Nehemia 8:6 - O Debleskro Drom 2021 (Sinte)

⁶ Un o Esra sharas o baro Debles, kai bareder hi har lauter wawar. Un i tsele menshe penan: “Amen, Amen!” Un har le kowa penan, hadan le pengre wasta pre. Un palle witsran le pen tele glan o baro Debleste lengre mujentsa ap i phub.

O Debleskro Lab 2024 (Sinte-Manouche)

⁶ Oun o Esra sharas o baro Debles, kay bareder hi har lauter vavar. Oun i tsele menshe penan: “Amen, Amen!” Oun har le kova penan, hadan le pengre vasta pre. Oun palle vitsran le pen tele glan o baro Debleste lengre mouyentsa ap i phoub.

Nehemia 8:6 Referans Kwoze

1. Timoteo 2:8

Jaake kamau me, te mangenn i mursha o Debles an, kote, kai i patsle khetne wenna. Kal mursha hunte djiwenn pengro djipen jaake, har o Dewel kamella. Te hadenn le pengre wasta pre, te mangenn le o Debles an, palle hunte denn le jak, te well kek choli un kek tchingepen an lengre djia.

Ropaskre gilja 3:41

Hadas mare djia, ninna mare wasta pre o Debleske an o bolepen!

2. Mose 4:31

Un jon patsan len. Un har shunan i Israelitarja, te dikas o baro Dewel lengro pharo djipen, un kamell lenge latchepen te krell, koi witsran pen le ap i phub, un mangan o Debles an.

2. Familjakro liil 20:18

Un o Josafat witsras pes ap i phub o mujeha. Un i tsele menshe dran o them Juda un dran o foro Jerusalem witsran pen tele glan o baro Debleste, un mangan les an.

Debleskro tsiro 7:11

Un i tsele bolepangre his tardo trul o rajeskro beshepaskro un trul i tchatchepangre phurende un trul i star sorele bolepangre. Un jon witsran pen glan o rajeskro beshepaskro tele o mujeha ap i phub, un sharan o Debles.

Debleskri gili 134:2

Hadenn tumare wasta pre an leskro Debleskro kheer, un sharenn o baro Debles!

Nehemia 5:13

Ninna trisslom miri baja win, un penom: “Jaake trissell o Dewel hakenes tumendar, kai rikrell gar peskro lab. O Dewel lell lestar leskro kheer un lauter, hoi les hi.” Un lauter, kai kote khetne wan, penan: “Amen!” Un jon sharan o baro Debles. Un i menshe kran pal kol laba, har jon penan.

1. Mose 24:26

Koi parkras pes ko mursh pash o baro Debleste un witsras pes tele glan leste,

1. Familjakro liil 29:20

Un o David penas ap i tsele menshende, kai kote khetne his: “Sharenn tumaro baro Debles!” Koi sharan i tsele menshe o baro Debles, ko Debles lengre phurendar. Un jon djan ap pengre tchanga glan o baro Debleste un glan o baro rajeste,

3. Mose 9:24

I jag djas win o baro Deblestar, un chatchras ko mass pre kol viechendar, koleskro tselo mass chatchedo well, ninna kol thulle kotja, hoi ap o Debleskri chatchepaskri tchiddo his. Har kowa i tsele menshe dikan, dan le i bachtjatar gole, un tchiwan pen tele glan o baro Debleste ap i phub.

2. Mose 12:27

Palle penenn lenge: ‘Kau bakro, hoi maram ap ko diwes, hoi kharella Passa, kau bakro maram o baro Debleske. Har das job an o them Egiptia i Egiptarja temerl, djas job gar an i khera, kai i Israelitarja djiwan. Job djas dureder. I menshe an mare khera mukas lo te djiwell.’” Kote witsran pen i Israelitarja tele un mangan o Debles an.

