, har penas lo, hoi lo dikas un shunas, kowa lell peskri phagi. Un kowa kai chochepen pre anas, kowa well tapedo un nai nashell gar peske.

Gosewe laba 15:23

Bachtelo hi o mursh, te djinell lo, hoi te rakrell lo. Har latcho hi o tchatcho lab ap o tchatcho tsiro.

Gosewe laba 12:18

Laba, hoi sik win rakedo wenna, nai denn tchurje har i charo. O rakepen i gosewe menshendar anell sastepen.

Gosewe laba 10:10

Kowa, kai i jakentsa dell, dukrell i wawaren. Kowa, kai dinelo koowa rakrell, nashrell halauter.

Gosewe laba 10:8

Koles, kai i gosewo dji hi, rikrell pes ap kol laba, hoi leske penlo wan. jek, kai dinelo koowa rakrell, nashrell halauter.

Debleskri gili 140:9

De kol tchilatchen gar, hoi jon kamenna! Kowa, hoi jon pen glan lan, muk gar te djal, te hadenn le pen gar!

Debleskri gili 64:8

O Dewel dell ap lende karje. Sik hi le ap i phub tchiddo.

Debleskri gili 37:30

Goswepen well dran o mui i latcho menshestar, un leskri tchip rakrell o tchatchepen.

Hiob 16:5

Bud labentsa doms tumenge pale newi soor. Un kowa, hoi penoms, krals tumari duk tikneder.

2. Samuel 1:16

Glan kowa penas o David ap o Amalekari: “Tu anal leskro rat ap tute. Doleske meress! Tiro mui phukras ap tute, har tu penal: ‘Me dom koles mulo, koles o baro Dewel win rodas, te well lo baro rai.’”

Sikepaskro 4:5

Koon kamell gar te budrell, tchiwell peskre wasta glan peskri betch khetne. Job hi dinelo un leske atchell tchi te chal.

Sikepaskro 9:17

I gosewo rakepen, hoi kek goljah rakedo was, hi budeder moldo har i rajeskri bari gole mashkral i dinelendar.

Sikepaskro 12:11

I laba, hoi i gosewe rakrenna, hi har subja. Un kowa, hoi le penenn, djal dur an o mensheskro dji. Kowa, kai rakras len, hi har i bakrengro, kai dell garda ap peskre bakre.

Sikepaskro 5:2

Koneske bud an o shero trujel djal, kowa dell phare sunja. Un koon bud laba krell, rakrell sik dinelo koowa.

Sikepaskro 5:6

Tchatchepah, bud sunja un bud laba molenn tchi. Dran kowa kre kowa, hoi o Debles sharell!