Remarja 12:18 - O Debleskro Drom 2021 (Sinte)

¹⁸ Jaake bud har djala un ap tumende hi, djiwenn lauterentsa kamles khetne!

O Debleskro Lab 2024 (Sinte-Manouche)

¹⁸ Yaake boud har djala oun ap t'mende hi, djivenn lauterentsa kamles khetne!

Remarja 12:18 Referans Kwoze

Hebrearja 12:14

Krenn lauter, te well tumen kek tchingepen i wawar menshentsa! Tchiwrenn o tselo tchilatchepen dran tumende win! Kek mensho dikell o Debles, te mukell lo o tchilatchepen an peste te djiwell.

Remarja 14:19

Kanna kras lauter, te well kek tchingepen mank mende. Kras kowa, hoi krell men lauter soreles an o patsepen.

Mateo 5:9

Bachtele hi kolla, kai krenna, te well kek tchingepen mank i menshende. O Dewel kharell len peskre tchawe.

2. Korintarja 13:11

Kanna, mire phrala, awenn bachteles, un awenn pale pale ap o tchatcho drom! Shunenn ap kol laba, hoi me tumenge penom. Rikrenn khetne un tchingrenn tumen gar! Un o Dewel, kai dell kamlepen un bacht an o dji, well tumentsa!

Galatarja 5:22

Kones hi o Debleskro Ducho an peskro dji, dran koleste wella latchepen: Les well o Debleskro kamlepen un bacht an o dji. Job kamell kek tchingepen. Job rikrell lauter win. Job hi latches ap i wawarende. Les hi i baro dji i wawarenge. Kowa, hoi job penell, ap kowa rikrell pes job.

Markus 9:50

O loon hi mishto. Te nashras o loon peskri soor, hi lo buder gar mishto. Un tu nai kreh buder tchi, te well lo pale londo. Djiwenn tumaro tselo djipen o Debleske, un tchingrenn tumen gar!

Gosewe laba 12:20

Chochepen hi an i djia kolendar, kai tchilatcho koowa win krenn. Kolla, kai jaake rakrenn, te well kek tchingepen pre, wenn bachtelo.

1. Petro 3:11

Job mukell o tchilatcho koowa, un krell o latcho koowa. Peskri tseli sorjah krell lo, te djal kek tchingepen mashkral i menshende!

2. Timoteo 2:22

Tu, Timoteo, ma kre ko tchilatcho koowa, hoi i terne murshenge an o shero trujel djala! Kre lauter, te djiwess an o tchatchepen! Atch an o patsepen! Ab kamlo ap i wawarende! Djib latches lentsa khetne! Kre kowa lauter khetne kol phralentsa, kai o Debles an-gole denna i djudjo djijeha!

Remarja 14:17

Kolla, kai o Dewel o rai pral lende hi, kolla tchingrenn gar pral kowa, hoi jon chana un hoi jon pijenna. Na-a. Jon djiwenn pal o tchatchepen, hoi o Deblestar wella un tchingrenn gar, un o Debleskro Ducho dell len bacht an o dji.

Debleskri gili 34:14

Palle denn garda ap tumari tchip, te rakrell li kek tchilatchepen un kek chochepen!

1. Tessalonikarja 5:13

Jon krenn o Debleskri budi. Awenn latches un kamles ap lende! Un mukenn kek tchingepen mashkral tumende te well!

Efesarja 4:3

O Debleskro Ducho anas tumen khetne. Jaake denn garda, te well kek tchingepen mashkral tumende, un te rikrenn tumer lauter khetne!

Mateo 5:5

Bachtele hi kolla, kai kek tchingepen krenna. O Dewel dell len i tseli phub.

1. Korintarja 7:15

Te kamell kowa, kai gar patslo hi, o patsles te mukell, jaake nai djal lo peske. Ko patslo hi gar pandlo ap leste. O Dewel kamell gar, te tchingrenn tumen.

2. Samuel 20:19

Maro foro hi jek kol forjendar, kai krell kek tchingepen, un mukell pes gar ap i wawar rig te tserdell. Maro foro hi har i dai an Israel, un tu kameh lat mulo te krell? Hoske kameh tu o baro Debleskro them paash te krell?”

Gosewe laba 3:30

Ma tchinge tchitcheske jekeha, kai tuke tchi kras!

Mateo 5:24

palle muk kowa tchiddo, hoi tu kamal o Debles te dell! Dja pash tiro phraleste, un dik, te wenn tumer pale mishto khetne! Un palle de kowa, hoi tu anal, o Debleste!

Remarja 1:15

Doleske kamoms ninna pash tumende an o foro Rom i menshenge o latcho lab o Jesus Kristestar te penell.

1. Mose 21:24

Penas o Abraham: “Me dau man sowel koi pre.

Čačepangre 11:14

Un o Jefta bitchras pale murshen pash o rajeste pral i Ammonarja.