Remarja 12:2 - O Debleskro Drom 2021 (Sinte)

² I menshe ap kai phub djiwenn pal pengro shero. Ma djiwenn jaake har jon! Mukenn tumen o Deblestar newes te krell, te haiwenn tumer, hoi job kamella: kowa, hoi hi latcho un mishto un tchatcho.

O Debleskro Lab 2024 (Sinte-Manouche)

² I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

Remarja 12:2 Referans Kwoze

1. Petro 1:14

Tumer han o Debleskre tchawe. Doleske shunenn ap leste, un djiwenn buder gar jaake har an ko tsiro, kai prindjran tumer o Debles gar un kran o tchilatchepen, hoi an tumende his.

2. Korintarja 5:17

Kanna djinah: Koon o Jesus Kristeha djiwella, kowa hi i newo mensho, un djiwell buder gar peskro phuro djipen. I newo koowa was an leskro djipen.

Kolossarja 3:10

Djiwenn kanna o newo djipen! Mukenn tumen o Deblestar bud un budeder newes te krell, jaake te prindjrenn o Debles feteder un djinenn, hoi job kamella! Palle wenn tumer jaake har job, kai tumen o newo djipen das.

Efesarja 5:17

Doleske krenn tumaro dji pre, te haiwenn, hoi o rai Jesus tumendar kamella!

Ezekiel 36:26

Me dau tumen i newo dji, un tchiwau i newo ducho an tumende, un lau ko dji dran bar dran tumende win, un dau tumen i dji dran mass.

1. Petro 4:2

Jaake rah, har kau mensho ap kai phub hi, krell lo kowa, hoi o Dewel kamella, un djiwell buder gar pal peskro shero.

Remarja 12:1

Mire phrala, o Dewel hi kamlo ap tumende. Doleske mangau tumen o tselo djijestar: Djiwenn tumaro djipen o Debleske, un wenn leske kokres koi, jaake te well o Dewel bachtelo pral tumende. Te djiwenn tumer jaake, sharenn tumer les. Un kowa hi tumari budi.

Johanni 15:19

Te hans tumer menshe kai phubjatar, palle kamans le tumen. Jon kamenn kolen, kai hi jaake har jon. Tumer han gar kolendar. Me rodom tumen dran lende win. Doleske kamenn le tumen gar.

Debleskri gili 51:10

Muk man pale bacht te haiwell! Tu phagal man, kanna muk man pale te stell!

Remarja 13:14

Djiwas jaake har maro rai, o Jesus Kristo, djiwas! Te kamell o djungelo koowa an tumaro shero te well, palle penenn: Na-a!

Tito 3:5

un anas men pash peste. Hams gar moldo, te kras job kowa. Ninna te kram gar latcho un tchatcho koowa, his o Debles i baro dji menge. Doleske thowas lo mari doosh mendar tele, un mer wam leskre tchawe. Kau newo djipen das men o Debleskro Ducho.

Jakobo 4:4

Tumer chochran un mukan o Debles! Djinenn tumer gar, kai kolla, kai tchiwenn pengre djia ap i phubjakro koowa, kolla hi gar o Debleskre mala? Koon kamell ko drom te djal, hoi i menshe ap kai phub djana, kowa kamell o Debles gar.

2. Korintarja 4:4

Jon patsenn gar ap leste. O beng, kai o rai hi pral kai phub, kras len korelo, te dikenn le gar, hawo latchepen well dran o latcho lab o Jesus Kristestar. Ko lab sikrell men o Jesuseskro railepen. Un job hi jaake har o Dewel.

Johanni 17:14

Me penom lenge tire laba. Jon hi gar kai phubjatar, jaake har me hom witar gar kai phubjatar. Doleske hi i menshe ap kai phub chojemen ap lende.

2. Petro 1:4

Glan i rah tsiro penas o Dewel i menshenge, te bitchrell lo lenge jekes, kai lell len dran o merepen win, un dell len o Debleskro djipen. Ko baro un kutch koowa kras lo kanna menge. Mer lam o Debleskro djipen un hunte kras buder gar ko djungelo koowa, hoi i menshe ap kai phub jaake kamenna, un hoi anell lenge o merepen.

Jakobo 1:27

Kanna penau tumenge, hoi o Dewel, maro dad, kamella, un hoi hi latcho glan leskre jaka: Krenn latchepen i tchorwele djuwjenge, kolen kek rom buder hi! Krenn ninna latchepen kol tchorwele tchawenge, kolen kek dad un dai buder hi! Ma mukenn tumen dren an ko tchilatcho koowa, hoi i menshe ap kai phub krenna.

Ezekiel 18:31

Mukenn tumare tchilatche dromma! Un lenn tumenge i newo dji un i newo ducho! Hoske kamenn tumer te merell, tumer dran o kheer Israel?

Debleskri gili 34:8

O baro Debleskro bolepaskro hi trul kolende, kai djiwenn o baro Debleha, un lell len win dran i bibacht.

1. Johanni 3:13

Mire phrala, krenn kek bare jaka, te hi i menshe ap kai phub chojedo ap tumende!

1. Tessalonikarja 4:3

O Dewel kamell, te djiwenn tumer i djudjo djipen, te sowell kek rom i djuwjah khetne, kai hi gar peskri romni, un kek djuwel i mursheha, kai hi gar peskro rom.

1. Johanni 5:19

Mer djinah, kai ham o Deblestar. I tsele wawar menshe ap i phub hi an o bengeskro wast.

