Remarja 1:7 - O Debleskro Drom 2021 (Sinte)

⁷ Ap tumende halauterende tchinau kau liil. O Dewel kamell tumen o djijestar, un das tumen gole, te djiwenn leha khetne. Mu well tumen latchepen un bacht an o dji! Kowa dell tumen o Dewel, maro dad, un maro rai, o Jesus Kristo!

O Debleskro Lab 2024 (Sinte-Manouche)

⁷ Ap t'mende halauterende činau kava liil. O Devel kamell t'men o djiyestar, oun das t'men gole, te djivenn leha khetne. Mou vell t'men lačepen oun barht an o dji! Kova dell t'men o Devel, maro dad, oun maro ray, o Yezous Kristo!

Remarja 1:7 Referans Kwoze

Efesarja 1:2

Mu well tumen latchepen un bacht an o dji! Ko dell tumen maro Dewel, kai maro dad hi, un maro rai, o Jesus Kristo.

1. Tessalonikarja 1:1

Mer, o Paulo, o Silwano un o Timoteo, tchinah kau liil ap tumende, kol patslende, kai wenna khetne an o foro Tessalonika. Tumer patsenn ap o Debleste, maro dadeste, un ap maro rajeste, o Jesus Kristeste. Latchepen un bacht tumenge!

2. Johanni 1:3

Latchepen, kamlepen un bacht tumenge! Kowa dell men o Dewel, maro dad, un leskro tchawo, o Jesus Kristo, an o dji. Un jaake atchah mer khetne an o Debleskro tchatchepen un kamlepen.

Filemon 1:3

Latchepen un bacht tumenge! Kowa dell tumen o Dewel, kai maro dad an o bolepen hi, un o Jesus Kristo, maro rai.

2. Tessalonikarja 3:18

O latchepen maro rajestar, o Jesus Kristestar, djal tumentsa lauterentsa!

2. Tessalonikarja 3:16

Maro rai Jesus, kolestar wella i tseli bacht, kolestar mangau, te dell lo tumen hako tsiro peskri bacht an o dji, kote, kai tumer han. Maro rai Jesus djal tumentsa lauterentsa!

Debleskro tsiro 22:21

O latchepen maro rajestar, o Jesusestar, djal lauterentsa!

Filemon 1:25

O latchepen maro rajestar, o Jesus Kristestar, well pral tumende!

1. Johanni 3:1

Dikenn, har baro o Debleskro kamlepen menge hi. O Dewel, maro dad, penell ap mende: “Mire tchawe.” Un tchatchepah, kolla ham mer. Dran kowa haiwenn men kol menshe gar, kai o Debles gar prindjrenna. Jon haiwenn gar, koon job hi.

1. Petro 1:15

O Dewel das tumen gole, te wenn tumer leske koi. An leste hi kek tchilatchepen, jaake hunte well ninna kek tchilatchepen an tumende.

Tito 1:4

Me tchinau ap tute, Tito. Tut un man hi jek patsepen. Doleske hal tu har miro tchatcho tchawo. Mu well tut latchepen un bacht an o dji! Kowa dell tut o Dewel, maro dad, un o Jesus Kristo, kai las men dran o tchilatchepen win.

2. Timoteo 4:22

Maro rai Jesus hi tuha! Leskro latchepen djal tumentsa!

2. Timoteo 1:2

Me tchinau ap tute, Timoteo. Tu hal miro latcho tchawo an o patsepen. Latchepen, kamlepen un bacht tuke! Kowa dell tut o Dewel, maro dad, un o Jesus Kristo, maro rai, an o dji!

1. Timoteo 1:2

Me tchinau kau liil ap tute, Timoteo. Tu hal mange har miro tchawo an o patsepen. Latchepen, kamlepen un bacht tuke! Kowa dell tut o Dewel, maro dad, un o Jesus Kristo, maro rai, an o dji!

1. Tessalonikarja 5:28

O latchepen maro rajestar, o Jesus Kristestar, djal tumentsa!

