Remarja 2:10 - O Debleskro Drom 2021 (Sinte)

¹⁰ Railepen, tchatchepen un bacht dell o Dewel kolen, kai kran o latchepen, – gar kokres i bibolden, na-a, ninna kolen, kai kek bibolde hi.

O Debleskro Lab 2024 (Sinte-Manouche)

¹⁰ Raylepen, čačepen oun barht dell o Devel kolen, kay kran o lačepen, – gar kokres i bibolden, na-a, ninna kolen, kay kek bibolde hi.

Remarja 2:10 Referans Kwoze

Jesaja 32:17

Un kote, kai o tchatchepen khere hi, un i menshe pal o Debleskre tchatchepaskre laba djiwenn, kote hi kek kurepen un kek tchingepen. Un kekes hunte well daar. Jaake atchell kowa hako tsireske.

Jesaja 26:12

Baro Dewel, le o kurepen krik, te djal menge mishto! Lauter hoi kram, kral tu menge.

4. Mose 6:26

O baro Dewel dikell kamles ap tumende un dell tumen shukapen an o dji!

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.

Jakobo 3:13

Koon gosewo hi mank tumende un djinell bud, kowa hunte sikrell dran peskro latcho djipen, kai haiwas lo, hoi mishto un tchatcho hi. Un job sharell pes gar pral ko latcho koowa, hoi job kras.

Remarja 8:6

Kolla, kai djiwenn jaake, har jon kamenna, kolla merenna. Kolla, kai krenna, hoi o Debleskro Ducho lenge penella, kolla len o Debleskro djipen un leskri bacht.

Remarja 2:7

Kolen, kai mukan gar tele, te krenn le o latchepen, dell lo o djipen, hoi gar pre-herella. Jon hi kolla, kai tchiwan pengro dji koi pre, te dikell o Dewel kamles ap lende, un te lell lo len pash peste an leskro railepen, kai dell lo len o djipen, hoi gar pre-herella.

Louka 1:79

un well diklo kolendar, kai hi len traash o merepastar. Kai bari momeli anell men ap o drom, kai wella o Debleskri bacht ap mende.”

Hiob 22:21

Jaake, ab o Debleha pale an o latchepen! Un ma tchinge leha! Palle well pale bacht an tiro djipen.

Jakobo 2:22

Tu dikeh, har job kras, hoi o Dewel lestar kamas, koi sikras lo, kai leskro patsepen ap o Debleste baro his.

Galatarja 5:6

O Jesus Kristeske molell tchi, te hi i mursh ap o mass tchinlo, witar gar, te hi lo gar tchinlo. Kowa, hoi hi budeder moldo har lauter, hi o patsepen. Ko patsepen dikah mer ap o kamlepen, kai jekes hi i wawareske.

Remarja 5:1

Maro patsepen ap o rajeste, o Jesus Kristeste, kras men tchatcho glan o Debleste. Un o Debleskri choli well buder gar ap mende.

Remarja 2:9

Bibacht un daar well ap i tsele menshende, kai o tchilatchepen kran, gar kokres ap i biboldende, na-a, ninna ap kolende, kai kek bibolde hi.

Johanni 16:33

Kowa lauter penom tumenge, te well tumen i bari bacht an o dji pral kowa, kai han mire. Kate ap kai phub hi tumen daar. Ma darenn! Me hom sorleder har halauter ap kai phub.”

Filiparja 4:7

Palle dell o Dewel tumen peskri bacht an o dji. Leskri bacht hi jaake baro, kai nai haiwah kowa gar. Un o Jesus Kristo rikrell tumaro dji, un lell tumari daar krik.

Galatarja 5:22

Kones hi o Debleskro Ducho an peskro dji, dran koleste wella latchepen: Les well o Debleskro kamlepen un bacht an o dji. Job kamell kek tchingepen. Job rikrell lauter win. Job hi latches ap i wawarende. Les hi i baro dji i wawarenge. Kowa, hoi job penell, ap kowa rikrell pes job.

Remarja 15:13

Un o Dewel, kolestar o tselo latchepen wella, ap koleste dikah, lestar mangah, te wenn tumer tchalo i bachtjatar an o dji dran tumaro patsepen, jaake te djinenn tumer: Ko latchepen, hoi dell men o Dewel an o tsiro, hoi wella, kowa well tchatchepah. Un o Debleskro Ducho dell tumen i soor, te dikenn bud un budeder ap o Debleste.

Remarja 14:17

Kolla, kai o Dewel o rai pral lende hi, kolla tchingrenn gar pral kowa, hoi jon chana un hoi jon pijenna. Na-a. Jon djiwenn pal o tchatchepen, hoi o Deblestar wella un tchingrenn gar, un o Debleskro Ducho dell len bacht an o dji.

