Remarja 9:21 - O Debleskro Drom 2021 (Sinte)

²¹ Kowa hi jaake har pash i mensheste, kai krell tchare un pirja dran jek kotar loli phub. Te kamell lo, krell lo i shukar tcharo, hoi bud moldo hi. Un te kamell lo, krell lo i wawar tcharo, kai tchiklo koowa dren tchiddo wella.

O Debleskro Lab 2024 (Sinte-Manouche)

²¹ Kova hi yaake har pash i mensheste, kay krell čare oun pirya dran yek kotar loli phoub. Te kamell lo, krell lo i shoukar čaro, hoy boud moldo hi. Oun te kamell lo, krell lo i vavar čaro, kay čiklo koova dren čiddo vella.

Remarja 9:21 Referans Kwoze

Jesaja 64:8

Baro Dewel, muk tiri choli gar jaake bares te well, te bistress mari doosh gar buder. Dik ap mende, mangah tut, tire menshe ham halauter.

Gosewe laba 16:4

Lauter, hoi o baro Dewel kras, hi tchomoneske, ninna kras lo o tchilatcho menshes ko diweske, kai i bibacht wella.

Bičepangre 9:15

Penas o rai Jesus leske: “Dja pash leste! Me rodom koles win, te well job mange koi, te djal lo pash kolende, kai kek bibolde hi, pash lengre bare rajende, un pash kol tsele biboldende, te penell lo lenge mandar.

Remarja 9:11

Har i tchawe gomme gar boldo his, penas o Dewel lake: I tsiro wella, kai budrell o phureder tchawo o terneder tchaweske. Har job kowa penas, kras kek lendar i latcho koowa, witar kek tchilatcho koowa. Jaake dikah, lauter wella, har o Dewel kamella. Te rodell lo jekes win, krell lo kowa jaake, har job kamella. Job dikell gar ap kowa, hoi jek kras.

Remarja 9:18

Lauter krell lo jaake, har job kamella. Ap koneste job latches kamell te well, ap koleste hi lo latcho. Koneske job i dji dran bar kamell te dell, koleske dell lo i dji dran bar.

Hosea 8:8

O Israel hi nashedo; i menshenge dran i wawar themma trul lende, hi lo har i piri, hoi tchi moldo hi.

Jeremia 22:28

Jek nai penals: Hoske kreh tu ko mursheha Konja jaake har i khoreha, hoi an kotja dino was, un hoi kek kamell? Hoske well job un leskre tchawe krik tradedo, un sorjah an i wawar them anlo, hoi prindjrenn le gar?

Jesaja 10:15

O baro Dewel penell: “Nai sharell pes i tower pral koleste kai leha dell? Na-a! Witar gar hadell pes i tchinepaskri, hoi kasht tchinell, pral koleste, kai leha tchinell. Kowa wals jaake, har te dals o kasht koles, kai les pre hadas, un jaake har te hadals ko kotar kasht o murshes.”

Jesaja 45:9

Djungeles djal koleske, kai chojedo hi koleha, kai les kras! Job hi tchi har i kotar dran i paash dino tcharo mank wawar paash dine kotja. Ko tchik, dran koleste tchare chatchedo wenn, nai penell lo ap koleste, kai lestar tchomone krell: Hoi kreh tu? Un ko tcharo, hoi lo kras, penell kowa nai ap leste: Tu haiweh tchi!

Remarja 9:20

Palle penau tuke: Tu hal i mensho. Tu nai peneh gar ap o Debleste: Hoi kreh tu kote? Job kras tut. Tu nai peneh gar ap leste: Hoske kral man tu jaake?