Nehemia 9:35 - O Debleskro Drom 2021 (Sinte)

³⁵ Un an ko tsiro, har his mare phure i raja an ko them, hoi tu len dal, mangan le tut gar an. An tiro latchepen dal tu len i buchlo un brawelo them. Un jon mukan gar pengro tchilatcho drom.

O Debleskro Lab 2024 (Sinte-Manouche)

³⁵ Oun an ko tsiro, har his mare phoure i raya an ko them, hoy tou len dal, mangan le tout gar an. An tiro lačepen dal tou len i bourhlo oun bravelo them. Oun yon moukan gar pengro čilačo drom.

Nehemia 9:35 Referans Kwoze

5. Mose 28:47

Tumaro baro Dewel das tumen bud latcho koowa, awa, budeder har doha lauterestar. Un tumer hans gar leske koi i bachtelo djijeha.

Jeremia 5:19

Un te putchenn jon: Hoske krell maro baro Dewel kowa menge lauter?, hunte peness tu lenge: Jaake har tumer mandar krik djan, un wan wawar deblenge koi an tumaro them, jaake hunte budrenn tumer wawar menshenge an i them, kai gar tumaro hi.

Nehemia 9:25

Jon lan sorele forja dren, un i latcho them, khera, hoi pherdo latcho koowa his, pani, hoi dran wi-dine bare barra was, drakengre ruka, djeteskre ruka, un bud wawar ruka, hoi latcho chapen hidjran. Un jon chan un wan tchalo un thullo. Un jon mukan les penge latches te djal. Jaake baro his tiro latchepen ap lende.

5. Mose 31:21

Palle well bud bibacht un djungelo koowa pral lende. Un jon giwenn koi gili. un koja well gar bistedo lengre tchawendar, un sikrell lende, kai dom len trad, hoi wella, te mukenn le miro drom. Glan te anom len an ko them, koleske me man sowel dom, te anau len koi, prindjrau ko koowa, hoi lenge an o shero trujel djal.”

Nehemia 9:34

Mare bare raja un pralstune, mare rashaja un phure, kolla djan gar ap tiro drom, un shunan gar tire laba, hoi sikrenn, har te djiwenn le.

Jesaja 63:7

Me kamau te rakrap pral o Debleskro latchepen, ko baro koowa, hoi o baro Dewel halauter menge kras, un ko tselo latcho koowa, hoi mukas lo ap o kheer Israel te well. Les hi lenge i baro dji un hi lenge jaake latches.

5. Mose 28:48

Doleske bitchrell o baro Dewel wawar menshen pral tumende, kai kamenn tumen tele te rikrell. Un tumer hunte budrenn lenge, un bokenn un trushenn koi pashel. Tumen well gar doha an-ripaske, tchitchestar well tumen doha. O baro Dewel rikrell tumen jaake tele, har te wals i sasterni gustri trul tumari meen, bis te tumer mulo han.

Ezekiel 5:6

I menshe an Jerusalem mukan pen tchi mandar te penell, un shunan gar ap mande. Jon wan tchilatcheder har kol themma, kai trul lende hi. Mire tchatchepaskre laba witsran le pal pende, un djiwan gar jaake har lendar kamom.