Nehemia 9:13 - O Debleskro Drom 2021 (Sinte)

¹³ Un ap i berga Sinai wal tu tele, un dran o bolepen rakral tu lentsa. Un tu penal lenge tchatchepaskre laba, hoi mishto hi, un sikral len tchatche dromma, un dal len latche laba, hoi penan lenge, hoi te krenn le.

O Debleskro Lab 2024 (Sinte-Manouche)

¹³ Oun ap i berga Sinay val tou tele, oun dran o bolepen rakral tou lentsa. Oun tou penal lenge čačepaskre laba, hoy mishto hi, oun sikral len čače dromma, oun dal len lače laba, hoy penan lenge, hoy te krenn le.

Nehemia 9:13 Referans Kwoze

Debleskri gili 119:160

Tiro tselo lab hi o tchatchepen. Un tire tsele tchatchepaskre laba atchenna hako tsireske.

2. Mose 20:1

Un o Dewel penas:

2. Mose 19:11

Jaake te wenn le djudjes mange koi tardo o triinto diwes. Ap o triinto diwes wau me, o baro Dewel, glan i tsele menshende tele ap i berga Sinai.

Remarja 7:16

Me te krau gar kowa, hoi kamau, palle penau: Awa, o Moseskre laba hi tchatcho un latcho.

Habakuk 3:3

O Dewel well dran o them Teman, dran kol berge, hoi kharenn Paran. O bolepen hi pherdo leskro railepen. Un ap i tseli phub sharenn les i menshe.

Jesaja 64:3

An kek tsiro shunas jek i deblestar jaake har tu hal. Kek kand shunas sawestar, un kek jak dikas i debles, kai krell sawo baro koowa kolenge, kai dikenn ap leste.

Jesaja 64:1

Ab har i jag, hoi chatchrell truk kasht, un mukell o pani an i piri te kerell! Sike koon tu hal mank kolende, kai kamenn tut gar, te trissenn i menshe dran wawar themma glan tute,

Debleskri gili 119:137

Baro Dewel, tu hal an o tchatchepen tardo, un tire tchatchepaskre laba hi mishto.

5. Mose 33:2

O baro Dewel was un rakras mentsa pash i berga Sinai. Job was jaake har o kham pre djal pral i berge Seir. Mer dikam leskro railepen har hams pash i berga Paran. Khetne leha wan bud serja bolepangre. Ap leskri tchatchi rig his i jag.

5. Mose 5:4

Kote ap i berga rakras job dran i jag win, jak an jak tumentsa.

5. Mose 4:33

te shunan i menshe lengro Debles dran i jag ap lende te rakrell? Un jon atchan djido, har tumenge djas?

5. Mose 4:8

Kek wawar bari natsjona della, kai i menshen sawe latche un tchatche laba hi, hoi lende sikrenn har te djiwenn le, har kal laba, hoi me kau diwes glan tumende tchiwau.

2. Mose 20:22

Koi penas o baro Dewel ap o Moseste: Jaake peness tu ap i tsele Israelitarja: Tumer dikan, te rakrom me dran o bolepen tumentsa.

2. Mose 16:23

Un job penas ap lende: “Kawa hi, hoi o baro Dewel penas: Taissar hi i diwes, kai well kek budi kerdo. Kowa hi i diwes o baro Debleske, te well job sharedo. Kau maro, hoi kamenn te pekell, kowa pekenn! Kowa, hoi kamenn te kerell an o pani, kowa kerenn an o pani! Lauter, hoi pral atchella, hadenn pre i taissarlake!”

5. Mose 4:36

Dran o bolepen win rakras lo ap tumende, te sikrell lo tumen leskro drom. Un ap i phub mukas lo tumen peskri bari jag te dikell. Un dran koi jag win shunan tumer kol laba, hoi job ap tumende rakras.

Debleskri gili 119:4

Tu, baro Dewel, penal menge, hoi te kras mer, te rikras mer kowa hako tsiro.

2. Rajengro liil 17:37

Un krenn, hoi me, o baro Dewel tumendar kamau, djiwenn pal miro tchatchepen, djan miro drom, un rikrenn tumen ap mire laba, hoi mukom tumende an i liil te tchinell. Kowa krenn hako tsiro, un ma mangenn wawar deblen an!

Esra 7:6

Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.