Remarja 7:22 - O Debleskro Drom 2021 (Sinte)

²² Miro dji kamell te krell, hoi o Dewel penella.

O Debleskro Lab 2024 (Sinte-Manouche)

²² Miro dji kamell te krell, hoy o Devel penella.

Remarja 7:22 Referans Kwoze

Debleskri gili 1:2

Kowa hi bachtelo, kai kamell o baro Debleskre laba, un mukell kol laba peske an o shero trujel te djal ap o diwes un an i rat.

Debleskri gili 40:8

Doleske penom tuke: Ake hom. Me krau, hoi mandar tchinlo hi an o liil:

Debleskri gili 119:35

Ab mange ap i rig, te rikrap tire laba! Shukar hi le mange.

Hiob 23:12

Me rikrom man ap hako lab, hoi was dran leskro mui. Un rikrom halauter an miro dji, hoi lo rakras.

Hebrearja 8:10

Ap ko tsiro, hoi wella, penell o Dewel, rakrau pale lentsa, un anau len ap o newo drom. Me tchiwau miro tchatchepen an lengre shere, un tchinau mire laba an lengre djia. Un me hom lengro Dewel, un jon hi mire menshe.

2. Korintarja 4:16

Doleske wah mer gar khino, ninna te mukell men mari soor. Ko djipen, hoi o Dewel an mende das, well hako diwes pale newes.

Debleskri gili 119:92

Te woms gar bachtelo te djap tiro drom, palle meroms, jaake phares his miro djipen.

Debleskri gili 119:16

Mange hi shukar, te krap, hoi tu mandar kameh, un bistrau tire laba gar.

Efesarja 3:16

Un leskri soor hi bari. Doleske mangau lestar, te krell leskro Ducho tumare djia soreles.

Debleskri gili 119:174

Baro Dewel, miro tselo djijeha kamau, te tchiwess man an o tchatchepen. Me hom bachtelo te djap tiro drom.

Debleskri gili 119:167

Miro tselo djijeha rikrau man ap tire laba, hoi menge sikrenn, har te djiwas, un kamau len bud un budeder.

1. Petro 3:4

Tumaro shukapen hunte well dran tumaro dji un sikrell pes an o latchepen, kai kek tchingepen dren hi. Sawo shukapen atchella, un hi bud moldo glan o Debleskre jaka.

Remarja 8:7

Koon kamell jaake te djiwell, har job kamella, kowa kamell gar o Debles. Job shunell gar ap kowa, hoi o Dewel penella. Job nai krell les witar gar.

Debleskri gili 119:111

Tire laba, hoi menge sikrenn, har te djiwas, hi mange kutch un atchenna mange hako tsiro. Awa, jon hi kolla, hoi miro dji bachteles krenn.

Debleskri gili 119:72

Tiro drom kamau me budeder har bud serja kotja sonakai un rup.

Debleskri gili 119:24

Tire laba, hoi sikrenn mange, har te djiwap, krenn man bachtelo. Jon hi mange har i latcho maal, ap koleste me shunau.

Jesaja 51:7

Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

Debleskri gili 119:127

Me kamau tire laba budeder har o sonakai, awa, budeder har o latcheder sonakai.

Debleskri gili 119:113

Me choirau man ap kolende, kolen dui djia hi, tiro drom kamau me o djijestar.

Johanni 4:34

Penas o Jesus lenge: “Me djiwau kolestar, te krap, hoi o Dewel mandar kamella. Un leskri budi krau jaake rah, har job kamella. Doleske bitchras man lo ap i phub.

Remarja 2:29

Na-a! Kowa hi i tchatcho biboldo, koleske o Debleskro Ducho i newo dji das. Kowa nai krenn i tchinle laba gar. Sawo biboldo rodell gar, te well lo i menshendar sharedo. Job well o Deblestar sharedo.

3. Mose 13:39

hunte dikell o rashai palla, hoi kowa hi. Te hi kal kotja gar jaake parno, palle hi kowa kek djungelo nasslepen, hoi an i hauta win phagas. Pale-tchiddo hi ko mensho gar.

Kamlepaskri gili 5:3

Riwom miro ripen win, hoske te riwap les kanna pale an? Thowom mire pire, hoske te krap len kanna pale tchikles?