Remarja 6:22 - O Debleskro Drom 2021 (Sinte)

²² Kanna han tumer buder gar pandlo ap o tchilatchepen. Tumer wan o Debleskre budepangre. Un tumer djiwenn o Debleskro djipen. Un kowa anell tumen an o djipen, hoi gar pre-herella.

O Debleskro Lab 2024 (Sinte-Manouche)

²² Kanna han t'mer bouder gar pandlo ap o čilačepen. T'mer van o Debleskre boudepangre. Oun t'mer djivenn o Debleskro djipen. Oun kova anell t'men an o djipen, hoy gar pre-herella.

Remarja 6:22 Referans Kwoze

1. Petro 2:16

Tumer han buder gar pandlo ap o tchilatchepen. Doleske penenn gar: “Mer nai krah halauter, hoi kamah.” Un pal sawo rakepen khatrenn tumer tumaro tchilatchepen. Ma bistrenn, kai han pandlo ap o Debleste!

Remarja 6:18

Kanna han buder gar pandlo ap o tchilatchepen. Kanna han tardo an o tchatchepen, un krenn kowa, hoi o Dewel kamella.

Remarja 8:2

Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

Johanni 8:32

Un tumer prindjrenna o tchatchepen. Un o tchatchepen krella, te han buder gar pandlo.”

Galatarja 5:13

Mire phrala, o Dewel das tumen gole, te djiwenn i djipen, kai han buder gar pandlo ap tchomone. Kal labentsa penau gar, te krenn tumer nai, hoi kamenna, un djiwenn nai tumaro phuro djipen. Na-a, awenn jek o wawareske koi! Krenn kowa dran o kamlepen!

1. Korintarja 7:22

Koon i pandlo budepaskro his ap ko tsiro, har o Jesus Kristo les gole das, kowa hi glan leste buder kek pandlo budepaskro. Un koon kek pandlo budepaskro his ap ko tsiro, har o Jesus Kristo les gole das, kowa hi kanna o Jesus Kristeskro budepaskro.

Galatarja 1:10

Penenn mange, rakrau me kanna jaake, har kamenn i menshe kowa te shunell? Na-a! Me rakrau jaake, har o Dewel kowa kamella. Me kamau gar, te sharenn man i menshe. Te wals kowa jaake, woms gar o Jesus Kristeskro budepaskro.

Remarja 6:14

Tumer hunte rikrenn tumen buder gar ap o Moseskre laba. O Dewel kras tumen tchatcho glan leste dran peskro latchepen. Doleske nai well o tchilatchepen buder gar o rai pral tumende.

Jesaja 54:17

Kek charo, hoi kerdo was, te dell lo tut mulo, nai dukrell tut. Un hako kopo, kai jek tchomone ap tute pre anell, nai sikreh tu, kai job chochras. Kowa krau kolenge, kai mange budrenn. Un me sikrau, te hi jon an o tchatchepen, penell o baro Dewel.

Galatarja 5:22

Kones hi o Debleskro Ducho an peskro dji, dran koleste wella latchepen: Les well o Debleskro kamlepen un bacht an o dji. Job kamell kek tchingepen. Job rikrell lauter win. Job hi latches ap i wawarende. Les hi i baro dji i wawarenge. Kowa, hoi job penell, ap kowa rikrell pes job.

Remarja 7:4

Jaake hi kowa ninna tumentsa, mire phrala. Har o Jesus Kristo meras, meran tumer leha. O Moseskre laba hi buder gar o rai pral tumende. Kol labenge han mulo. Kanna hi tumen i wawar rai. Kowa hi o Jesus Kristo, koles o Dewel i mulendar djido kras. Kanna nai djiwah jaake, te well o Dewel sharedo!

Remarja 6:21

Kowa, hoi kran, his tchi moldo. Tumer kran sawo koowa, koleske kai diwes ladjenn tumen. Sawo koowa anell an o merepen dren.

Mateo 25:46

Un kol tchilatche len i phagi hako tsireske. I latche lenn o djipen, hoi gar pre-herella.

Daniel 3:26

Un o Nebukadnezar djas pash ko wudar ko bobestar un das gole: “Shadrach, Meshach un Abed-Nego, tumer budepangre o pralstuno Deblestar, awenn koi win, un wenn pash mande!” Un o Shadrach, o Meshach un o Abed-Nego djan win dran i jag.

Debleskri gili 143:12

Tu hal jaake latcho ap mande. Doleske le kolen krik, kai ap mande djan, un mare lauteren, kai mange miro djipen phares krenn. Me hom tiro budepaskro!

Tito 1:1

Me, o Paulo, tchinau kau liil. Me hom o Debleskro budepaskro. Un o Jesus Kristo bitchras man pash kolende, kolen o Dewel peske win rodas, te krap lengro patsepen soreles, te haiwenn le o tselo tchatchepen, un te djan le ap o Debleskro drom.

