Remarja 10:15 - O Debleskro Drom 2021 (Sinte)

¹⁵ Te well kek bitchedo pash lende, nai penell lenge kek o Jesus Kristestar. O Debleskro lab penella: Har bachtelo ham pral kolende, kai wenn pash mende un penenn menge o latcho lab!

O Debleskro Lab 2024 (Sinte-Manouche)

¹⁵ Te vell kek bičedo pash lende, nay penell lenge kek o Yezous Kristestar. O Debleskro lab penella: Har barhtelo ham pral kolende, kay venn pash mende oun penenn menge o lačo lab!

Remarja 10:15 Referans Kwoze

Jesaja 52:7

Har shukar hi, te well kowa pral i berge, kai penell menge latcho newo koowa, un penell: Hi buder kek kurepen. I latcho tsiro was. Tumer han buder gar pandlo. Un ap mende an Zion penell lo: Tiro Dewel hi o baro rai!

Efesarja 2:17

O Jesus Kristo was, un sikras lauteren o drom pash o Debleste. Tumen, kai tumer dur o Deblestar hans, un ninna i bibolden, kai gar dur o Deblestar his, sikras lo ko drom, te djiwas mer lauter pash leste khetne.

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

Efesarja 6:15

Djan pash i menshende, un penenn lenge o latcho lab, te kras o Jesus Kristo i drom, kai o Dewel un i menshe mala wenna! Kowa hi jaake, har te riwenn tumer sorele kircha.

Jesaja 40:9

Tu, koi berga Zion, hal har i tchai, kai anell i latcho lab. Tu, o foro Jerusalem, hal bitchedo te aness bacht. Dja pre ap i bari berga! De sorjah gole, un ma dare! Dja pre ap i bari berga! Pen ap i forja an o them Juda: “Ake, tumaro Dewel!”

Efesarja 3:8

Ninna te hom me o tikneder kol tsele patslendar, das lo man koi shukar budi, te djap pash kolende, kai hi kek bibolde, te penap lenge, hawo baro brawlepen o Jesus Kristes lenge hi,

Jeremia 23:32

Me kurau man kolentsa, kai chochene sunja rakrenna, un anenn mire menshen o tchatcho dromestar tele lengro chochepah un dinelo rakepah. Me bitchrom len gar, un dom len kek lab, te penenn le kowa dureder. Jon molenn tchi mire menshenge, penell o baro Dewel.

1. Petro 1:12

Kol Debleskre rakepangre haiwan, kai kowa gar lenge kokres hi, hoi len o Dewel sikras. Kowa hi tumenge, kai kanna djiwenna. Tumenge was o latcho lab o Jesus Kristestar penlo. Kolla, kai penan les tumenge, rakran kowa, hoi penas lenge o Debleskro Ducho. Koles bitchras o Dewel dran o bolepen. Ninna i bolepangre kamenn o Jesuseskro railepen te dikell.

Johanni 20:21

Pale penas o Jesus ap lende: “O Debleskri bacht tumentsa! Har miro dad man bitchras, jaake bitchrau me tumen.”

Bičepangre 22:21

O rai Jesus penas ap mande: Dja dran o foro Jerusalem win! Me bitchrau tut an i wawar themma pash kolende, kai kek bibolde hi.

Bičepangre 13:26

Mire phrala, tumer, kai han o Abrahameskre menshe, un tumer wawar, kai mangenn o Debles an, tumenge penau: O Dewel bitchras tumenge peskro latcho lab, hoi dell tumen o djipen, hoi gar pre-herella.

Bičepangre 9:15

Penas o rai Jesus leske: “Dja pash leste! Me rodom koles win, te well job mange koi, te djal lo pash kolende, kai kek bibolde hi, pash lengre bare rajende, un pash kol tsele biboldende, te penell lo lenge mandar.

Louka 10:1

Pal kowa rodas o Jesus wawar efta-deesh murshen win. Un job bitchras len ap o drom glan peste, te djan le an i forja un gaba, kai job ninna wella. Hako kopo djan dui mursha khetne.

Louka 8:1

Un o Jesus djas an i forja un gaba trujel, te penell lo i menshenge o latcho lab, kai o Dewel kamell len dran o tchilatchepen win te lell, un kamell lengro rai te well. Leskre deesh-te-dui mala djan leha.

Louka 2:14

“Baro hi o Debleskro railepen an o bolepen! O Debleskri bacht well ap i phub. Job dikell latches ap i menshende.”

Louka 2:10

Un o bolepaskro penas ap lende: “Ma darenn! I bari bacht well ap tumende, un ap i tsele menshende.

Mateo 9:38

Doleske mangenn o Deblestar, te bitchrell lo budepangren, kai leske budrenna!”

Jesaja 57:19

tchiwau i gili an lengro mui, kolah sharenn le man. Kolenge, kai dur krik hi, ninna kolenge kai gar dur hi, lenge halauterenge mu djal mishto, penell o baro Dewel. Me krau len sasto.

Bičepangre 10:36

Job mukas i biboldenge o latcho lab te penell, te hi o Jesus Kristo kowa, kai anell len pash o Debleste. Job hi gar lengro rai kokres, na-a, job hi o rai pral halauter.

Remarja 1:15

Doleske kamoms ninna pash tumende an o foro Rom i menshenge o latcho lab o Jesus Kristestar te penell.

Remarja 15:20

Ap o tselo drom penom ko lab kokres kote, kai o Jesus Kristo gar prindjedo his, jaake te penell kek ap mande: “Tu budreh kote, kai i wawar glan tute budras.”