Efesarja 1:18

Me mangau lestar, te krell lo tumare djia pre, te dikenn tumare djijeskre jakentsa, har baro un shukar kowa hi, hoi job i patslende della ap ko tsiro, kai wenn le pash leste an o bolepen khetne. Job das tumen gole, te lenn kowa lauter.

2. Petro 2:20

Jon haiwan, kai maro rai, o Jesus Kristo, lenge meras, un dan pengro phuro djipen pre. Un palle wan le ap ko djungelo drom pale. Kanna hi lengro djipen djungleder har glan ko tsiro.

Efesarja 2:2

Tumer djan ap o tchilatcho drom, jaake har i wawar menshe, un shunan ap o bengeste. Kowa hi o rai pral i tchilatche sorja mashkral o bolepen un i phub. Un job budrell an i djia kolendar, kai shunenn gar ap o Debleste.

Debleskri gili 119:174

Baro Dewel, miro tselo djijeha kamau, te tchiwess man an o tchatchepen. Me hom bachtelo te djap tiro drom.

Galatarja 1:4

Job meras, te lell lo mari doosh ap peste. Kowa kras lo, te lell lo men win dran ko tchilatcho tsiro, an hoi mer djiwah. Kowa kamas o Dewel, maro dad jaake.

1. Korintarja 3:19

Kowa, hoi pash i menshende goswepen hi, hi an o Debleskre jaka dinlepen. An o Debleskro lab hi tchinlo: O Dewel taprell kolen an lengro chochepen, kai penenn pendar, kai jon gosewo hi.

Debleskri gili 119:128

Tire tsele laba, hoi menge penal, hi mange mishto. Kamau tchi te djinell i chocheno dromestar.

Remarja 7:22

Miro dji kamell te krell, hoi o Dewel penella.

Debleskri gili 119:97

O djijestar kamau tiro drom te djal. O tselo diwes hi tire laba an miro shero.

Debleskri gili 119:72

Tiro drom kamau me budeder har bud serja kotja sonakai un rup.

Johanni 7:7

I menshe hi gar tchilatcho ap tumende. Ap mande hi le tchilatcho. Me penom lenge, kai kowa, hoi jon krenna, tchilatcho hi.

2. Mose 23:2

Ma rike pash kolende, hoi djan ap i tchilatcho drom, ninna te hi jon bud! Te putchenn tutar i tchatchepangre, ma pen tchomone wawares har o tchatchepen, ninna te chochenn i tsele wawar.

Debleskro tsiro 13:8

Lauter, hoi ap i phub djiwenna, sharenn ko vieches, – lauter kolla, kolengre laba gar tchinlo hi an o djipaskro liil. Kolla, kai lengre laba dren tchinlo hi an kau liil, hi jaake rah dren tchinlo, har i phub koi hi. Kau liil hi o terno bakres, hoi maredo was.

1. Petro 2:3

Tumer haiwan, har latcho maro rai Jesus hi.

Debleskri gili 119:103

Tiro lab hi har i gudlo chapen mange, awa, gudleder har gwin hi lo.

Remarja 7:12

Mer djinah: O Moseskre laba wenna o Deblestar. Lauter, hoi job mendar kamella, well lestar, un hi tchatcho un latcho.

Kolossarja 4:12

Ninna o Epafras penell tumenge: “Atchenn o Debleha!” Kowa hi jek tumendar, un budrell o Jesus Kristeske. Job mangell o Debles hako tsiro tumenge, te wenn tumer soreles an o patsepen, te djinenn lauter, hoi o Dewel tumendar kamella un te krenn kowa ninna.

1. Petro 1:18

Tumer djinenna, o Jesus Kristo plaissras kek sonakai un kek rup, – kowa lauter atchell gar, – te lell lo tumen win dran tumaro phuro djipen, hoi tchi moldo his, har djan ap ko drom, kai tumare phure djan.

Johanni 14:30

Man hi buder gar bud tsiro, te rakrap tumentsa. O beng, kai hi o rai pral kai phub, wella. Les hi kek soor pral mande.

Remarja 7:14

Mer djinah, o Moseskre laba wenna o Deblestar. Ninna djinah, mer ham menshe un pandlo ap o tchilatchepen.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.

Esra 10:11

Un kanna, penenn tumari doosh leske, ko baro Debleske tumare phurendar! Un krenn, hoi job kamella, un rikrenn tumen pale kol wawar menshendar, un bitchrenn tumare romjen, kai lendar hi, tumendar krik!”

Mateo 13:22

Wawar menshe hi har ko kotar phub, kai o djob tel i subjengre burra peras. Jon shunan ko lab. Palle dikenn le ap i phubjakro koowa un kamenn brawele te well. Un o brawlepen chochell i menshen. Un ko lab, hoi shunan le, well tassedo, un nai rakrell buder gar an lengro dji.

Markus 4:19

Palle dikenn le ap i phubjakro koowa. Jon kamenn brawelo te well, un o brawlepen krell len gar bachtelo. Un len hi bok pal bud wawar koowa. Un kowa lauter tassrell ko lab, hoi shunan le. Un ko lab nai rakrell buder gar an lengro dji.

Kolossarja 1:9

Un har mer kowa shunam, mangam o Debles tumenge, un mukam gar tele, te mangas lestar, te dell lo an tumende o goswepen, hoi dell o Debleskro Ducho, te haiwenn tumer, hoi o Dewel kamella.