Remarja 11:9 - O Debleskro Drom 2021 (Sinte)

⁹ Un o baro rai David penas lendar: Jon chatchrenn viechen o Debleske un patsenn, te dikell o Dewel latches ap lende. Jaake hi kowa gar. O Dewel dikell gar latches ap lende. Na-a. Well o diwes, kai lenn le pengri phagi.

O Debleskro Lab 2024 (Sinte-Manouche)

⁹ Oun o baro ray David penas lendar: Yon rhačrenn firhen o Debleske oun patsenn, te dikell o Devel lačes ap lende. Yaake hi kova gar. O Devel dikell gar lačes ap lende. Na-a. Vell o dives, kay lenn le pengri phagi.

Remarja 11:9 Referans Kwoze

Debleskri gili 28:4

Kre lentsa pal kowa, hoi jon kran, pal lengro tchilatchepen, hoi jon kran, pal kowa, hoi jon pengre wastentsa kran! De len pale pal kowa, hoi kran le i wawarenge!

Louka 12:20

O Dewel penell ap leste: Tu dinelo! Kai rat hunte meress tu. Koon lell tiro tselo brawlepen, hoi tu tuke khetne anal?”

Jesaja 66:9

Me mukau gar jaake dur te well, te kamell o ternepen win te well, un palle mukau les gar, penell o baro Dewel.

Jesaja 59:18

Kolen dell lo pale pal kowa, hoi jon kran. Bari choljah djal lo ap lende. Ninna kolen dell job pengri phagi, kai djiwenn dur krik wergel o baro pani.

Gosewe laba 1:32

Kolen tchi an o shero hi, kolla rissrenn o Debleske o dumo; un kowa anell lenge o merepen. Un lengro pre-phurdepen marell len.

5. Mose 32:35

Job penell: Me hom kowa, kai dau len halauter ap lengro shero pale an ko tsiro, kai trissenn lengre herja. Gar dur hi o diwes, kai well lengri bibacht pral lende. Un kowa, hoi ap lende well, kowa well sikepah.

Mateo 16:23

O Jesus rissras pes trujel, un penas ap o Petreste: “Dja tuke, tu beng! Tu kameh man o Debleskro dromestar tele te anell. Tu kameh gar, hoi o Dewel kamella. Na-a, tu kameh, hoi i menshe kamenna.”

Remarja 14:13

Doleske hunte penell kek mendar ap o wawareste: “Tu djal gar mishto ap o Debleskro drom.” Denn jak, te tchiwenn tumer i wawar patsleske tchi an o drom, jaake te djinell lo buder gar, har te djal lo ap o Debleskro drom.

Hiob 18:10

Khatedo ap ko drom, kai lo djal, hi i dori win tchiddo, te taprell lo les.