Nehemia 6:6 - O Debleskro Drom 2021 (Sinte)

⁶ An koleste his tchinlo: Mank i tsele menshende djal o rakepen trujel, un o Geshem penell les ninna: Tut hi glan, te hadess tut khetne i biboldentsa pral mende! Doleske tchiweh tu i massuri pale pre. Un pal kowa, hoi rakedo well, kameh tu lengro baro rai te well,

O Debleskro Lab 2024 (Sinte-Manouche)

⁶ An koleste his činlo: Mank i tsele menshende djal o rakepen trouyel, oun o Geshem penell les ninna: Tout hi glan, te hadess tout khetne i biboldentsa pral mende! Doleske čiveh tou i massouri pale pre. Oun pal kova, hoy rakedo vell, kameh tou lengro baro ray te vell,

Nehemia 6:6 Referans Kwoze

Nehemia 2:19

Kote his ninna mursha, kai praassan men un san pral mende, har shunan le kowa. Jon his o Sanballat, ko Horonari, un leskro budepaskro, o Tobija, ko Ammonari, un o Geshem, ko Arabari. Kolla penan: “Hoi hi kowa, hoi kote krenn? Kamenn tumer o baro rajestar tele te perell?”

1. Petro 3:16

Rakrenn lentsa latchepah, un krenn tumen gar bares pral lende! Rakrenn dran i djudjo dji, te well i ladj ap kolende, kai rakrenn djungeles pral tumaro djipen o Jesus Kristeha!

Remarja 3:8

Kras tchilatcho koowa, te well latcho koowa dran koleste!” Hi menshe koi, kai rakrenn djungeles pral mende un penenn, mer penams i menshenge: “Kras tchilatcho koowa, te well latcho koowa dran koleste!” Kowa penah mer gar! Tchatchepah, kolla, kai penenn kowa, lenn pengri phagi.

Esra 4:12

un kamah tuke te penell, kai i bibolde, kolla kai dran tiro them kai pral pash mende wan, kolla hi kanna an o foro Jerusalem un kamenn ko foro pale pre te tchiwell, ko foro, kolestar i menshe jaake diwjo un tchilatcho hi. Jon tchiwenn bar ap bar, te wenn i massurja ko forestar kerdo. I telstune barra hi pale newes tchiddo.

2. Korintarja 6:8

Hi menshe koi, kai sharenn men, un wawar, kai praassenn men. Hi menshe, kai rakrenn djungeles pral mende, un wawar, kai rakrenn kamles pral mende. Ko jek penell: “Chochene!” ap mende, kol wawar djinenn, mer penah o tchatchepen.

Johanni 19:13

Har o Pilato kol laba shunas, anas job o Jesuses win un beshas pes ap ko tchatchepaskro beshepaskro, hoi kharella Barrengri Phub. Ap o biboldengro rakepen kharella kowa Gabbata.

Louka 23:2

Un jon anan bud koowa ap leste pre, un penan: “Kau mursh kras mare menshen diwjo. Job penas, te das mer o baro rajeste an o foro Rom buder kek lowe. Un job penas ninna, kai hi lo o Kristo, ko baro rai, kolestar o Dewel penas, te well job.”

Mateo 5:11

Tumer patsenn ap mande. Doleske praassenn le tumen, lenn tumen palla, un rakrenn chochene tchilatche laba pral tumende. Te krenn le kowa, awenn bachtele!

Jeremia 20:10

Me shunau, har bud menshe tchorchanes rakrenna: “Job krell menge tchi har traash. Anas doosh ap leste! Sikras les an!” Ninna mire mala lurenn koi pre, te perap. “Dikas, te anas les jaake dur, te penell job tchomone, hoi gar mishto hi. Palle dah les pale, hoi lo mentsa kras!”

Esra 4:15

Muk pal te dikell an i familjakre lila tire phurendar, palle hatseh un dikeh, kai kau foro pes pre hadas, un pral wawar rajende un themma doosh anas. Ninna an i phure tsirja hadan pen i menshe an kau foro pre. Doleske was kau foro ninna khetne maredo, un kek bar atchas ap o wawar.

Nehemia 6:5

Kote bitchras o Sanballat o pantchto kopo peskro bitchepaskres pash mande un das les i liil peha, hoi gar pandlo his.

Nehemia 6:7

un mukal Debleskre rakepangre pash tute gole te dell, kai glan tute win kharenn an o foro Jerusalem, te hal tu o baro rai pral o them Juda. Djiness, kowa well ninna o baro rajeske penlo. Jaake ab pash mande, te rakras mer khetne pral lauter, hoi hunte kras!

Nehemia 6:13

te darap man un krap kowa un anap jaake doosh ap mande. Palle wals len doha, hoi le pal mande nai rakrans, un nai praassans man koleha!