Kolossarja 1:10

Palle djiwenn tumer jaake, te well o Dewel sharedo, un krenn lauter, hoi hi latcho un mishto glan leskre jaka. Un dran tumaro djipen well bud latcho koowa. Un tumer prindjrenn o Debles hako tsiro feteder.

Filiparja 4:17

Me penau kowa gar, te denn mange tchomone. Na-a, kamau, te denn tumer o Debleske tchomone, te sharell job tumen.

Filiparja 1:11

Un ko bud latcho un tchatcho koowa, hoi tumer kran, krell o Debles bares. Kowa kran tumer an i soor, hoi o Jesus Kristo das tumen.

Efesarja 5:9

Lauter kolla, kai ap leskro drom djana, krenn kowa, hoi latcho un tchatcho hi, un penenn o tchatchepen.

2. Korintarja 3:17

Maro rai Jesus un o Debleskro Ducho hi jek. Te djiwell o Debleskro Ducho an jekeste, hi ko mensho buder gar pandlo, un hunte djal buder gar ap o phuro drom.

Remarja 7:25

O Dewel well sharedo! Maro rai, o Jesus Kristo, kras kowa! Pral miro dji hi o Dewel o rai, un me hom leske koi. Un pral miro mass hi o tchilatchepen o rai.

Johanni 15:16

Tumer rodan man gar win. Me rodom tumen win, te djiwenn jaake, te well dran tumaro djipen latcho koowa, hoi atchella. Un o dad dell tumen halauter, hoi mangenn lestar an miro lab.”

Johanni 15:2

Hako senelo kasht ap mande, hoi anell kek drake, tchinell job tele. Un ko kasht, hoi anell drake, krell job djudjo, te anell lo budeder drake.

Johanni 4:36

Kanna anenn i budepangre kolen khetne, kai lenn o djipen, hoi gar pre-herella. Un lengri budi well plaissedo. Jaake hi hake dui bachtelo: Kowa, kai o tikno djob an i phub witsras, un kowa, kai anell o djob dren.

Mateo 19:29

Un hakeno, kai mukas peskro kheer, peskre phralen, peskre phenjen, peskro dades, peskri dat, peskre tchawen un peskro kotar them, te djal lo mantsa, kowa lell sheel kope pale, hoi job mukas. Un o Dewel dell les o djipen, hoi gar pre-herella.

Mateo 13:43

Palle hi kolla, kai kran, hoi lengro dad an o bolepen kamas, har i bari momeli an leskro railo them. Mukenn kowa an tumaro shero trujel te djal!

Mateo 13:40

Un jaake har ko djungelo senlepen khetne lino wella, un an i jag witsedo wella, jaake well kowa ap ko tsiro, kai o Dewel o tchatchepen pral i tsele menshende wi-rakrella.

Debleskri gili 92:14

Jon hi har ruka, kai hi tardo an o baro Debleskro kheer, un kai wenn senelo ap i platsa glan o Debleskro kheer.

Hiob 1:8

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar.”

4. Mose 23:10

Kek djinell, har bud menshe o Jakobeskre menshe hi. Awa, kek nai hatsell win, har bud serja i Israelitarja hi? Me kamau, te merap jaake har jek lendar, kol tchatche menshendar. Miro merepen mu well har lengro merepen!

1. Mose 50:17

‘Jaake hunte penenn ap o Josefeste: Mangau tut, biste ko tchilatcho koowa, hoi tire phrala ap tute kran!’ Doleske mangah mer, kai ninna tiro dadeskro Debles an-gole dah: Biste ko tchilatchepen, hoi mer kram!” Har o Josef kowa shunas, rowas job.

Debleskro tsiro 7:13

Un jek kol tchatchepangre phurendar putchas mandar: “Koon hi kolla, kai hi len parne ripja ap lende? Kai wan le?”

Jakobo 1:1

Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.

Daniel 6:20

Sik taissarlakro, har o kham gar pre djas, stas o baro rai pre, un djas sik pash i gruba, kai i lewe hi.

Debleskri gili 86:2

De garda ap miro djipen! Me hom tiro. Ab ap miri rig, miro Dewel, me hom tiro budepaskro, un rikrau man ap tute.

Kolossarja 4:12

Ninna o Epafras penell tumenge: “Atchenn o Debleha!” Kowa hi jek tumendar, un budrell o Jesus Kristeske. Job mangell o Debles hako tsiro tumenge, te wenn tumer soreles an o patsepen, te djinenn lauter, hoi o Dewel tumendar kamella un te krenn kowa ninna.

Hebrearja 12:14

Krenn lauter, te well tumen kek tchingepen i wawar menshentsa! Tchiwrenn o tselo tchilatchepen dran tumende win! Kek mensho dikell o Debles, te mukell lo o tchilatchepen an peste te djiwell.