Remarja 13:7 - O Debleskro Drom 2021 (Sinte)

⁷ Denn hakeneste kowa, hoi leske hi: themeskre lowe, ninna wawar lowe, hoi jon tumendar mangenna. Shunenn ap kolende, kai hi len penepaske, un dikenn pre ap lende!

O Debleskro Lab 2024 (Sinte-Manouche)

⁷ Denn hakeneste kova, hoy leske hi: themeskre love, ninna vavar love, hoy yon t'mendar mangenna. Shounenn ap kolende, kay hi len penepaske, oun dikenn pre ap lende!

Remarja 13:7 Referans Kwoze

Louka 20:25

Penas lo lenge: “Jaake denn leste, hoi leskro hi, un denn o Debleste, hoi leskro hi!”

Mateo 17:25

Un o Petro djas an o kheer dren, te penell lo kowa o Jesuseske. Har o Jesus dikas, te well o Petro pash leste, putchas lo lestar: “Petro, koon hunte dell kol lowe i bare rajende ap kai phub? Hunte denn lengre menshe lende kol lowe? Hunte denn i wi-themarja lende kol lowe?”

Gosewe laba 24:21

Miro tchawo, djib glan o baro Debleskre jaka un kre, hoi o baro rai tutar kamella! Ma dja kolentsa, kai wawaren ap lende pre anenn!

1. Timoteo 5:17

Kanna rakrau pral kolende, kai hi kol phureder mank i patslende, un krenn pengri budi mishto. I patsle hunte dikenn pre ap lende un shunenn ap lende. Ninna hunte denn le len lowe. Kowa penau budeder kolendar, kai penenn i menshenge o Debleskro lab, un sikrenn lende o Debleskro drom.

Mateo 22:21

Penan le: “O shero un o lab o baro rajestar an o foro Rom!” Penas lo ap lende: “Jaake denn leste, hoi leskro hi! Un denn o Debleste, hoi leskro hi!”

Efesarja 6:5

Tumer budepangre, kai hunte budrenn tumare rajenge, ap tumende penau: Shunenn ap tumare rajende! Darenn lendar un budrenn lenge, har te budrans o Jesus Kristeske!

1. Petro 3:7

Murshale, djiwenn tumare romjentsa latches khetne! Jon hi gar jaake sorelo har tumer. Awenn latches ap lende! Ma bistrenn, i djuwja lenn o Debleskro djipen har tumer! Te djiwenn tumer jaake, palle well tchi mashkral tumende tardo ap ko tsiro, kai rakrenn o Debleha.

1. Timoteo 6:1

I budepangre, kai ginlo wan, hunte shunenn ap pengre rajende, te nai rakrell kek mensho djungeles pral o Debleste un pral kowa, hoi mer i menshenge pral leste penah.

Efesarja 5:33

Ninna te haiwau me kau lab jaake, penell kau lab tumenge: Hakeno hunte well jaake kamlo ap peskri romjate, har job kamlo ap peste hi! Un i romni hunte well latcho ap peskro romeste!

Louka 23:2

Un jon anan bud koowa ap leste pre, un penan: “Kau mursh kras mare menshen diwjo. Job penas, te das mer o baro rajeste an o foro Rom buder kek lowe. Un job penas ninna, kai hi lo o Kristo, ko baro rai, kolestar o Dewel penas, te well job.”

Markus 12:17

Un o Jesus penas ap lende: “Jaake denn leste, hoi leskro hi, un denn o Debleste, hoi leskro hi!” Un jon kran bare jaka pral leste.

1. Samuel 12:18

Un o Samuel das ap o baro Debleste gole, un o baro Dewel bitchras brishin ko diwes, un mukas o bolepen gole te dell. Koi lan i tsele menshe bari daar glan o baro Debleste un glan o Samuel.

3. Mose 19:32

Glan phure menshende stess tu pre un dikess pre ap lende. Tu rikress tiro Debles glan tire jaka pash halauter, hoi kreh! Me hom o baro Dewel.

3. Mose 19:3

Hakeno tumendar hunte dikell pre ap peskri date un ap peskro dadeste, un hunte rikrell o Debleskro diwes! Me, o baro Dewel, hom tumaro Dewel.

2. Mose 20:12

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

1. Timoteo 5:13

Kal terne djuwja kamenn buder gar te budrell, un jon djan dran jek kheer an o wawar, un tchamrenn bud. Jon kamenn lauter feteder te djinell, un rakrenn jaake, hoi gar mishto hi.

Gosewe laba 3:27

Te hi tut latcho koowa, de ninna koleste, koles tchi hi.

Louka 20:22

Pen menge: Hi mishto pal maro tchatchepen, te das mer o themeskre lowe o baro rajeste an o foro Rom?”

Remarja 12:10

Kamenn i phralen un i phenjen o tselo djijestar! Hakeno hunte rikrell o wawares bareder har pes kokres.

Remarja 13:6

Dran kowa denn tumer ninna kol themeskre lowe, hoi o themeskre pralstune tumendar kamenna. Te mangenn le kol lowe tumendar, krenn le koi budi, hoi o Dewel len das.

1. Rajengro liil 3:17

Un jek kol dujendar penas: “Miro rai, me un kai djuwel kate, djiwah an jek kheer. Un me anom i tchawes ap i phub an o kheer. Joi his koi pashel.