Remarja 15:2 - O Debleskro Drom 2021 (Sinte)

² Hakeno mendar hunte djiwell jaake, te dikell o wawar latches ap leste un well sorleder an o patsepen.

O Debleskro Lab 2024 (Sinte-Manouche)

² Hakeno mendar hounte djivell yaake, te dikell o vavar lačes ap leste oun vell zorleder an o patsepen.

Remarja 15:2 Referans Kwoze

1. Korintarja 10:24

Dikenn gar ap tumende kokres! Pash halauter, hoi tumer krenna, dikenn ninna ap o wawareste, hoi leske mishto hi!

Remarja 14:19

Kanna kras lauter, te well kek tchingepen mank mende. Kras kowa, hoi krell men lauter soreles an o patsepen.

1. Korintarja 10:33

Me krau lauter, te djiwap jaake, har hakeneske mishto hi un rodau gar, hoi mange mishto hi. Me kamau kowa te krell, hoi budenge mishto hi, te djan jon gar nashedo.

1. Korintarja 13:5

Kones hi o Debleskro kamlepen an o dji, kowa krell kek wi-ladjedo koowa; un dikell gar ap peste kokres. Job dikell ninna ap i wawarende, te djal lenge mishto. Kones hi o Debleskro kamlepen an o dji, kowa mukell pes gar chojedo te krell. Job bistrell o tchilatchepen, hoi i wawar leske kran.

1. Korintarja 10:23

Tumer penenn: “Lauter nai krah mer.” Me penau: Gar lauter hi latcho. Lauter nai krah mer. Gar lauter, hoi mer krah, hi mishto menge un i wawarenge.

1. Korintarja 14:3

Kowa, kai penell i menshenge i lab, hoi wella o Deblestar, kowa rakrell jaake ap i menshende, te well lengro patsepen soreles, un te wenn lengre djia bachteles un soreles.

1. Korintarja 14:26

Mire phrala, hi jaake: Te wenn tumer khetne, sharell ko jek o Debles i giljah. I wawar sikrell, har te djan ap o Debleskro drom. Ninna i wawar penell, hoi o Dewel les sikras. Pale i wawar rakrell an i rakepen, hoi o Debleskro Ducho les das. Un i wawar nai penell, hoi koi rakedo was. Lauter kowa krenn, te wenn i patsle soreles an o patsepen!

2. Korintarja 12:19

Patsenn tumer, te rodah mer maro tchatchepen glan tumende? Kowa hi gar jaake. Mer djiwah o Jesus Kristeha un djinah, o Dewel shunell, hoi mer rakrah. Mire phrala un phenja, mer rakrah jaake, te well tumaro patsepen soreles.

2. Korintarja 13:9

Ninna te ham mer gar sorelo, ham bachtelo, te han tumer sorelo. Mer kamah, te wenn tumer an o tchatchepen glan o Debleste tardo, un kowa mangah lestar.

Efesarja 4:12

Lauter kolla krenn pengri budi, te wenn i tsele patsle soreles an o patsepen, un te haiwenn le o Debleskri budi mishto te krell.

Efesarja 4:29

Rakrenn kek tchilatche un djungele laba! Kowa, hoi tumer penenna, hunte well latches kolenge, kai shunenna, te lenn le newi soor an pengro djipen.