Remarja 16:4 - O Debleskro Drom 2021 (Sinte)

⁴ Har kaman man i menshe te marell, wan le ap miri rig. Lengro djipen his lenge tchi moldo. Pash lende parkrau man gar kokres, na-a, ninna i tsele patsle, kai kek bibolde hi, parkrenn pen pash lende.

O Debleskro Lab 2024 (Sinte-Manouche)

⁴ Har kaman man i menshe te marell, van le ap miri rig. Lengro djipen his lenge či moldo. Pash lende parkrau man gar kokres, na-a, ninna i tsele patsle, kay kek bibolde hi, parkrenn pen pash lende.

Remarja 16:4 Referans Kwoze

1. Johanni 3:16

O Jesus sikras mende, har o Debleskro kamlepen hi. Job mukas peskro djipen menge. Jaake mukas mer ninna maro djipen i patslenge.

Filiparja 2:30

Har tumer wan nai gar pash mande, his job mange koi, un leskro djipen his leske gar bud moldo. Leskri budi o Jesus Kristeske anas les pash o merepen.

1. Tessalonikarja 2:14

Mire phrala, tumare menshe lan tumen palla. Jaake djas tumenge har kol patsle biboldenge an o them Judea. Lengre menshe, i bibolde, lan len ninna palla.

1. Korintarja 16:1

Kanna kamau te rakrell pral i lowe, hoi tumer khetne tchiwenn i patslenge. Krenn kowa jaake, har me les ninna penom kol patslenge an o them Galatia.

1. Korintarja 7:17

Kowa, hoi tumenge kanna penau, penau me i tsele patslenge, kote, kai jon khetne wenna. Mer lauter hunte djiwas maro djipen ap koi platsa, kai maro rai Jesus men tchiwas, un hunte atchas koi pashel, hoi mer hams, har o Dewel men gole das:

Remarja 5:7

Kek merell i tchatcho mensheske. Nai well, te merell jek i latcho mensheske.

Bičepangre 16:5

Un i tsele patsle wan sorleder an o patsepen, un hako diwes wan budeder patslo.

Bičepangre 15:41

Un o Paulo un o Silas djan an i themma Syria un Cilicia, un jon dan i tsele patslen soor an o patsepen.

Johanni 15:13

Kekes hi bareder kamlepen har kowa, kai merell peskre malenge.

Micha 2:3

Doleske penell o baro Dewel ap lende: Kanna hom me, kai lell pes tchilatcho koowa glan, hoi anau ap tumaro kheer! Well jaake, har te wals i dori trul tumari meen, un tumer nai tserdenn tumaro shero buder gar win, un rikrenn les buder gar pre. Sawo tchilatcho tsiro well pral tumende.

2. Samuel 22:41

Tu kral, te hunte nashan le mandar. Jaake nai marom kolen, kai mange tchilatchepen kaman.

Josua 10:24

Un har le kol rajen pash o Josua anan, mukas job i tsele Israeleskre murshen khetne gole te dell, un penas ap i pralstunende pral i lurdende: “Awenn kate un tchiwenn tumare pire ap lengre meen!” Un jon wan un kran kowa.

Debleskro tsiro 1:4

Me, o Johanni, tchinau kau liil ap i tsele patslende, kai an i efta forja an o them Asia khetne wenna. Latchepen un bacht tumenge! Kowa dell tumen o Dewel! Job djiwella hako tsiro: kanna un an ko tsiro, hoi his un hoi wella! Latchepen un bacht tumenge! Kowa dell tumen o Debleskro Ducho! Kowa hi har efta jaga glan o Debleskro beshepaskro tardo.

Bičepangre 9:31

I patsle an i themma Judea, Galilea un Samaria, kolen his kanna i latcho tsiro, kek las len buder palla. Un o Debleskro Ducho kras len soreles an o patsepen. Un jon shunan ap o Debleste un bud un budeder menshe wan patslo.

Bičepangre 15:26

Kolla hi mursha, kai budrenna maro rajeske, o Jesus Kristeske, un lengri budi leske hi lenge budeder moldo har lengro djipen.

Remarja 16:3

Penenn latche laba mandar ap i Priska un ap o Akwila! Jon budrenn mantsa o Jesus Kristeske.

Remarja 16:5

Penenn ninna latche laba mandar ap kol patslende, kai an lengro kheer khetne wenna, un ap miro latcho maal, o Epaineto. Job was o ersto patslo an o them Asia.