Remarja 8:26 - O Debleskro Drom 2021 (Sinte)

²⁶ Ninna well o Debleskro Ducho ap mari rig, kai ham gar sorelo. Te kamah mer te rakras o Debleha un djinah gar, hoi te mangas lestar, palle rakrell o Debleskro Ducho menge i labentsa, hoi kek nai rakrell win.

O Debleskro Lab 2024 (Sinte-Manouche)

²⁶ Ninna vell o Debleskro Dourho ap mari rig, kay ham gar zorelo. Te kamah mer te rakras o Debleha oun djinah gar, hoy te mangas lestar, palle rakrell o Debleskro Dourho menge i labentsa, hoy kek nay rakrell vin.

Remarja 8:26 Referans Kwoze

Mateo 10:20

Tumer han gar kolla, kai rakrenna. Kowa hi o Debleskro Ducho, kai dran tumende rakrella.

Efesarja 6:18

Rakrenn hako tsiro o Debleha! Mangenn lestar kowa, hoi o Debleskro Ducho an tumare djia tchiwella! Ma mukenn tele te mangell les i tsele patslenge!

Galatarja 4:6

Kanna ham leskre tchawe. Doleske das o Dewel peskro tchaweskro Ducho an mare djia. Kowa dell gole: Tata, miro dad!

Johanni 14:16

Un me mangau o dadestar, te bitchrell job tumenge i rakepaskres, kai well ap tumari rig. Job djal buder gar krik tumendar.

Efesarja 2:18

Mende halauterende das job o Debleskro Ducho. Un kowa krell, te nai wah mer lauter glan o Debleste, maro dadeste.

Remarja 8:15

O Dewel das tumen gar peskro Ducho, te darenn lestar, har i budepangre darenna pengro rajestar. Na-a, tumer han o Debleskre tchawe. Un o Debleskro Ducho krell, te penah mer: “Tata” ap o Debleste.

Debleskri gili 6:9

Djan tumenge, tumer lauter, kai han tchilatches! O baro Dewel shunas miro ropen.

Hebrearja 4:15

Job, maro baro rashai, haiwell men mishto, un djinella, te hi men kek soor pral o tchilatchepen. Les kamas o beng ninna o Debleskro dromestar tele te anell, jaake har kamell lo men o Debleskro dromestar tele te anell. Jek koowa his an o Jesuseskro djipen wawartchandes har pash mende: Kek tchilatchepen his an leste.

Jakobo 4:3

Te mangell jek tumendar tchomone o Deblestar, mangell lo sawo koowa, hoi gar mishto hi, un hoi dran leskro tchilatcho dji wella. Doleske dell les o Dewel kowa gar.

Remarja 15:1

Mer, kai ham sorelo an o patsepen, hunte dikas ap kolende, kai hi gar sorelo an o patsepen, te hidjras mer lentsa, hoi lenge pharo hi. Mer hunte dikas gar ap mende kokres, te djal menge mishto.

Louka 22:44

Un o Jesus mangas o Debles sorleder, un rat nashas leskro sherestar tele ap i phub, jaake soreles was i daar ap leste.

Zakarie 12:10

O Davideskre menshenge un i menshenge an Jerusalem krau lengre djia pre, te wenn le kamles jek ap o wawareste un mangenn mandar latchepen. Un jon dikenn ap koleste, kai dan le an i rig tchurje. Un jon denn gole i ropah pral leste, har jek pral peskro mulo tchaweste gole dell, koles kek wawar tchawe hi, un har rowenn i menshe pral pengro phureder tchawo, kai meras.

2. Korintarja 5:4

Jaake rah, har djiwah ap kai phub, hi menge ropaske un men hi duka. Mer kamah ko phuro trupo gar tele te tchiwell, kamah budeder ko newo trupo an-riwell, hoi buder gar merella.

Debleskri gili 10:17

Kowa, hoi i tchorwele tutar mangenna, shuneh tu, mo baro Dewel. Tu kreh lengro dji sorelo, un tiro kand hi lenge pre.

2. Korintarja 5:2

Kate ap kai phub hi menge ropaske, un mer kamah o tselo djijestar, te las ko newo bolepaskro trupo ap mende.

Mateo 20:22

Penas o Jesus: “Tumer djinenn gar, hoi mangenna mandar. Nai lenn tumer kol duka ap tumende, hoi me hunte lap ap mande?” Penan le: “Awa, ko nai krah mer.”

Debleskri gili 102:5

Miro dji hi phagedo, un les hi buder kek soor jaake har o khass, hoi tele dino was. Bistrau ninna miro maro te chal.

Debleskri gili 6:3

Baro Dewel, ab latches ap mande, mange djal gar mishto! Baro Dewel, kre man pale sasto! Man hi buder kek soor an mande.

Hebrearja 5:2

O baro rashai haiwell mishto, har kolenge djala, kai peran o Debleskro dromestar tele, ninna te djinan le gar, kai hi kowa tchilatcho, hoi jon kran. Job hi i mensho har jon, un les hi gar i soor pral o tchilatchepen.

Remarja 7:24

Me bibachtelo! Koon nai lell man dran miro phuro djipen win, hoi anell man an o merepen?

Debleskri gili 69:3

Me tassau an sapeni tchik, mire herja hatsenn kek phub, kai jon nai tardo atchans. Hom an pani, hoi dur tele djal. Un sorele panja kamenn man tele te tserdell.

Debleskri gili 102:20

O baro Dewel dikas pral tele dran o pralstunepen, kai lo khere hi. Dran o bolepen dikas lo tele ap i phub,

Hiob 37:19

Pen tu menge, hoi penas mer leske? Mer djinah tchi. Un men hi tchi, te anas glan leste!

Ropaskre gilja 3:56

“Ma khate tire kanda glan miro ropen un glan mire golja!”