Remarja 3:12 - O Debleskro Drom 2021 (Sinte)

¹² Halauter mukan o tchatcho drom un molenn tchi. Kek krell, hoi mishto un latcho hi, kek.

O Debleskro Lab 2024 (Sinte-Manouche)

¹² Halauter moukan o čačo drom oun molenn či. Kek krell, hoy mishto oun lačo hi, kek.

Remarja 3:12 Referans Kwoze

Debleskri gili 14:3

Halauter rissran pen lestar krik, un djiwenn i djungelo djipen, jek har ko wawar. Kek hi koi, kai krell o latchepen, awa, kek!

Sikepaskro 7:20

Kek mensho hi jaake an o tchatchepen tardo, te krell lo kokres latcho koowa un anell kek doosh ap peste.

Jesaja 64:6

Un koi hi kek, kai tiro lab an-gole dell, kek, kai well pash tute, te rikrell lo pes ap tute. Tchatchepah, tu kameh buder tchi mendar te djinell, un mukeh men tapedo an maro tchilatchepen.

Jesaja 59:8

Tumenge hi tchi moldo, te djal i wawarenge mishto. Un o tchatchepen kamenn gar te krell. Bange dromma djan tumer. Sawe menshe perenn an i bibacht.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Sikepaskro 7:29

Dik, kowa kokres hatsom: O Dewel kras o menshes jaake, te djiwell lo an o tchatchepen; i menshe rodenn penge bud dromma, kai nai krenn le tchilatchepen.

1. Petro 2:25

Tumer hans har bakre, kai nashran pen. Kanna anas tumen o Jesus Kristo pale ap o tchatcho drom. Job hi tumenge har i bakrengro, un dell garda ap tumende.

Filemon 1:11

Ap ko tsiro, har job pash tute budras, his lo tuke tchi moldo. Kanna hi lo mange har tuke bud moldo.

Efesarja 2:3

His i tsiro, kai djiwam mer halauter har jon, un kram o tchilatchepen, hoi an mende hi. Mer kram, hoi mer kamam, un hoi menge an o shero was. Un o Debleskri choli his ninna pral mende har pral kol wawar menshende.

1. Mose 1:31

Un o Dewel dikas halauter, hoi job kras, un tchatchepah halauter his mishto. Un was rati un pale taissarlakro. Kowa his o shobto diwes.

Mateo 25:30

Ko budepaskro, kai tchi moldo hi, witsrenn les an i kali rat win! Kote rowenn le, un dandrenn i danda i dukatar khetne.

Jeremia 2:13

Mire menshe kran tchomone, hoi dui kope tchilatcho hi: Man, ko djido pani mukan jon, un hadan penge panjeskre chebja win, kai paash hi, un nai rikrenn kek pani.

Debleskri gili 53:1

I gili o rajeske pral i gipangre, te giwell har koi gili ‘Mahalat’. O David kras kai gili.

2. Mose 32:8

Sik djan le ko dromestar tele, kai me sikrom lende. Jon kran penge i dewel, – i terno gurum, – un mangan les an, maran viechen leske un penan: ‘Kawa hi tiro Dewel, Israel, kowa, kai anas tut dran o them Egiptia win.’”

Debleskri gili 53:3

O Dewel dikell dran o bolepen tele ap i menshende, te hatsell lo jekes, kai gosewo hi un pal o Debleste putchella.

Remarja 3:11

Kek mensho hi gosewo. Kek rodell o Debles.

Remarja 3:13

Dran lengro mui well merepen. Ap lengri tchip hi chochepen. Lengro rakepen anell o merepen har i sapa, hoi dandrenna.