Remarja 16:19 - O Debleskro Drom 2021 (Sinte)

¹⁹ Bud menshe shunan, kai tumer ap o Debleste patsenn un ap leste shunenn. Doleske hom me bachtelo pral tumende. Un me kamau o tselo djijestar, te haiwenn tumer bud un budeder, hoi latcho hi, un te krenn kek tchilatcho koowa.

O Debleskro Lab 2024 (Sinte-Manouche)

¹⁹ Boud menshe shounan, kay t'mer ap o Debleste patsenn oun ap leste shounenn. Doleske hom me barhtelo pral t'mende. Oun me kamau o tselo djiyestar, te hayvenn t'mer boud oun boudeder, hoy lačo hi, oun te krenn kek čilačo koova.

Remarja 16:19 Referans Kwoze

Mateo 10:16

Djinenn, me bitchrau tumen har bakre mank i diwje djuklende. Doleske wenn gosewo har i sapa un djudjo har i parne tchirkle, an kolende kek chochepen hi!

1. Korintarja 14:20

Mire phrala, ma awenn har tikne tchawe, kai gomme gar bud djinenna. Awenn gosewo har i phure! Pash tchilatcho koowa, awenn har tikne tchawe, hoi o tchilatchepen gar haiwenna!

Filiparja 2:15

Jaake djiwenn tumer, har mishto hi. Un kek hatsell i doosh ap tumende. Tumer han o Debleskre tchawe, un djiwenn mashkral kol menshende, kai hi tchilatcho un nashran pen an bud dinelo koowa. Mashkral kolende han tumer har i momlia an i rati,

Remarja 1:8

Glan hake wawar laba, hoi kamau tumenge te tchinell, penau tumenge: Hako tsiro, kai rakrau o Jesus Kristeha, parkrau man pash miro Debleste tumenge halauterenge. Ap i tseli phub rakrenn le pral tumaro patsepen.

Filiparja 1:9

Un me mangau o Deblestar, te well tumaro kamlepen bareder un bareder, te haiwenn, hoi o Dewel kamella, un te djinenn, hoi te krenna.

Jeremia 4:22

O baro Dewel penell: Mire menshe hi diwjo, un patsenn man gar. Dinelo hi le, man prindjrenn le gar. Har dinele tchawe hi le, kai tchi haiwenn. Gosewo doha hi le, te krenn le tchilatchepen. Har jon latchepen krenna, djinenn le gar.

Kolossarja 3:16

Ma mukenn tele, te rakrenn un shunenn o lab o Jesus Kristestar! Rakrenn les tumenge an o dji! Awenn gosewo koi pashel, te sikrell jek o wawareste, har te djal lo ap o Debleskro drom! Giwenn Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Awa, giwenn o Debleske, un sharenn les an tumare djia!

Efesarja 5:17

Doleske krenn tumaro dji pre, te haiwenn, hoi o rai Jesus tumendar kamella!

Debleskri gili 101:2

Me dau jak, te djap o tchatcho drom. Kamau te wess pash mande. I djudjo djijeha djiwau khetne lauterentsa an miro kheer.

Louka 10:3

Djan kanna! Me bitchrau tumen har bakre mashkral kol diwje djuklende.