Remarja 10:2 - O Debleskro Drom 2021 (Sinte)

² Me djinau tchatchepah, jon krenn bud koowa o tselo djijeha o Debleske. Ninna te krenn le kowa, djinenn le tchatchepah gar, hoi o Dewel kamella.

O Debleskro Lab 2024 (Sinte-Manouche)

² Me djinau čačepah, yon krenn boud koova o tselo djiyeha o Debleske. Ninna te krenn le kova, djinenn le čačepah gar, hoy o Devel kamella.

Remarja 10:2 Referans Kwoze

Bičepangre 21:20

Har jon kowa shunan, sharan le o Debles, un penan ap o Pauleste: Miro phraal, tu dikeh har bud serja bibolde patslo wan, un lauter rikrenn pen pengri tseli sorjah ap kowa, hoi o Mose an peskre lila penas.

Filiparja 3:6

Miri tseli sorjah lom kolen palla, kai ap o Jesus Kristeste patsenna. Me krom kowa lauter, hoi an o Moseskre lila tchinlo hi, un kek nai anas i doosh ap mande.

Filiparja 1:9

Un me mangau o Deblestar, te well tumaro kamlepen bareder un bareder, te haiwenn, hoi o Dewel kamella, un te djinenn, hoi te krenna.

Remarja 10:3

Jon haiwenn gar, har o Dewel i menshen an o tchatchepen tchiwella. Un jon djan ap pengro drom, un djiwenn pal pengro tchatchepen. Jaake krenn le gar, hoi o Dewel lendar kamella.

Gosewe laba 19:2

Jek, kai peskro koowa gar haiwell, hi tchi moldo, ninna te budrell lo sik. Kowa, kai sik nashell, perell.

Galatarja 1:14

Me rikrom man ap o biboldengro patsepen feteder har bud wawar bibolde, kai jaake phuro his har me. Miri tseli sorjah kamom kowa te krell, hoi mare phure penan.

2. Korintarja 4:4

Jon patsenn gar ap leste. O beng, kai o rai hi pral kai phub, kras len korelo, te dikenn le gar, hawo latchepen well dran o latcho lab o Jesus Kristestar. Ko lab sikrell men o Jesuseskro railepen. Un job hi jaake har o Dewel.

2. Rajengro liil 10:16

un penas: “Am mantsa un dik har miri tseli sorjah o baro Debleske koi hom!” Un job mukas les peha ulerell ap peskro wurdin.

2. Korintarja 4:6

An o phuro tsiro, kai his halauter kali rat, penas o Dewel, te well diwes. Un koi was diwes. Jaake kras lo ninna mare djia pre, te atchas gar tamlo an mare djia, te haiwas mer o Debleskro railepen. Kowa dikah, te dikah ap o Jesus Kristeste.

Bičepangre 22:3

Me hom i biboldo, un wom boldo an o foro Tarsus, an ko them Cilicia. Baro wom an o foro Jerusalem. Miro sikepaskro his o Gamalijel. Kowa sikras mande, te djiwap jaake, har mare phure djiwan. Jaake har tumer pal o Moseskre laba djiwenna, djiwom me ninna o tselo djijestar.

Debleskri gili 14:4

“Djinenn kol tchilatche gar, hoi jon krenna”, penell o baro Dewel, – “kolla, kai chan mire menshen har i kotar maro? Un ap mande denn le gar gole.”

2. Korintarja 8:3

Kowa hi tchatcho, hoi penau: Jon dan jaake bud har djala, ninna budeder. Kowa kran jon pendar o tselo djijestar.

Bičepangre 21:28

un dan gole: “Murshale dran o them Israel, awenn pash mende! Kawa hi ko mursh, kai i tsele menshen ap i phub dinelo krella. Job rakrell djungeles pral i biboldende, pral o Moseskre lila, un pral o Debleskro baro kheer. Kanna anas job ninna kolen, kai kek bibolde hi, an o Debleskro baro kheer, un kras maro Debleskro baro kheer pale-tchiddo.”

Galatarja 4:15

Tumer hans jaake bachtelo ap ko tsiro! Kai atchas tumari bacht? Ap ko tsiro lans tumare jaka win un dans len mande.

Kolossarja 4:13

Me nai penau, har bud job o Deblestar mangas tumenge un kol patslenge an i forja Laodicea un Hierapolis.

Bičepangre 22:22

Har kol tsele menshe o Pauleskre laba shunan, dan le lauter gole: “Anenn les krik un denn les mulo!”

Jesaja 27:1

Ap ko diwes lell o baro Dewel peskro baro sorelo charo, hoi jaake mishto tchinell, un dell o sapes mulo, hoi kharell Leviatan, awa, ko baro panjeskro sap, hoi ap o naashepen hi un mukell pes gar te taprell.

Johanni 16:2

Jon krenn tumen pale-tchiddo. Un ko tsiro wella, kai denn jon tumen mulo un penenn: O Dewel kamas kowa jaake.

Remarja 10:1

Mire phrala, miro tselo djijeha kamoms, te wenn i bibolde dran o Debleskri choli win. Un kowa mangau o Deblestar soreles.