Biblia Todo Logo
Bib sou entènèt

- Piblisite -




Obadja 1:3 - O Debleskro Drom 2021 (Sinte)

3 Tiro sorelo foro hi tardo ap i bare barra, tu djiweh pral an i berge. Doleske phurdal tu tut pre. Dik, tiro dji chochras tut, har lo tuke dren rakras: ‘Kek nai witsrell tut tele ap i phub.’

Gade chapit la Kopi

O Debleskro Lab 2024 (Sinte-Manouche)

3 Tiro zorelo foro hi tardo ap i bare barra, tou djiveh pral an i berge. Doleske phourdal tou tout pre. Dik, tiro dji rhorhras tout, har lo touke dren rakras: Kek nay vitsrell tout tele ap i phoub.

Gade chapit la Kopi




Obadja 1:3
21 Referans Kwoze  

O pre-phurdepen i menshestar krell, te perell lo. Kowa, kai hadell pes gar, well an-diklo.


Mer shunam, hoi pral i Moabarja rakedo was, kai hi le jaake pre-phurdo, un dikenn tele ap i wawarende, un krenn pen kokres bares. Un len hi i baro mui.


O Amazja das ninna i Edomarja an i Londi Tala, 10.000 (deesh-serja) mursha. Un an o kurepen las lo ko foro Sela dren, un das ko fores i wawar lab. Jaake kharell ko foro Jokteel ninna gomme kau diwes.


Te penenn ninna leskre tchawe, kol Edomarja: ‘Ninna te wan mare forja paash dino, mer tchiwah len newes pre’, palle penau me, o baro Dewel, ko rai pral o bolepen un i phub: ‘Ninna te tchiwenn le kol forja pale pre, me dau halauter pale paash.’ Un wawar menshe penenn pral lende ‘tchilatcho them’ un ‘kalla hi menshe, pral kolende o baro Dewel pes choirella an hako tsiro’.


Rabba, tu foro, hoi hadal tut pral o baro Debleste, hoske shareh tut tiro themeha, kai jaake bud pani nashell? Tu rikreh tut ap tiro brawlepen un peneh tuke an tiro dji: Koon nai djal ap mande pre?


Pre-phurdepen well glan o perepen. Kolenge, kai krenn pen gar bares, well ko tsiro, kai sharenn len i wawar.


Koon pes bares krell, well phagedo. Un i pre-phurdo mensho perell.


Un i mursha dran o them Juda tapran 10.000 (deesh-serja) djide lurde un anan len pral ap i barrengri berga, un witsran len lauter tele, jaake kai halauter meran.


Un o Amazja las peskri tseli soor khetne, un anas peskre lurden win an o kurepen. Un jon wan an i Londi Tala, un maran kote 10.000 (deesh-serja) murshen dran o them Seir.


Ninna te well lo jaake baro, te djal lo bis pash o bolepen pre, un leskro shero pral bis pash i wolke,


Denn jak, penell o baro Dewel: Kanna wau me pral tumende, kai djiwenn pral i tala ap ko baro bar. Tumer penenn: Kek nai well pral mende. Kek nai well an maro kheer.


Doleske penell o baro Dewel: Chochenn tumen gar un penenn tumenge gar: “I Babilonarja wenn gar pale kai.” Jon wenna pale kai.


Tumer menshe an o them Moab, nashenn win dran tumare forja, un djiwenn mank i bare barra! Un krenn les har i taube, kai krenn pengre khera kote, kai i barra dur tele djan.


Un o Esau, djiwas ap o pralstuno them, hoi kharella Seir. O Esau hi o Edom.


Har tiro parepah brawelo wal, rikral wawaren sorjah tele. Un jaake lal doosh ap tute. Koi krom me tut pale-tchiddo, un tradom tut tele miri bergatar. Tu bolepaskro, kai jak dal, tut tradom win dran koi platsa, kai i kutch barra hi, hoi dikenn win har jag.


Swiv nou:

Piblisite


Piblisite