Nehemia 9:10 - O Debleskro Drom 2021 (Sinte)

¹⁰ Un tu kral baro sorelo koowa, hoi kek wawar nai krell, ap o baro rajeste Farao un i pralstunende un i tsele menshende leskro themestar, har dikal, te rikran le mare phuren tele. Un jaake kral tiro lab bares, jaake har kowa kau diwes hi.

O Debleskro Lab 2024 (Sinte-Manouche)

¹⁰ Oun tou kral baro zorelo koova, hoy kek vavar nay krell, ap o baro rayeste Farao oun i pralstunende oun i tsele menshende leskro themestar, har dikal, te rikran le mare phouren tele. Oun yaake kral tiro lab bares, yaake har kova kava dives hi.

Nehemia 9:10 Referans Kwoze

Daniel 9:15

Maro rai un Dewel, tu sikral tiri soor, har anal tire menshen win dran o them Egiptia, un kral tiro lab bares bis kau diwes. Mer anam doosh ap mende. Mer kram tchilatcho koowa.

Jeremia 32:20

Tu sikral tiri bari soor un kral baro koowa, hoi kek wawar nai krella, har mare phure an o them Egiptia his bis ap kau diwes. Kowa kral tu ap i Israelitarja, un ap i wawar menshende ninna. Jaake was tiro lab prindjedo, har kau diwes hi.

Jesaja 63:14

Har grumja, kai djan i berga tele, te hatsenn le senlepen, jaake anas o baro Dewel peskre menshen kote, kai len doha djipaske his. Awa, baro Dewel, jaake anal tu len pengro drom, un kral tuke i railo lab.

Jesaja 63:12

Kai hi kowa, kai peskri bari sorjah ap o Moseskri tchatchi rig was? – Kowa, kai kras, te djal ko pani glan lende ap dui rigja, un peske jaake i baro lab kras, hoi an kek tsiro bistedo well.

5. Mose 4:34

Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

2. Mose 18:11

Kanna haiwom, te hi o baro Dewel bareder har hako wawar dewel. Job las i Israelitarja win dran o wast i Egiptarendar, kai kran pen bares pral lende.”

2. Mose 5:2

Un o Farao penas ap o Moseste un ap o Aroneste: “Hawo dewel hi kowa, kai me shunap ap leste? Hoske mukap me i Israelitarja te djal? Me prindjrau ko debles gar, un me mukau gar i Israelitarjen te djal.”

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.

Remarja 9:17

An o Debleskro lab hi tchinlo, har mukas o Dewel ap o baro rajeste pral o them Egiptia te penell: Me krom tut bares, te sikrap miri soor ap tute, jaake te well miro lab ap i tseli phub prindjedo.

Bičepangre 7:36

Kau Mose anas i Israelitarjen win un kras baro un sorelo koowa an o Debleskri soor an o them Egiptia, un pash o lolo pani, un star-deesh bersha an o mulo them.

Daniel 5:23

Un tu hadal tut pral leste, ko bolepaskro rajeste, un penal, te anenn le i khore dran leskro kheer glan tute. Un tumer pijan mool dran lende, tu un tire bare mursha, ninna tire romja un wawar djuwja. Un tu sharal i deblen dran rup un sonakai, dran lolo saster un wawar saster, kasht un bar, kol deblen, kai gar dikenn un gar shunenn. Ko Debles, koles tiro ducho an peskro wast hi, un pash koleste tire tsele dromma hi, koles hadal tu gar.

Ezekiel 20:9

Palle krom kowa gar, te nai rakrenn kol wawar menshe gar djungeles pral mande, mank kolende jon his, un glan kolende me penom, te hom o Israeleskro Dewel, un te anap len win dran o them Egiptia.

Debleskri gili 83:18

An ladj un traash ap lende hako tsireske, te merenn le an i ladj.

2. Mose 7:1

Un o baro Dewel penas ap o Moseste: “Shun, me krom, te wess har o Dewel o Faraeske. Un tiro phraal Aron rakrell tuke. Job rakrell, hoi leske peneh.

2. Mose 3:20

Doleske tchiwau bari bibacht ap i Egiptarja, un krau baro koowa mank lende, hoi sikrella miri soor. Pal kowa mukenn le tumen te djal.

2. Mose 9:16

Me mukom tut doleske djido, te dikess miri bari soor, un te rakrenn le mandar ap i tseli phub.

Nehemia 9:16

Un mare phure hadan pen un djan pal pengro shero, kran pengre djia har bar, un shunan gar ap tire laba.

Nehemia 9:29

Un tu dal len trad, te aness len pale pale ap tiro drom. Jon his pre-phurdo un shunan gar ap tire laba, un djiwan gar pal tire tchatchepaskre laba, kolendar tu penal: Koon len rikrell, djiwell. Un jon sikran tuke pengro dumo, un pandan pengre djia, un shunan gar ap tute.

5. Mose 7:19

Tumer dikan, har lo peskri bari soor sikras, un kras sau koowa, hoi kek wawar nai krell, un anas bud bibacht ap i Egiptarjen. Peskro sorelo wasteha un peskri pre-hadedi mussjah anas lo tumen win. Jaake krell tumaro baro Dewel i menshentsa an i tsele themma, kolendar tumer darenn.

Jesaja 42:20

Ninna te dikan tumer bud koowa, lan les gar an o dji. Ninna te his tumare kanda pre, shunan gar.