Remarja 9:25 - O Debleskro Drom 2021 (Sinte)

²⁵ O Debleskro rakepaskro, o Hosea, penas, hoi o Dewel leste sikras: Kolla, kai hi kanna gar mire menshendar, kolen rodau me win, te wenn le mire menshe. Un kolen, kai kek kamas, kolen kamau me o tselo djijestar.

O Debleskro Lab 2024 (Sinte-Manouche)

²⁵ O Debleskro rakepaskro, o Hosea, penas, hoy o Devel leste sikras: Kolla, kay hi kanna gar mire menshendar, kolen rodau me vin, te venn le mire menshe. Oun kolen, kay kek kamas, kolen kamau me o tselo djiyestar.

Remarja 9:25 Referans Kwoze

Hosea 2:23

An ko tsiro, penell o baro Dewel, kamau te shunell: Me shunau, hoi o bolepen mandar mangell, un o bolepen shunell, hoi i phub lestar mangell.

1. Petro 2:10

Glan i rah tsiro hans tumer gar leskre menshe. Kanna han tumer o Debleskre menshe. Glan i rah tsiro djinan tumer gar, kai hi les i baro dji tumenge. Kanna kras lo peskro dji tumenge pre.

Ezekiel 16:8

Un me djom miro drom, kai tu hals, un dikom tut. Un tiro tsiro was, te kamess i murshes un kress le bijab. Kote tchiwom miri baja pral tute un tchakrom tut. Un me djom tuha i sowel dren, un pandom miro dji ap tute, un penom: “Tu wess miro.” Kawa hi, hoi penas o baro Dewel, maro rai.

Remarja 1:7

Ap tumende halauterende tchinau kau liil. O Dewel kamell tumen o djijestar, un das tumen gole, te djiwenn leha khetne. Mu well tumen latchepen un bacht an o dji! Kowa dell tumen o Dewel, maro dad, un maro rai, o Jesus Kristo!

Johanni 16:27

Miro dad kamell tumen ninna jaake har me kamau tumen. Tumer kamenn man o djijestar un patsenna, kai me o Deblestar wom. Doleske kamell tumen miro dad ninna o djijestar.

2. Samuel 7:24

Tu rodal tuke kol menshen Israel win, te wenn jon tire menshe hako tsiro, un tu, baro Dewel, wal lengro Dewel.