Ruth 4:10 - O Debleskro Drom 2021 (Sinte)

¹⁰ Un ninna lom me i Rut dran o them Moab, kolakro rom o Machlon his, te well li miri romni un anell leske i tchawo ap i phub. Jaake atchell ko kotar phub an leskri familja, un leskro lab merell gar win mank peskre phralende un an kau foro. Un tumer shunan un dikan kowa un djinenn, jaake hi kowa.”

O Debleskro Lab 2024 (Sinte-Manouche)

¹⁰ Oun ninna lom me i Ruth dran o them Moab, kolakro rom o Malon his, te vell li miri romni oun anell leske i čavo ap i phoub. Yaake ačell ko kotar phoub an leskri familya, oun leskro lab merell gar vin mank peskre phralende oun an kava foro. Oun t'mer shounan oun dikan kova oun djinenn, yaake hi kova.”

Ruth 4:10 Referans Kwoze

5. Mose 25:6

Un ko ersto tchawo, koles joi ap i phub anell, kharell har ko phraal, kai meras, jaake te merell koleskro lab gar win an Israel.

Efesarja 5:25

Tumer mursha, awenn jaake kamlo ap tumare romjende, har o Jesus Kristo kamlo hi ap i patslende! Job das peskro djipen lenge an o merepen,

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.

Maleachi 2:14

Un tumer putchenn: ‘Hoske lell lo tchi mendar?’ Djiness! O baro Dewel his pashel, har tu romedineral tiri romni har terno hals. Un tu lal tuke i wawar un chochral tiri romjat, ninna te his li koja, kai tuha djiwas. Un tu phagal tiro lab, hoi lake dal glan o Debleste.

Zakarie 13:2

O baro Dewel, ko rai pral o bolepen un i phub, penell: An ko tsiro krau, te mangenn i menshe an o them Juda buder kek chochene deblen an. Un kolengre laba wenn bistedo. Ninna kol rakepangre, kai penenn, te hi le Debleskre rakepangre un hi kowa gar, un jon rakrenn, hoi i wawar ducho lenge penell, kolen tradau win dran o them.

Hosea 12:12

An o foro Gilead mangenn le chochene deblen an. Tchi-moldo hi kolla, kai kowa krenna! An o foro Gilgal marenn le gurma i chochene deblenge. Doleske wenn lengre pre-tchidde barra trujel dino, un atchenn tchiddo ap i hachetikri phub.

Hosea 3:2

Kote ginom lat mange un plaissrom 15 (deesh-te-pantch) rupene kotja un 330 (triin-sheel-te-trijanda) litarja djob.

Jesaja 48:19

Tire tchawe, kai pal tute wenn, wans jaake bud har i santa pash o baro pani. Un lengre laba merans gar win. Un kek nai tradans len krik glan mande.

Gosewe laba 19:14

I kheer un lowe lell o tchawo peskro dadestar pal koleskro merepen. I romni, kai an peskro dji dikell, glan te rakrell li, well o baro Deblestar.

Gosewe laba 18:22

Koon i romjat hatsas, hatsas i bacht. O baro Dewel dikas latches ap leste.

Debleskri gili 109:15

Muk kowa, hoi le kran, hako tsiro glan tire jaka te well! Kre, te well leskro lab bistedo an o tselo them!

Debleskri gili 34:16

O baro Dewel dikell ap kolende, kai an o tchatchepen tardo hi. Un leskre kanda shunenn len, te denn le gole.

Josua 7:9

I Kanaanitarja un halauter, kai an kau them djiwenn, kolenge penenn le kowa. Un hakeno shunell kowa! Un palle wenn le un denn men mulo. Hoi kameh tu palle te krell, te atchell tiro lab baro?”

1. Mose 29:27

Kre i bijab efta diwessa kalah. Koi pal dau tut ninna koi wawar. Un tu budreh mange pale efta bersha lake.”

Ruth 4:9

Kote penas o Boas ap i phureden un ap i tsele menshende, kai koi pashel his: “Tumer shunan un dikan, te ginom me kau diwes i Naomjatar lauter, hoi his o Elimeleches un leskre tchawen, o Kiljon un o Machlon.

1. Mose 38:9

O Onan djinas, kai kol tchawe gar leskre hi. Doleske kras job jaake, kai peskro phraleskri romni gar an wawar koowa wella, hako kopo har was lo lah khetne. Job kamas gar, te well i tchawo leskro phraleske boldo.