Nehemia 9:33 - O Debleskro Drom 2021 (Sinte)

³³ Tu hal an o tchatchepen tardo, har anal kowa lauter pral mende. Kowa, hoi tu kral, his mishto, ninna te djiwam mer jaake, har te wals men kek Dewel.

O Debleskro Lab 2024 (Sinte-Manouche)

³³ Tou hal an o čačepen tardo, har anal kova lauter pral mende. Kova, hoy tou kral, his mishto, ninna te djivam mer yaake, har te vals men kek Devel.

Nehemia 9:33 Referans Kwoze

Debleskri gili 106:6

Mer anam doosh ap mende jaake har mare phure, un kram gar, hoi tchatcho hi. Na-a, mer kram tchilatcho koowa.

1. Mose 18:25

Ko nashte kreh tu gar, te dess kolen temerl, kai kek tchilatchepen kran – khetne kolentsa, kai tchilatcho hi. Jaake te djal koleske, kai an o tchatchepen tardo hi, har koleske, kai tchilatcho hi. Tu hal o tchatchepaskro rai pral i tseli phub. Kameh tu tchomone te krell, hoi gar mishto un tchatcho hi?”

Ropaskre gilja 1:18

O baro Debles his tchatcho, har das lo man i phagi. Me shunom gar ap leskro lab. Shunenn, tumer menshe an wawar themma, un dikenn, har baro miri duk hi! Mire terne tcha un terne tchawe wan pandles krik lino.

Jeremia 12:1

Baro Dewel, kamoms gar te penap, kai tu doosh ap tute anal. Djinau, tu hal an tiro tchatchepen. Ninna te hi jaake, kamau te putchap tutar, har nai haiwap tiro tchatchepen. Hoske djal kolenge mishto, kai djiwenn i tchilatcho djipen? Hoske hi kolen, kai tutar krik djan, halauter, hoi len hunte well?

Debleskri gili 145:17

An lauter, hoi o baro Dewel krell, djal lo pal o tchatchepen. An lauter, hoi krell lo, hi lo latcho.

Debleskri gili 119:137

Baro Dewel, tu hal an o tchatchepen tardo, un tire tchatchepaskre laba hi mishto.

Hiob 34:23

O Dewel hunte tchiwell kek tsiro dren, te anell lo i menshes glan peste, te rakrell lo o tchatchepen pral leste win.

Hiob 33:27

Ko mensho giwell palle glan i menshende un penell: “Me lom doosh ap mande, un rissrom mange o tchatchepen jaake har me kamom. Un miro Dewel mukas kowa gar ap miro shero pale te well.

Esra 9:15

Baro Dewel, tu o Israeleskro Dewel, hal an o tchatchepen tardo un lal men, kai pral atcham, win dran o merepen, jaake har kau diwes hi. Dik, kate ham glan tute an mari doosh, un djinah, mer nai atchah gar tardo glan tute!”

Nehemia 9:34

Mare bare raja un pralstune, mare rashaja un phure, kolla djan gar ap tiro drom, un shunan gar tire laba, hoi sikrenn, har te djiwenn le.

Jeremia 44:3

Un kowa krom doleske, kai jon bud tchilatchepen kran, un jon man chojedo kran, har mangan le wawar deblen an, un chatchran lenge sungepaskro koowa. Kolla his sawe debla, kolen jon glan kowa gar prindjran, witar gar tumer un witar gar tumare phure.

2. Mose 32:31

O Mose djas pash o baro Debleste pale un penas: “Ach, kol menshe anan bari doosh un ladj ap pende. I debles dran sonakai kran jon penge.

Nehemia 9:8

Un har dikal, te rikrell lo pes ap tute peskro tselo djijeha, kral tu leha win un dal tu tiro lab, te dess leskre tchawende un kolengre tchawende, kai pal lende wenn, ko them, kai djiwenn i Kanaanitarja, un i Hetarja, un i Amorarja, un i Perisarja, un i Jebusarja, un i Girgasharja. Un tu rikral tiro lab. Tu hal tardo an o tchatchepen.

Ezekiel 11:12

Un tumer dikenn un haiwenn, te hom me o baro Dewel. Tumer kran gar kowa, hoi tumendar kamom. Un rikran gar ap mire tchatchepaskre laba. Na-a, tumer djiwan pal i tchatchepangre laba kol menshendar, kai an i themma trul tumende djiwenna.