Remarja 1:12 - O Debleskro Drom 2021 (Sinte)

¹² Te dikah o patsepen, hoi an o wawareste hi, wah mer khetne soreles an maro patsepen.

O Debleskro Lab 2024 (Sinte-Manouche)

¹² Te dikah o patsepen, hoy an o vavareste hi, vah mer khetne zoreles an maro patsepen.

Remarja 1:12 Referans Kwoze

2. Petro 1:1

Me, o Simon Petro, tchinau kau liil. Me budrau o Jesus Kristeske un hom leskro bitchepaskro. Me tchinau ap lauterende, kai lan ninna ko patsepen har mer. Ko kutch patsepen, kai tchiwas men an o tchatchepen glan o Debleste, das men maro Dewel un o Jesus Kristo, kai las men dran o tchilatchepen win.

Tito 1:4

Me tchinau ap tute, Tito. Tut un man hi jek patsepen. Doleske hal tu har miro tchatcho tchawo. Mu well tut latchepen un bacht an o dji! Kowa dell tut o Dewel, maro dad, un o Jesus Kristo, kai las men dran o tchilatchepen win.

2. Korintarja 7:13

Un kowa kran tumer. Un doleske was newi soor an mare djia. Awa, mare djia wan pale soreles un mari bacht was gomme bareder, har dikam, har bachtelo o Tito his, har was lo tumendar pale. Tumer lauter kran leskro dji soreles.

Remarja 15:32

Palle nai wau bachteles pash tumende, jaake har kamell o Dewel, te lap newi soor pash tumende.

Bičepangre 11:23

Har job koi his un dikas, hoi o Dewel an peskro baro latchepen kote lauter kras, was lo bachtelo un mangas len, te atchenn le pengro tselo djijeha pash o Jesuseste.

Judas 1:3

Mire phrala un phenja, his i tsiro, kai kamoms tumenge an i liil te tchinell, har latcho o Dewel ap mende hi, te las lo men dran o tchilatchepen win. Pral kowa kamau me kanna buder gar te tchinell. Kanna dikau, hi feteder, te tchinap tumenge, te atchenn soreles an o patsepen. Ma mukenn tumen o Debleskro dromestar tele te anell! Leskro lab, hoi tumenge penlo was, atchell tchatcho hako tsiro.

2. Johanni 1:4

Me homs bachtelo, kai hatsom menshe tumendar, kai an o tchatchepen djiwenna, jaake har o Dewel, maro dad, kowa kamella.

2. Timoteo 1:4

Me bistrau nai gar, har tu glan mande rowal, un dikau tut jaake glan mande. Doleske kamau me tut o tselo djijeha pale te dikell, te wap bachtelo.

Efesarja 4:5

Tumen hi o emligo rai, un o emligo patsepen. Un tumer lan o emligo Debleskro thopen.

Remarja 15:24

Ap miro drom an o them Spania, kamoms te dikap tumen, un te atchap i tikno tsiro pash tumende. Te hom tumentsa khetne, lau newi soor. Palle djau dureder, un tumer nai denn man lauter, hoi man hunte well ap o drom.

Remarja 1:11

O tselo djijeha kamau tumen te dikell, te nai sikrap tumende, hoi o Debleskro Ducho mande sikras, te krap tumaro patsepen soreles.

Remarja 1:13

Mire phrala, tumer hunte djinenn, bud kope kamom pash tumende te well, un nai wom gar. Me kamoms ninna an tumaro foro menshen ap o Jesuseskro drom te anell, jaake har me kowa ninna krom an i wawar themma.