1. Tessalonikarja 4:7

O Dewel das men gole, te djiwas i djudjo djipen. Job das men gar gole, te kras djungelo koowa.

1. Tessalonikarja 1:3

Hako tsiro, kai parkrah men pash leste, well menge kowa an o shero, hoi tumer leske krenna an o patsepen un an o kamlepen ap i menshende, un har tumer mukenn gar tele, te dikenn ap ko diwes, kai well maro rai, o Jesus Kristo, pale.

Kolossarja 3:12

Tumer han kanna o Debleskre menshe, kolen job peske win rodas. Job kamell tumen o djijestar. Doleske hunte well tumen i baro dji o wawareske, te well hakeno latcho ap o wawareste, te krell pes kek bareder har o wawar, te rakrell hakeno latches o wawareha, te dell kek o wawares sik pre,

Filiparja 4:23

O latchepen maro rajestar, o Jesus Kristestar, well pral tumende!

Filiparja 4:20

Sharas o Debles, maro dades an o bolepen, kanna un hako tsiro! Amen.

Efesarja 6:23

Mire phrala, o Debleskri bacht well tumentsa, ninna kamlepen un patsepen! Kowa dell tumen o Dewel, maro dad, un o Jesus Kristo, maro rai.

Galatarja 6:18

Mire phrala, mangau maro rajestar, o Jesus Kristestar, te well lo tumenge latcho. Amen.

1. Korintarja 16:23

O latchepen maro rajestar, o Jesusestar, djal tumentsa!

Remarja 9:25

O Debleskro rakepaskro, o Hosea, penas, hoi o Dewel leste sikras: Kolla, kai hi kanna gar mire menshendar, kolen rodau me win, te wenn le mire menshe. Un kolen, kai kek kamas, kolen kamau me o tselo djijestar.

Remarja 5:1

Maro patsepen ap o rajeste, o Jesus Kristeste, kras men tchatcho glan o Debleste. Un o Debleskri choli well buder gar ap mende.

Bičepangre 15:23

An ko liil, hoi jon peha lan, his tchinlo: “Kau liil tchinan o Jesuseskre bitchepangre un i phureder mank i patslende. Mer ham tumare phrala un tchinah kau liil ap i patslende, kai kek bibolde hi, un kai djiwenna an kol themma Antiochia, Syria un Cilicia.

Kolossarja 3:15

O Jesus Kristo das tumen pash peste gole, te djiwenn lauter leha khetne. Djiwenn kanna jaake, te han tumer jek dji un jek djipen! Un parkrenn tumen pash o Debleste!

Filiparja 4:13

O Jesus Kristo dell man i soor, te djiwap jaake te jaake.

Remarja 8:39

tchi, hoi pral an o bolepen hi un tchi, hoi tele an i phub hi, un kek wawar, hoi djiwella, nai krell, te kamell men o Dewel buder gar. Kowa, hoi maro rai, o Jesus Kristo, menge kras, sikrell men, har baro o Debleskro kamlepen hi.

Remarja 1:6

Mank kol menshende han tumer ninna an o foro Rom. O Jesus Kristo das tumen gole, te wenn pash leste.

Debleskro tsiro 2:1

“Tchin kau liil ap o Debleskro budepaskro, kai dell jak ap i patslende an o foro Efesus: Kawa penell kowa, kai rikrell kol efta bolepangre momlia an peskro tchatcho wast, un kai djal mashkral kol efta sonakangre momlia trujel.

Jakobo 1:1

Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.

Johanni 20:17

Penas o Jesus ap late: “Ma tape ap mande! Me djom gomme gar pash o dadeste pale. Dja pash mire phralende un pen lenge: Me djau pash miro dadeste un pash tumaro dadeste un pash miro Debleste un pash tumaro Debleste.”

Mateo 5:16

Jaake hunte wenn tumer har i momeli, hoi chatchell glan i menshende, te dikenn le, hawo latcho koowa tumer lauter krenna, un te sharenn le o Debles, kai hi tumaro dad an o bolepen.

