Remarja 8:39 - O Debleskro Drom 2021 (Sinte)

³⁹ tchi, hoi pral an o bolepen hi un tchi, hoi tele an i phub hi, un kek wawar, hoi djiwella, nai krell, te kamell men o Dewel buder gar. Kowa, hoi maro rai, o Jesus Kristo, menge kras, sikrell men, har baro o Debleskro kamlepen hi.

O Debleskro Lab 2024 (Sinte-Manouche)

³⁹ či, hoy pral an o bolepen hi oun či, hoy tele an i phoub hi, oun kek vavar, hoy djivella, nay krell, te kamell men o Devel bouder gar. Kova, hoy maro ray, o Yezous Kristo, menge kras, sikrell men, har baro o Debleskro kamlepen hi.

Remarja 8:39 Referans Kwoze

Remarja 8:35

Tchi nai lell mendar o Jesus Kristeskro kamlepen krik! Kek duka, kek daar. Ninna te lenn le men palla, ninna te hi men tchi te chal un tchi an-ripaske, ninna te kamenn le men tchilatchepen te krell, ninna te marenn le men, ko tselo koowa nai lell gar o Jesus Kristeskro kamlepen mendar krik.

Remarja 5:8

O Dewel sikras, har baro leskro kamlepen menge hi, har meras o Jesus Kristo menge, har mer gomme tchilatche hams.

1. Johanni 4:19

O Dewel kamas men o djijestar. Doleske kamah mer o Debles un i menshen ninna.

Johanni 3:16

O Dewel kamas i menshen jaake bud, te das lo lenge peskro jek tchawes. Les his kek wawar. Hakeno, koon patsell ap leste, djal gar nashedo. Job lell ko djipen, hoi gar pre-herella.

Efesarja 1:4

Har o bolepen un i phub gar koi his, rodas lo men win, te djas ap o Jesuseskro drom. Job rodas men win, te dell lo men i djudjo dji, te hatsell lo kek doosh ap mende. Jaake bud kamas lo men,

1. Johanni 4:16

Mer haiwam ko tchatcho kamlepen, hoi o Debles menge hi. Un mer patsah, te kamell men o Dewel tchatchepah! O Dewel hi pherdo kamlepen. Koon an o Debleskro kamlepen atchella, kowa atchella o Debleha, un o Dewel atchell leha.

Johanni 17:26

Me sikrom lende, koon tu hal. Kowa krau me dureder, te well tiro kamlepen, hoi hi tut mange, ninna an lende. Jaake djiwau me an lende.”

Johanni 16:27

Miro dad kamell tumen ninna jaake har me kamau tumen. Tumer kamenn man o djijestar un patsenna, kai me o Deblestar wom. Doleske kamell tumen miro dad ninna o djijestar.

Jesaja 24:21

Un ap ko diwes dell o baro Dewel i bolepangre lurden lengri phagi, un ninna i bare rajen ap i phub.

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.

Debleskri gili 64:6

Jek krell o wawares soreles an lengro tchilatcho koowa. Un jon rakrenn pen tele, har nai tchiwenn le dorja win, te perenn i wawar dren, un penenn pashel: “Koon dikell kowa?”

2. Korintarja 11:3

Me darau, te was wawar koowa an tumaro shero, un tumer djiwenn buder gar djudjes un kokres o Jesus Kristeske. Me darau, te djas tumenge har i Evake, har o gosewo sap chochras lat, un joi mukas o tchatcho drom.

2. Korintarja 2:11

Me kamau gar te taprell men o beng. Mer djinah mishto, hoi koles hi an leskro shero.

Mateo 24:24

Bud chochene mursha penenn ap tumende: Me hom ko baro rai, kolestar o Dewel penas, te well job. Un chochene rakepangre penenna: Me hom o Debleskro bitchedo. Un jon krenna baro un sorelo koowa, hoi i mensho nashte krell gar dran peskri soor. Kowa krenn le, te anenn le i menshen o tchatcho dromestar tele. Te djals kowa, anans le ninna kolen o Debleskro dromestar tele, kolen o Dewel peske win rodas.

Daniel 4:11

un das gole: ‘Denn ko ruk trujel! Un denn leskre kashta tele! Tserdenn leskre patria lestar tele! Un witsrenn leskre rukengre trujel, te nashenn i vieche tel leste lestar krik! Un i tchirkle mukenn pengre kashta ninna!

Jesaja 10:33

Dikenn, har o baro Dewel, ko rai pral o bolepen un i phub, peskri bari sorjah len tele dell har jek i kashta i rukendar tele dell, un i bare ruka trujel dell. Un kolla, kai pen pre hadan, wenn tiknes kerdo.

Gosewe laba 20:5

Kowa, hoi i mensho peske glan lell, hi dur tele an peskro dji har pani an i brunna. I gosewo anell kowa nai pre.

Debleskro tsiro 20:7

Pal kol sero bersh well o beng dran peskro stilepen win muklo.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.

Debleskro tsiro 2:24

Tumer wawar patsle an o foro Tiatira, kai gar pal kol chochene laba djiwan, un ko bengeskro drom gar prindjrenna, ap tumende penau me: Me penau tumenge tchi wawar koowa, hoi tumer hunte krenna,

2. Tessalonikarja 2:4

Job hadell pes pral o Debleste un pral halauter, hoi i menshe an-mangenna, un beshell pes an o Debleskro baro kheer, un krell, har te wals job o Dewel.

Kamlepaskri gili 3:4

Har me lendar i tikno kotar dureder djom, hatsom les, koles miro dji kamell. Me taprom leskro wast, un mukom les buder gar mandar te djal, lom les khere pash mande, an miri dakri isema, kai boldo wom.

Remarja 1:7

Ap tumende halauterende tchinau kau liil. O Dewel kamell tumen o djijestar, un das tumen gole, te djiwenn leha khetne. Mu well tumen latchepen un bacht an o dji! Kowa dell tumen o Dewel, maro dad, un maro rai, o Jesus Kristo!

Remarja 6:23

Kowa, kai krell o tchilatchepen, lell peskri phagi. Koi phagi hi o merepen. Kowa, kai patsell ap o Jesus Kristeste, maro rajeste, koles dell o Dewel tchitcheske o djipen, hoi gar pre-herella.

Remarja 8:1

Jaake djal kek nashedo, kai djiwell o Jesus Kristeha khetne.

Filiparja 3:3

Mer, kai ap o Jesus Kristeste patsah, ham tchatchepah o Debleskre menshe. Ap mende hi o Debleskro Ducho. Jaake nai krah o Debleskri budi. Mer ham bachtelo pral kowa, hoi o Jesus Kristo menge kras un hunte rikras kek koowa, hoi wella i menshendar. Mer djinah, sawo koowa nai anell men gar pash o Debleste.

Filiparja 3:8

Awa, kowa lauter, hoi me ap ko tsiro patsom un krom, hi mange kanna buder tchi moldo. Me prindjrau kanna o Jesus Kristes. Job hi miro rai. Doleske hi ko tselo wawar koowa mange har tchik, un tchi moldo. O Jesus Kristes kokres kamau te prindjrell budeder.

Filiparja 3:12

Ninna te hom gomme gar jaake har kamoms te wap, un hom gomme gar kote, kai kamau te wap, nashau o Jesuseskro drom, te lap o djipen pash o Debleste. Koleske das man o Jesus Kristo gole.