Remarja 4:15 - O Debleskro Drom 2021 (Sinte)

¹⁵ Te djinell jek gar, hoi o Dewel lestar kamella, un krell i tchilatcho koowa, nai djinell lo gar, kai kowa tchilatcho hi. Kolla, kai djinenn, hoi o Dewel lendar kamella un krenn kowa gar, pral kolende well o Debleskri choli. Jaake anenn o Moseskre laba, hoi menge penenna, hoi o Dewel mendar kamella, tchatchepah o Debleskri choli pral i menshende.

O Debleskro Lab 2024 (Sinte-Manouche)

¹⁵ Te djinell yek gar, hoy o Devel lestar kamella, oun krell i čilačo koova, nay djinell lo gar, kay kova čilačo hi. Kolla, kay djinenn, hoy o Devel lendar kamella oun krenn kova gar, pral kolende vell o Debleskri rholi. Yaake anenn o Moseskre laba, hoy menge penenna, hoy o Devel mendar kamella, čačepah o Debleskri rholi pral i menshende.

Remarja 4:15 Referans Kwoze

Remarja 5:13

Glan rah tsiro, har shunan i menshe gomme gar, har te djiwenn le, anan le kek doosh ap pende, te kran le o tchilatchepen.

Galatarja 3:10

Kol wawar, kai rikrenn pen ap o Moseskre laba, un kamenn jaake tchatcho te well glan o Debleste, kolla hi tel o Debleskro praassepen. O Debleskro lab penella: Hakeno hi praassedo, koon gar lauter krella, hoi o Moseskre laba penenna. Un kek mensho hi koi, kai krell lauter, hoi o Moseskre laba penenna.

1. Korintarja 15:56

O merepen lell peskri soor dran o tchilatchepen, hoi o mensho krella. Hoi tchilatcho hi, djinah mer dran o Moseskre lila, kai tchinlo hi, har te djiwas.

Galatarja 3:19

Hoske hi o Moseskre laba koi? O Dewel das len mende, te dikas mer, har baro maro tchilatchepen hi. O Moseskre laba atchan tardo jaake rah, bis te was o Abrahameskro tchawo, ko jek, konestar o Dewel penas, te well job. I bolepangre anan kol laba o Moseske. Kowa his tardo mank i menshende un o Debleste. Un o Mose das kol laba i menshende.

Johanni 3:36

Koon ap o tchaweste patsella, koles hi ko djipen, hoi gar pre-herella. Koon ap o tchaweste gar patsella, koles well ko tchatcho djipen gar. O Debleskri choli atchell pral leste.”

1. Johanni 3:4

Hakeno, kai o tchilatchepen krella, djiwell gar pal o Debleskro tchatchepen. Un kowa, kai djiwell gar pal o Debleskro tchatchepen, anell doosh ap peste.

Efesarja 5:6

Ma patsenn kekes, kai penell tumenge, te nai krenn kowa lauter! Koon kowa penella, hi i chocheno. O Debleskri choli well ap kolende, kai gar ap o Debleste shunenna, un krenna sawo tchilatcho koowa.

Johanni 15:22

Te woms me gar pash lende, un penoms lenge gar halauter, lans le kek doosh ap pende. Kanna nai penenn jon gar: Mer djinam gar, kai kowa, hoi kram, tchilatcho hi.

Zefanja 1:18

Lengro rup un sonakai nai lell len gar win dran koi bibacht ap ko diwes, kai o baro Debleskri choli pral lende wella. Leskri bari choli well har i jag pral o tselo them un krell halauter paash. Sik well o merepen pral halauter, kai kote djiwenn.

Ezekiel 7:19

Lengro rup witsrenn le ap o drom, un lengro sonakai hi lenge har tchik. Lengro rup un lengro sonakai nai lell len gar dran o merepen win, ap ko diwes, kai i choli o baro Deblestar pral lende well. Lengro rup un sonakai was tchi-moldo. Jon nai chan les gar, un nai krenn gar pengro per lestar pherdo. Lengro brawlepen his kowa, hoi anas len jaake dur, te peran le o baro Debleskro dromestar tele.

Kolossarja 3:6

Kol menshe, kai shunenn gar ap o Debleste, kolla krenna sawo koowa. Doleske well o Debleskri choli pral lende.

Remarja 1:17

An kau lab sikrell o Dewel, koon glan leste tchatcho hi: Kolla, kai patsenna un denn pengro patsepen gar pre. Lengro tchatchepen well dran o patsepen. Jaake hi kowa tchinlo an o Debleskro lab: Kowa, kai patsella, kowa well tchatcho glan o Debleste un djiwella.

Ropaskre gilja 2:22

Haki rigjatar kharal kolen, kai kran menge daar un traash. Jon wan har pash i baro chapen. Un kek mendar nai nashas peske ap o diwes, kai tiri choli, baro Dewel, pral mende was, un kek atchas pral. Kolen, kai me ap i wasta hidjrom un bares tserdom, kolla wan lendar maredo.

Jeremia 4:8

Doleske riwenn tumen an i gono! Rowenn un denn gole! O baro Dewel las peskri bari choli gar mendar krik.

2. Rajengro liil 22:13

“Djan koi un putchenn o baro Debles mange un i menshenge an o them Juda, pral kol laba an ko liil, hoi hatslo was. Mare phure shunan gar ap kol laba, hoi kote tardo hi, un djiwan gar jaake, har kote tele tchinlo hi. Doleske hi o baro Debleskri choli bares ap mende tchiddo.”

4. Mose 32:14

Un kanna krenn tumer ko emligo koowa! Tumer han tchatche tchawe tumare dadendar! Mursha, kai o Debleskro drom tele djan un krenn, te well o baro Debleskri choli pral Israel bareder.

Debleskro tsiro 19:15

Un dran leskro mui well i charo win, hoi latches tchinella. Koleha kurell lo pes i menshentsa an i tsele themma, un well sorleder har jon. Job anell len i sasterno wasteha. Jaake har jek i drake paash stakrella, te well i mool win, jaake stakrell lo kolen paash, kai gar ap leste shunenna, un anell i choli o sorelo Deblestar ap lende.