1. Petro 1:3

Mer sharah o Debles, ko dades maro rajestar, o Jesus Kristestar. O Dewel kamas men jaake bud, te was job maro dad un das men o newo djipen. Un an mare djia djinah soreles, jaake har job o Jesus Kristes i mulendar djido kras,

Efesarja 1:3

Sharas maro Debles! Job hi o Dewel un o dad maro rajestar, o Jesus Kristestar, un das peskro tselo bolepaskro brawlepen mende, kai ham patslo ap o Jesus Kristeste.

1. Korintarja 14:16

Te shareh tu o Debles an i rakepen, hoi o Debleskro Ducho tut das, un koi hi jek, kai haiwell kowa gar, har nai penell job ‘Amen’ ap kowa, hoi tu penal?

Mateo 26:39

Un job djas i kotar drom dureder, witsras pes ap i phub, un mangas o Debles: “Mo dad, te kameh tu, muk kek duka un merepen ap mande te well! Mangau tut: Ma kre, har me kamau! Kre jaake, har tu kameh!”

Mateo 6:13

Ma muk men tiro dromestar tele te djal! Le men dran o bengeskro wast win!

Jeremia 28:6

“Amen! O baro Dewel te krell jaake! Mu krell job, te well tiro lab tchatcho, hoi glan-wi penal, te anell lo ko kutch koowa dran leskro kheer, hoi an o them Babilonia anlo was, pale pale an kau foro, ninna kol tsele menshen, kai pandles krik anlo wan.

Debleskri gili 141:2

Muk miro mangepen tuke jaake shukar te well, har chatchroms me tuke sungepaskro koowa. Dik ap mire pre-hadede wasta jaake har ap i viecho, hoi mukoms tuke rati te chatchrell.

Debleskri gili 63:4

Tiro latchepen hi mange budeder moldo har o djipen. Doleske sharau tut.

Debleskri gili 41:13

Me shunau ap tute miro tselo djijeha. Doleske rikreh tu miro djipen, un mukeh man te djiwell pash tute hako tsiro.

Debleskri gili 28:2

Shun ap miro ropen! Shun, har ap tute gole dau! Dik ap mire wasta, hoi me pre-hidjrau pash tiro kheer, kai tu hal!

2. Familjakro liil 29:30

Un o Hiskija un i pralstune penan ap i Levitarja, te sharenn le o baro Debles kol giljentsa, hoi kras o David un o dikepaskro, o Asaf. Un jon giwan bachteles, un witsran pen ap i phub un mangan o baro Debles an.

2. Familjakro liil 6:4

Un job penas: “Sharedo well o baro Dewel, ko Dewel pral o Israel. Job mukas tchatches te well, hoi lo miro dadeske, o Davideske, penas, har penas lo:

1. Mose 14:22

Koi penas o Abram ap leste: “Me dau man sowel glan o baro Debleste, kai hi o Dewel pral halauter, un kras o bolepen un i phub:

1. Familjakro liil 16:36

Sharedo well o baro Dewel, kai o Israeleskro Dewel hi, kanna un hako tsireske! Un i tsele menshe penan: “Amen! Sharedo well o baro Dewel!”

Nehemia 8:7

Palle stan le pale pre hakeno ap peskri platsa. Un i Levitarja penan i menshenge, hoi kol laba an o Moseskro liil kamenn te penell. Kol Levitarja his o Jeshua, un o Bani, un o Sherebja, un o Jamin, un o Akkub, un o Shabbetai, un o Hodija, un o Maaseja, un o Kelita, un o Asarja, un o Josabad, un o Hanan, un o Pelaja.

1. Familjakro liil 29:10

un sharas o baro Debles glan i tsele menshende, un penas: Baro Dewel, tu Dewel maro dadestar Israel, mer sharah tut kanna un hako tsiro.

2. Familjakro liil 29:10

Kanna hi man an o shero, te pandap man ap o baro Debleste, ko Dewel pral o Israel, te djal peske leskri choli mendar, hoi jaake sorelo ap mende tchiddo hi.

Debleskri gili 95:3

O baro Dewel hi o pralstuno Dewel, o baro rai pral i tsele debla.