Remarja 16:12 - O Debleskro Drom 2021 (Sinte)

¹² Penenn latche laba ap i Trifena un i Trifosa! Kolla budrenn o Jesuseske, maro rajeske. Penenn latche laba ap miri latchi pheen, i Persis! Koja kras i bari budi i patslenge.

O Debleskro Lab 2024 (Sinte-Manouche)

¹² Penenn lače laba ap i Trifena oun i Trifosa! Kolla boudrenn o Yezouseske, maro rayeske. Penenn lače laba ap miri lači pheen, i Persis! Koya kras i bari boudi i patslenge.

Remarja 16:12 Referans Kwoze

1. Korintarja 16:16

shunenn ap kolende un ap sawende har jon, kai budrenn o Debleske pengri tseli sorjah!

1. Korintarja 15:58

Doleske, mire kamle phrala, atchenn soreles an o patsepen! Ma mukenn tumen kekestar o Debleskro dromestar tele te anell! Awenn hako tsiro o Debleske koi, un budrenn leske mishto! Tumer djinenna: Kai budi, hoi leske krenna, hi gar tchitcheske.

1. Timoteo 4:10

Maro patsepen rikrell pes ap o djido Debleste. Job kamell hako menshes dran o merepen win te lell. Un kolla, kai patsenn ap leste, wenn dran o merepen win lino. Doleske budrah mer, un lah ninna duka ap mende.

1. Tessalonikarja 1:3

Hako tsiro, kai parkrah men pash leste, well menge kowa an o shero, hoi tumer leske krenna an o patsepen un an o kamlepen ap i menshende, un har tumer mukenn gar tele, te dikenn ap ko diwes, kai well maro rai, o Jesus Kristo, pale.

Kolossarja 4:12

Ninna o Epafras penell tumenge: “Atchenn o Debleha!” Kowa hi jek tumendar, un budrell o Jesus Kristeske. Job mangell o Debles hako tsiro tumenge, te wenn tumer soreles an o patsepen, te djinenn lauter, hoi o Dewel tumendar kamella un te krenn kowa ninna.

Kolossarja 1:29

Dran kowa budrau i tseli sorjah, hoi o Jesus Kristo an mande das.

1. Korintarja 15:10

O Dewel kamas an peskro baro latchepen, te wap me kowa, hoi me kanna hom. Un leskro baro latchepen, hoi job man das, his gar tchitcheske. Me budrom budeder har kol tsele wawar. Gar me kokres, o Debleskro latchepen an mande budras mantsa, te krap nai koi budi.

Mateo 9:38

Doleske mangenn o Deblestar, te bitchrell lo budepangren, kai leske budrenna!”

Mateo 5:47

Tumer te han latches ap tumare phralende kokres, palle krenn tumer, hoi lauter krenna. Ninna kolla, kai prindjrenn o Debles gar, krenn kowa, hoi tumer krenna.

Remarja 16:11

Penenn latche laba ap o Herodion, kai hi i biboldo har me, un ap o Narzisso un kol patslende an leskro kheer.

Remarja 16:13

Penenn latche laba ap o Rufo, koles maro rai Jesus win rodas, un ap leskri date. Kaja hi mange jaake har miri dai.