Remarja 14:6 - O Debleskro Drom 2021 (Sinte)

⁶ Koon rikrell o Debleskro diwes bareder har i wawar diwessa, krell kowa o Debleske. Koon patsell, te nai chal lo lauter, krell kowa o Debleske un parkrell pes pash leste. Koon patsell, te nai chal lo gar lauter, kowa krell les ninna o Debleske, un sharell o Debles ninna.

O Debleskro Lab 2024 (Sinte-Manouche)

⁶ Koon rikrell o Debleskro dives bareder har i vavar divessa, krell kova o Debleske. Koon patsell, te nay rhal lo lauter, krell kova o Debleske oun parkrell pes pash leste. Koon patsell, te nay rhal lo gar lauter, kova krell les ninna o Debleske, oun sharell o Debles ninna.

Remarja 14:6 Referans Kwoze

Mateo 15:36

Un job las kol efta mare un kol matche, parkras pes pash o Debleste, un phagas len an kotja. Un job das len peskre malende, un kolla dan len halauterende, kai kote beshdo hi.

Mateo 14:19

Palle penas lo ap kol tsele menshende, te beshenn le pen. Un job las kol pantch mare un kol dui matche, dikas pre, parkras pes pash peskro dadeste an o bolepen, un phagas kol mare an kotja, un das len peskre malende. Un kalla dan len i tsele menshende te chal.

Galatarja 4:10

Tumer denn jak ap diwessa, tchonna, bersha un bare tsirja un rikrenn len dren.

Johanni 6:28

Koi putchan jon lestar: “Hoi hunte kras mer? Hoi kamell o Dewel mendar?”

Jesaja 58:5

Patsenn tumer, kai mange mishto hi, te rikrell pes i mensho pale o chapastar, un mukell peskro shero tele te perell har i phagedo shilftikro halmo? Te pandell lo i gono trul peste un beshell pes an i jagakri tchik? Patsenn tumer, sawo koowa hi mishto mange? Hi kowa tchatchepah i diwes, ap koleste me, o baro Dewel, latches dikau?

2. Mose 16:25

O Mose penas: “Chan les kau diwes! Kau diwes hi o baro Debleskro diwes. Kau diwes hatsenn tumer kek maro win.

2. Mose 12:42

Koja rat, kai o baro Dewel kokres ap lende garda das, te lell lo len win dran o them Egiptia, kaja rat hunte well o baro Debleske an hako bersh. An kaja rat hunte atchenn i Israelitarja pre, te sowenn le gar. Jaake sharenn le o baro Debles.

2. Mose 12:14

Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

Zakarie 14:21

I tsele pirja an Jerusalem un an o them Juda hi o Debleste dino; i menshe, kai an o Debleskro baro kheer wenna, nai lenn len un nai kerenn o mass koi dren. Un an ko tsiro dell buder kek parepaskro an o kheer o baro Deblestar, ko rajestar pral o bolepen un i phub.