Nehemia 8:12 - O Debleskro Drom 2021 (Sinte)

¹² Kote djan i tsele menshe koi, te chan le un pijenn le. Un jon bitchran pengro chapastar kolenge, kai len tchi his, un giwan un khelan i bachtjatar. Jon haiwan kol laba, hoi lenge penlo wan.

O Debleskro Lab 2024 (Sinte-Manouche)

¹² Kote djan i tsele menshe koy, te rhan le oun piyenn le. Oun yon bičran pengro rhapastar kolenge, kay len či his, oun givan oun khelan i barhtyatar. Yon hayvan kol laba, hoy lenge penlo van.

Nehemia 8:12 Referans Kwoze

Debleskri gili 119:174

Baro Dewel, miro tselo djijeha kamau, te tchiwess man an o tchatchepen. Me hom bachtelo te djap tiro drom.

Louka 24:32

Un jon penan mashkral pende: “Djas kowa gar an maro dji, har job ap o drom mentsa rakras, un menge penas, hoi an o Debleskro lab pral leste tchinlo hi?”

Debleskri gili 119:171

Tu sikreh mange, hoi mandar kameh. Doleske kamell miro mui tuke te giwell.

Debleskri gili 119:130

Te haiwah tiro lab, palle krell men kowa bachtelo, un ninna kolla, kai tchi djinenn, wenn gosewo.

Debleskri gili 119:127

Me kamau tire laba budeder har o sonakai, awa, budeder har o latcheder sonakai.

Debleskri gili 119:111

Tire laba, hoi menge sikrenn, har te djiwas, hi mange kutch un atchenna mange hako tsiro. Awa, jon hi kolla, hoi miro dji bachteles krenn.

Debleskri gili 119:97

O djijestar kamau tiro drom te djal. O tselo diwes hi tire laba an miro shero.

Debleskri gili 119:72

Tiro drom kamau me budeder har bud serja kotja sonakai un rup.

Debleskri gili 119:16

Mange hi shukar, te krap, hoi tu mandar kameh, un bistrau tire laba gar.

Debleskri gili 119:14

Me hom jaake bachtelo pral tiro drom, kai tu mange sikral, har te djiwap. Kowa hi mange shukeder har i baro brawlepen.

Hiob 23:12

Me rikrom man ap hako lab, hoi was dran leskro mui. Un rikrom halauter an miro dji, hoi lo rakras.

Remarja 7:18

Me djinau, kek latchepen djiwella an mande – an miro mass. Me kamau o latchepen te krell, un man hi kek soor, te krap les.

Jeremia 15:16

Baro Dewel, tu rai pral o bolepen un i phub, me hom tiro. Jaake was tiro lab miro chapen hako kopo, kai me kowa shunau. Te shunau tiro lab, giwell miro dji, un well pale sorelo.

Debleskro tsiro 11:10

I menshe ap i phub hi bachtelo, un giwenna un khelenna. Un jek bitchrell o wawareske shukar koowa. Jaake bachtelo hi le, te hi kol dui Debleskre rakepangre mulo, kai dukran kolen, kai ap i phub djiwenna.

Nehemia 8:10

Un job penas pale ap lende: “Djan koi un chan thullo chapen un pijenn gudlo pipen! Un bitchrenn kolestar ninna kolenge, kai kran pen kek chapen! Kau diwes hi i baro diwes o Debleske, maro rajeske. Mukenn tumenge o dji gar phares te well! Na-a, mukenn tumare djia giwenn o baro Debleske! Palle han sorelo.”

Nehemia 8:11

Un i Levitarja rakran latches ap i menshende un penan: “Atchenn kanna! Kawa diwes hi i Debleskro diwes. Mukenn tumare djia gar jaake phares te well!”

Nehemia 8:13

Un ap o duito diwes wan i pralstune kol Israelengre familjendar un i rashaja un i Levitarja khetne pash o Esra, ko sikepaskro, kai o Debleskro lab mishto djinas, te sikrell lo len, hoi an o Moseskro liil tardo hi, te haiwenn le o Debleskro drom feteder.

Ester 9:22

te bistrenn le gar, kai an kol diwessa i bibolde win lino wan dran i tchilatche wasta, un kai kawa o tchon hi, kai was bacht dran lengre duka, un sapen dran lengro ropen. Doleske hunte rikrenn le kol diwessa bares, un wenn khetne, chan un pijenn un hi bachtelo. Un jek te dell o wawareste latcho chapen. Un ninna i tchorwele hunte wenn gar bistedo un hunte lenn tchomone.

1. Familjakro liil 29:22

Un jon chan un pijan ap ko diwes glan o baro Debleste. Un o duito kopo kharan le win, kai o Davideskro tchawo, o Salomo, o baro rai hi. Un jon tchoran djet ap leskro shero, te well job o baro Debleske koi. Ninna tchoran le djet ap o shero o murshestar Zadok, te well job o rashai.