Obadja 1:4 - O Debleskro Drom 2021 (Sinte)

⁴ Te krals tu ninna tiro kheer dur pral ap i berga har i adlari, jaake te dikell kowa win, har te wals tiro kheer mashkral i bolepangre momlia, djiness, me witsrau tut tele, penell o baro Dewel.

O Debleskro Lab 2024 (Sinte-Manouche)

⁴ Te krals tou ninna tiro kheer dour pral ap i berga har i adlari, yaake te dikell kova vin, har te vals tiro kheer mashkral i bolepangre momlia, djiness, me vitsrau tout tele, penell o baro Devel.

Obadja 1:4 Referans Kwoze

Habakuk 2:9

Djungeles djal tuke, kai tu chochepah tiro brawlepen khetne aneh! Ap tiro kheer well bibacht. Pral ap i berga kral tu tiro kheer, te nai well kek bibacht pral tute!

Amos 9:2

Ninna te paskrenn le pen tele pash i mulende, lau len kotar pre. Ninna te djan le pre bis pash o bolepen, anau len tele.

Jeremia 51:53

Ninna te stakrals o foro Babilon pral an o bolepen, un te krans le pengre massurja jaake baro, te nai stakrals kek pral wergel, bitchrau me marepangre, kai wenn pral lende. Kowa penell o baro Dewel.

Jesaja 10:14

Jaake har jek peskro wast ap i tchirklengro kheer tchiwell un i jare win lell, jaake tapras miro wast o brawlepen an kol themma un las les peha. Un jaake har lell jek i tchirklengre jare peha, hoi muklo wan, jaake lom me i tsele themma mange. Kote his kek, kai peskre mussjentsa pal mande dals, un kek, kai peskro mui pre krals, te well i gole win.