Remarja 10:19 - O Debleskro Drom 2021 (Sinte)

¹⁹ Putchau tumendar: I Israelitarja, haiwan le ko lab gar? Awa! Jon haiwan ko lab. O Mose penell menge, hoi o Dewel penas: Me krau, te silwerenn tumer ap kolende, kai hi gar mire menshe. Un tumer wenn chojedo pral kolende, kai tchi mandar djinenna.

O Debleskro Lab 2024 (Sinte-Manouche)

¹⁹ Poučau t'mendar: I Israelitarya, hayvan le ko lab gar? Ava! Yon hayvan ko lab. O Mose penell menge, hoy o Devel penas: Me krau, te zilverenn t'mer ap kolende, kay hi gar mire menshe. Oun t'mer venn rhoyedo pral kolende, kay či mandar djinenna.

Remarja 10:19 Referans Kwoze

5. Mose 32:21

Jon dukan un choiran man, har mangan le kolen an, kai kek debla hi. Jaake kamau me les ninna lentsa te krell, un lau mange wawar menshen, te silwerenn le un choirenn pen pral menshende, kai prindjran man gar.

Remarja 11:11

Me putchau tumendar kanna: Peran jon o Debleskro dromestar tele, te nai stenn le buder gar pre? Na-a. Kowa hi gar jaake. Har peran jon o Debleskro dromestar tele, was o Debleskri bacht pash kolende, kai hi kek bibolde, jaake te silwerenn i bibolde ap kolende.

Remarja 11:14

Me kamaus, te silwerenn mire menshe ap tumende, te anap nai kolendar ninna ap o Jesuseskro drom.

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

1. Petro 2:10

Glan i rah tsiro hans tumer gar leskre menshe. Kanna han tumer o Debleskre menshe. Glan i rah tsiro djinan tumer gar, kai hi les i baro dji tumenge. Kanna kras lo peskro dji tumenge pre.

1. Korintarja 1:12

Pash tumende hi menshe, kai penenna: “Mer krah kowa, hoi o Paulo menge penella.” Wawar penenna: “Mer rikrah men ap o Apollo.” Un pale wawar penenna: “O Kefas hi maro sikepaskro.” Un pale wawar penenna: “Mer rikrah men ap o Jesus Kristeste.”

1. Korintarja 15:50

Mire phrala, kowa penau me tumenge: Menshe dran mass un rat nai wenn gar an o bolepen. Witar gar well kowa, hoi mulo hi, kote, kai i djide hi.

1. Korintarja 12:2

Har tumer gomme gar patslo hans, tserdas tumen bari sorjah pash kol figure, kai nashte rakrenn gar, kolen i menshe an-mangenna, har te wans le o Dewel.

1. Korintarja 11:22

Nai chan un pijenn tumer gar khere? Hi kol patsle, kai o Debleske khetne wenna, tchi moldo an tumare jaka? Kamenn tumer ladj ap kolende te anell, kolen tchi hi? Hoi penap me tumenge? Sharap me tumen? Na-a! Doleske sharau me tumen gar.

1. Korintarja 10:19

Me kamau tumendar te putchell: Hi i figura i tchatcho dewel? Na-a! Hi ko mass, hoi anan le glan late, wawartchandes har wawar mass? Na-a!

1. Korintarja 7:29

Kowa penau me tumenge, mire phrala: Hi buder gar bud tsiro. Kanna hunte djiwell i romedino mursh jaake, har te wals les kek romni, jaake te nai budrell lo o Debleske.

Remarja 10:18

Kanna putchau tumendar: Shunan i bibolde ko lab gar? Awa! Jon shunan kowa lauter. Jaake hi tchinlo an o Debleskro lab: Ap i tseli phub shunan le ko rakepen. An i tsele themma was ko lab penlo.

Remarja 3:26

I rah tsiro rikras o Dewel peskri choli pale, un das len kek phagi. Kanna, ap kau tsiro meras o Jesus lenge, un las lengri phagi ap peste. Jaake sikrell o Dewel peskro tchatchepen. Job hi tchatcho. Ninna krell lo koles tchatcho, kai ap o Jesus Kristeste patsella.

Hosea 2:23

An ko tsiro, penell o baro Dewel, kamau te shunell: Me shunau, hoi o bolepen mandar mangell, un o bolepen shunell, hoi i phub lestar mangell.

Jeremia 10:14

Glan sau baro koowa hi hako mensho dineles koi tardo. Sawo koowa nai haiwell lo gar te krell. Kolla lauter, kai kran figure, te mangenn le len an, hunte ladjenna pen. Lengre figure hi kek tchatche debla, kek djipen hi an lende.

Jeremia 10:8

Lauter hi jon dinelo un narwelo, kolla, kai mangenn o kasht an. Kol debla nai sikrenn lende tchi.