Remarja 9:23

Kowa kras lo, te sikrell lo peskro baro railepen ap kolende, kai lan leskro kamlepen. Kolen rodas lo win, te djiwenn le leha khetne an leskro railepen.

Remarja 9:21

Kowa hi jaake har pash i mensheste, kai krell tchare un pirja dran jek kotar loli phub. Te kamell lo, krell lo i shukar tcharo, hoi bud moldo hi. Un te kamell lo, krell lo i wawar tcharo, kai tchiklo koowa dren tchiddo wella.

Johanni 12:26

Koon kamell mange koi te well, kowa hunte djal mantsa. Kote, kai me hom, hi ninna kowa, kai mange koi hi. Kowa, kai mange koi hi, well sharedo miro dadestar.

Louka 22:14

Har ko tchatcho tsiro was, beshas job pes tele. Un kol deesh-te-dui bitchepangre beshan pen leha.

Louka 19:42

un penas: “Bachtelo wans tumer, te djinans tumer kau diwes, koon anell tumenge o Debleskri bacht! Tumer han korelo. Tumer dikenn les gar.

Louka 12:37

Bachtele hi kol budepangre, kai sowenn gar, te well lengro rai pale. Me penau tumenge: O rai penell lenge, te beshenn le pen tele, te chan le. Un job pandell peske i damdira trujel, un hi lenge koi.

Louka 9:48

un penas ap lende: “Kowa, kai lell kau tchawes pash peste pre an miro lab, kowa lell man pash peste pre. Koon man pre lella, kowa lell koles pre, kai bitchras man. Koon mashkral tumende o tikneder hi, kowa hi baro.”

Mateo 10:13

Un jon te lenn tumen an lengro kheer dren, palle well o Debleskri bacht ap lende. Jon te lenn tumen gar an lengro kheer dren, palle well o Debleskri bacht gar ap lende.

Jeremia 33:6

Kanna shun, me kamau kau foro pale soreles te krell, un leskro dukepen sasto te krell, te djal leskre menshenge mishto, un te nai djiwenn le kek darjah.

Jesaja 57:19

tchiwau i gili an lengro mui, kolah sharenn le man. Kolenge, kai dur krik hi, ninna kolenge kai gar dur hi, lenge halauterenge mu djal mishto, penell o baro Dewel. Me krau len sasto.

Jesaja 48:22

Kau tselo latcho koowa, hi gar i tchilatchenge, penell o baro Dewel.

Jesaja 48:18

Kamaus, te shunals tu ap mire laba. Palle wals jaake bud latchepen an tiro djipen, har pani an i lengsto pani hi. Un pale te pale wals bacht ap tute, jaake har o baro pani pale te pale ap o them nashell.

Gosewe laba 11:18

I tchilatcho mensho lell peske sau koowa khetne, hoi leske gar atchell. Koon an o tchatchepen peskri budi krell, lell i plaissepen, hoi atchell.

Gosewe laba 8:18

Brawlepen un barepen dau me, brawlepen, hoi atchella, un o tchatchepen well mandar.

Debleskri gili 37:37

Kre jaake har kowa, kai shunell ap o Debleste peskro tselo djijeha! Un djib jaake har kowa, kai well kek doosh ap leste hatslo. Sawo mensheske djal mishto an ko tsiro, hoi wella.

Debleskri gili 29:11

O baro Dewel dell peskre menshende soor, ninna bacht un latcho koowa.

Debleskri gili 15:2

Koles kokres, kai i djudjo djipen djiwell, un hako tsiro krell, hoi tchatcho hi. Kowa, kai kek chochepen rakrella,

1. Samuel 2:30

Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.

1. Petro 5:4

Un ap ko diwes, kai well o pralstuno bakrengro, lenn tumer leskro railepen, hoi atchella hako tsireske.

Johanni 14:27

Ninna te hom me gar pash tumende, atchell koi bacht, hoi me dom tumen, an tumare djia. Me dau tumen miri bacht. Koi bacht nai denn tumen gar i menshe ap kai phub. Ma trashenn! Ma awenn dareno!

Jesaja 55:12

Tumer djan bachteles win an o latchepen, un kek rikrell tumen pre. I bare un i tikne berge denn gole i bachtjatar, te dikenn le tumen. Un i ruka an o weesh denn an pengre wasta.

1. Timoteo 1:17

Me sharau o Debles, koles, kai hako tsiro o baro rai hi; kowa, kai merella gar, un kai nai dikell les kek. Kowa kokres hi o Dewel. Leskro railepen atchell hako tsireske. Amen.

Hebrearja 2:7

I tikno tsiro mukal les tikneder te well har i bolepangre. Palle kral tu les railo un baro.