Debleskri gili 60:5

Tu mukal tire menshen pharo koowa te dikell. Tu dal men sawi mool te pijell, te wam mato.

5. Mose 33:12

Ap o kheer Benjamin penas lo: Tu hal kowa, koles o baro Dewel peskro tselo djijeha kamell, un peskre wasta pral leste rikrell! O tselo diwes dell lo ap tute jak, un djiwell mashkral tute.

Debleskro tsiro 3:22

Shunenn halauter mishto, hoi o Debleskro Ducho penella ap i patslende!”

Debleskro tsiro 3:14

“Tchin kau liil ap o Debleskro budepaskro, kai dell jak ap i patslende an o foro Laodicea: Kawa penell kowa, kai kharell Amen, un penell hako tsiro o tchatchepen, un sikrell i menshende o tchatcho drom pash o Debleste. Job his koi pashel, har o Dewel lauter kras.

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.

Debleskro tsiro 2:29

Shunenn halauter mishto, hoi o Debleskro Ducho penella ap i patslende!”

Debleskro tsiro 2:18

“Tchin kau liil ap o Debleskro budepaskro, kai dell jak ap i patslende an o foro Tiatira: Kawa penell o Debleskro tchawo, koles hi jaka har i jag, un herja har sonakai.

Debleskro tsiro 2:12

“Tchin kau liil ap o Debleskro budepaskro, kai dell jak ap i patslende an o foro Pergamon: Kawa penell kowa, koles o charo hi, hoi ap dui rigja tchinella.

Debleskro tsiro 2:8

“Tchin kau liil ap o Debleskro budepaskro, kai dell jak ap i patslende an o foro Smirna: Kawa penell kowa, hoi hi o glanstuno un o palstuno, hoi mulo his, un djido was.

1. Timoteo 6:2

Kol budepangre, kai hi len patsle raja, hunte dikenn gar tele ap pengre rajende. Na-a, jon hunte budrenn latcheder lenge. Kolla hi lengre phrala. Un o Dewel kamell len o djijestar. Un jon krenn ninna latcho koowa. Kowa pen i patslenge an o dji, te krenn le les!

Kamlepaskri gili 5:1

Me wau an miri baar, hejo, miri pirni. Un lau mire sungepaskre rukengre, kashta un patria. Un chau miro gudlo gwin, un pijau miri mool un miro thud. Chan, mala, un pijenn! Un wenn mate an tumaro kamlepen!

4. Mose 6:25

O baro Dewel dikell latches ap tumende un krell peskro dji tumenge pre!

Bičepangre 9:13

O Anania penas: “Rai, me shunom bud pral ko mursheste, hawo tchilatcho koowa job kol patslenge an o foro Jerusalem kras.

Remarja 5:5

Un kau patsepen mukell jekes gar nashedo te djal. O Dewel kamell men o tselo djijeha. Kowa sikras men o Debleskro Ducho, hoi o Dewel an mende das.

Remarja 8:28

Mer djinah, halauter well mishto kolenge, kai o Debles kamenna. Glan rah tsiro his o Debles an peskro dji, te dell lo menshen gole, te djiwenn le leha khetne.

1. Korintarja 1:24

Mank kolende, kolen o Dewel peske win rodas, hi bibolde un sawe, kai kek bibolde hi. Jon te shunenn o lab o Jesus Kristestar, palle dikenn le an leste o Debleskri soor un leskro goswepen.

Filiparja 1:2

Mu well tumen latchepen un bacht an o dji! Kowa dell tumen o Dewel, maro dad an o bolepen, un maro rai, o Jesus Kristo.

1. Tessalonikarja 1:4

Mire phrala, o Dewel kamell tumen o djijestar. Mer djinah, job rodas tumen win, te djiwenn leha khetne.

2. Tessalonikarja 1:2

Latchepen un bacht tumenge! Kowa dell tumen o Dewel, maro dad, un maro rai, o Jesus Kristo.