Remarja 11:21 - O Debleskro Drom 2021 (Sinte)

²¹ Te tchinas o Dewel i tchatche kashta ko djeteskro rukestar tele, palle nai tchinell lo tumen ninna tele.

O Debleskro Lab 2024 (Sinte-Manouche)

²¹ Te činas o Devel i čače kashta ko djeteskro roukestar tele, palle nay činell lo t'men ninna tele.

Remarja 11:21 Referans Kwoze

Jeremia 49:12

Shunenn mishto, tumer Edomarja, penell o baro Dewel. Dran ko khoro, kai hi pherdo miri choli, hunte pijan ninna kolla, kai kek tchilatchepen kran. Un tumer kamenn, te well kek phagi ap tumende? Na-a, tumer lenn tumari phagi. Tumer hunte pijenn ko khoro ninna!

Jeremia 25:29

Shunenn, ko foro, hoi pal mande kharedo hi, hi kowa, kai anau i bibacht glanstunes ap leste. Patsenn tumer, kai lenn gar tumari phagi? Na-a! Tumer ninna lenn tumari phagi. Me bitchrau o kurepen pral halauterende, kai djiwenn ap kai phub. Kowa penell o baro Dewel, ko rai pral o bolepen un i phub.

Judas 1:5

Ninna te djinenn tumer kowa lauter, kamau, te bistrenn gar, har o Dewel, maro rai, peskre menshen dran o them Egiptia win las. Un ap i wawar tsiro maras lo kolen, hoi gar patsan.

Remarja 11:19

Kanna nai penenn tumer mange: Kol kashta tchinas o Dewel tele, te was mer dren tchiddo kote, kai kol kashta his, hoi wan tele tchinlo.

Remarja 8:32

O Dewel rikras peskro tchawes gar pash peste. Job das les menge lauterenge an o merepen. Patsenn tumer gar, te dell lo men khetne leha kowa lauter, hoi job menge penas?

Remarja 11:17

I bibolde hi har i latcho djeteskro ruk. Ko latcho djeteskro rukestar wan kashta tele tchinlo. Tumer han har i kasht o diwjo rukestar. Un tumer wan ap ko djeteskro ruk dren tchiddo, un djiwenn lestar, un lenn i soor lestar.

Remarja 11:20

Kowa hi tchatcho. I bibolde patsan gar o Debles. Jaake hi le har kol kashta, hoi wan tele tchinlo. Tumer han har wawar kashta, hoi wan dren tchiddo ap ko rukeste kokres dran tumaro patsepen. Doleske ma krenn tumen bares! Denn jak!

Remarja 11:22

Jaake dikah, o Dewel nai well latcho, un job nai dell i phagi. Kolla, kai peran leskro dromestar tele, kolen dell lo i phagi. Latcho hi lo ap tumende, kai djiwenn dran leskro latchepen. Te djiwenn tumer buder gar dran leskro latchepen, tchinell lo tumen ninna tele.