Remarja 11:22 - O Debleskro Drom 2021 (Sinte)

²² Jaake dikah, o Dewel nai well latcho, un job nai dell i phagi. Kolla, kai peran leskro dromestar tele, kolen dell lo i phagi. Latcho hi lo ap tumende, kai djiwenn dran leskro latchepen. Te djiwenn tumer buder gar dran leskro latchepen, tchinell lo tumen ninna tele.

O Debleskro Lab 2024 (Sinte-Manouche)

²² Yaake dikah, o Devel nay vell lačo, oun yob nay dell i phagi. Kolla, kay peran leskro dromestar tele, kolen dell lo i phagi. Lačo hi lo ap t'mende, kay djivenn dran leskro lačepen. Te djivenn t'mer bouder gar dran leskro lačepen, činell lo t'men ninna tele.

Remarja 11:22 Referans Kwoze

Hebrearja 3:14

Te rikrah soreles ap maro patsepen ap o Jesus Kristeste jaake rah, har djiwah, palle ham tchatchepah leskre.

Hebrearja 3:6

O Jesus Kristo hi o Debleskro tchawo. Un an leskre wasta hi o Debleskre menshe, ap kolende job mishto garda della. Kolla ham mer, te tchiwah maro tselo patsepen ap leste, un dah gar pre bis te lah o railo djipen pash leste.

1. Korintarja 15:2

Te rikrenn tumen ap o latcho lab o Jesusestar, jaake har me les tumenge penom, djan tumer gar nashedo. Te wals kowa wawartchandes, wals tumaro patsepen tchitcheske.

Johanni 15:2

Hako senelo kasht ap mande, hoi anell kek drake, tchinell job tele. Un ko kasht, hoi anell drake, krell job djudjo, te anell lo budeder drake.

Debleskro tsiro 2:5

Mukenn tumenge kowa an o shero te djal, har dur tumer mandar tele peran. Awenn pale o tselo djijeha pash mande! Djiwenn ko djipen, hoi djiwan, har tumaro patsepen ap mande terno his. Te krenn kowa gar, palle wau, un lau tumari momeli krik, un tchiwrau lat ap i rig.

Galatarja 6:9

Dikas, te was gar khino, te kras latcho koowa. Well ko tsiro, kai lah ninna latcho koowa.

Remarja 2:7

Kolen, kai mukan gar tele, te krenn le o latchepen, dell lo o djipen, hoi gar pre-herella. Jon hi kolla, kai tchiwan pengro dji koi pre, te dikell o Dewel kamles ap lende, un te lell lo len pash peste an leskro railepen, kai dell lo len o djipen, hoi gar pre-herella.

Hebrearja 10:23

Mer nai patsah o Debles, te krell lo kowa, hoi job penas. Job rikrell peskro lab. Doleske rikras soreles maro patsepen ap leste!

Bičepangre 14:22

djan pash i patslende un dan len soor an o dji, un rakran lenge an o dji, te atchenn jon an o patsepen. Un jon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Johanni 8:31

Ap kol biboldende, kai kanna ap leste patsan, penas lo: “Tumer te krenna, hoi me tumenge penau, palle han tumer tchatchepah mire mala, kai mire laba pre lan.

Bičepangre 11:23

Har job koi his un dikas, hoi o Dewel an peskro baro latchepen kote lauter kras, was lo bachtelo un mangas len, te atchenn le pengro tselo djijeha pash o Jesuseste.

Louka 8:15

Koi latchi phub hi har o dji kol menshendar, kai o Debleskro lab shunenna, un djiwenn koi pal. An lengre djia well ko lab sorelo. Un jon atchenn soreles an o patsepen tardo.”

Jesaja 66:14

Tumer dikenn kowa, un tumare djia giwenna. Un tumer lenn newi soor, jaake har o senlepen, te dell brishin. Un i menshe dikenn, te hi o baro Debleskri soor pash peskre budepangre, un leskri choli ap kolende, kai shunenn gar ap leste.

1. Tessalonikarja 3:5

Doleske rikrom kowa buder gar win, un bitchrom o Timotes pash tumende, te nai penell lo mange, har han tardo an tumaro patsepen. Man his traash, te anals tumen o beng o Debleskro dromestar tele. Palle wals mari budi pash tumende tchitcheske.

Ezekiel 18:24

I latcho mursh, te mukell job peskro latcho drom, un krell kanna o tchilatchepen, un ko tselo djungelo koowa, hoi ko tchilatcho kras, atchell lo djido? Na-a! Ko tselo latcho un tchatcho koowa, hoi lo kras, well bistedo. Job mukas o Debleskro drom un anas doosh ap peste. Doleske hunte merell lo.

Ezekiel 3:20

Te djal i latcho mensho peskro latcho dromestar tele, un krell o tchilatchepen, un tu deh les gar trad, krau, te perell lo. Peskri doshake hunte merell lo. Un ko latchepen, hoi kras lo glan kowa, well bistedo. Ap tute penau me palle: Tut hi doosh ap leskro merepen.

1. Johanni 2:19

Kolla wan mendar. Jon his gar tchatchepah mendar. Te wans jon mendar, atchans le pash mende. Un har jon penge djan, nai dikas hakeno, te his le gar mendar.

Debleskri gili 31:19

kolla chochene, kai hi pre-phurde un praassenn kolen, kai an o tchatchepen tardo hi.

Remarja 11:21

Te tchinas o Dewel i tchatche kashta ko djeteskro rukestar tele, palle nai tchinell lo tumen ninna tele.