Remarja 12:10 - O Debleskro Drom 2021 (Sinte)

¹⁰ Kamenn i phralen un i phenjen o tselo djijestar! Hakeno hunte rikrell o wawares bareder har pes kokres.

O Debleskro Lab 2024 (Sinte-Manouche)

¹⁰ Kamenn i phralen oun i phenyen o tselo djiyestar! Hakeno hounte rikrell o vavares bareder har pes kokres.

Remarja 12:10 Referans Kwoze

Filiparja 2:3

Kek te krell tchomone, hoi leske kokres mishto hi, witar tchi, te well lo sharedo pash i menshende! Kek te krell, har te wals lo feteder har ko wawar! Na-a, ap hakeneste penau: Dik jaake ap o wawareste, har te wals lo bareder har tu!

Hebrearja 13:1

Mukenn gar tele, te kamenn i phralen un i phenjen o tselo djijestar!

1. Johanni 4:11

Latche phrala un phenja, o Debles hi sawo baro dji menge. Doleske hunte well men ninna i baro dji mare phralenge un phenjenge an o patsepen.

1. Petro 1:22

Tumer shunan ap o tchatcho lab, un tchiwan o tchilatchepen dran tumaro djipen krik. Kanna nai kamenn tumen tchatchepah har phrala un phenja. Mukenn gar tele, te kamenn tumen o tselo djijestar!

1. Petro 2:17

Awenn latches ap hako mensheste! Kamenn i patslen o djijestar! Sharenn o Debles, un krenn, hoi job kamella! Shunenn ap o baro rajeste pral o them!

1. Tessalonikarja 4:9

Me hunte tchinap tumenge gar, te well tumen i baro dji i patslenge. O Dewel penas tumenge kowa an o dji.

Galatarja 5:13

Mire phrala, o Dewel das tumen gole, te djiwenn i djipen, kai han buder gar pandlo ap tchomone. Kal labentsa penau gar, te krenn tumer nai, hoi kamenna, un djiwenn nai tumaro phuro djipen. Na-a, awenn jek o wawareske koi! Krenn kowa dran o kamlepen!

Galatarja 5:22

Kones hi o Debleskro Ducho an peskro dji, dran koleste wella latchepen: Les well o Debleskro kamlepen un bacht an o dji. Job kamell kek tchingepen. Job rikrell lauter win. Job hi latches ap i wawarende. Les hi i baro dji i wawarenge. Kowa, hoi job penell, ap kowa rikrell pes job.

Debleskri gili 133:1

I gili o Davidestar te giwell ap o drom an Jerusalem. Dikenn, har mishto un shukar hi, te djiwenn phrala an o latchepen khetne.

1. Johanni 4:20

Te penell jek: “Me kamau o Debles,” un krell peskro phraleske tchilatchepen, kowa hi i chocheno. Job kamell gar peskro phrales, koles job nai dikella. Har nai kamell lo o Debles, koles job nai gar dikella?

2. Petro 1:7

Koon o Debles kamella, koles hi ninna i dji peskre phralenge un phenjenge. Kones i dji hi peskre phralenge un phenjenge, kowa kamell ninna i tsele menshen ap kai phub.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.

Johanni 15:17

“Krenn, hoi me tumenge penau: Kamau, te kamell jek o wawares o djijestar!

Remarja 13:7

Denn hakeneste kowa, hoi leske hi: themeskre lowe, ninna wawar lowe, hoi jon tumendar mangenna. Shunenn ap kolende, kai hi len penepaske, un dikenn pre ap lende!

Bičepangre 4:32

Kol tsele patslen his jek dji un jek djipen. Kek lendar penas: Ko brawlepen, hoi man hi, hi mange kokres. Na-a, kowa his lauterenge koi!

Louka 14:10

Tu te djah ap i bijab, palle besh tut ap o telstuno beshepaskro! Un kowa, kai kamas, te djah tu ap peskri bijab, wella pash tute un penella: Miro maal, besh tut ap i feteder beshepaskro! Un lauter, kai kote ap i bijab hi, dikenn, kai tu i an-diklo mursh hal.

Mateo 20:26

Mank tumende hunte well kowa gar jaake! Koon tumendar kamell, te well lo baro, kowa hunte well tumenge koi.

2. Tessalonikarja 1:3

Mire phrala, mer hunte parkras men tumenge pash o Debleste hako tsiro, jaake bud latchepen shunam tumendar. Tumaro patsepen well baro un bareder. Un pash tumende lauterende well o kamlepen bareder, kai jek o wawareske hi.

Galatarja 5:6

O Jesus Kristeske molell tchi, te hi i mursh ap o mass tchinlo, witar gar, te hi lo gar tchinlo. Kowa, hoi hi budeder moldo har lauter, hi o patsepen. Ko patsepen dikah mer ap o kamlepen, kai jekes hi i wawareske.

Johanni 17:21

Me mangau tutar, te wenn le halauter jek, jaake har tu, tata, an mande hal, un me an tute hom. Jaake te wenn jon jek an mende, te patsenn i menshe, kai tu man bitchral.

Hiob 1:4

Un leskre mursh tchawe, hakeno lendar, kras i baro chapen an peskro kheer ap peskro diwes. Un jon mukan pengre triin phenjen te well, te chan un pijenn le khetne.

1. Mose 13:9

Rode tuke win, hawo them tu kameh. Un dja tuke mandar! Kameh tu serwes te djal, djau me tchatches. Un te kameh tu tchatches te djal, djau me serwes.”

Jeremia 38:12

Un o Ebed-Melech, penas ap o Jeremia: Tchip kal phure kotja plachte tel tire mussja, te tchinell tut gar koi dori an i mass; kowa kras o Jeremia.