Nehemia 5:5 - O Debleskro Drom 2021 (Sinte)

⁵ Jon lauter penan: “Mer ham har mare phrala, lengro mass un rat. Mare tchawe hi har lengre tchawe! Un mer hunte das mare tchawen un tchen lende, te wenn le lengre budepangre. Un mank mare tchende hi sawe, kai wan sorjah an-tapedo. Un mer nai krah tchi. Un mari hachetikri phub un maro drakengro them hi wawaren.”

O Debleskro Lab 2024 (Sinte-Manouche)

⁵ Yon lauter penan: “Mer ham har mare phrala, lengro mass oun rat. Mare čave hi har lengre čave! Oun mer hounte das mare čaven oun čen lende, te venn le lengre boudepangre. Oun mank mare čende hi save, kay van zoryah an-tapedo. Oun mer nay krah či. Oun mari harhetikri phoub oun maro drakengro them hi vavaren.”

Nehemia 5:5 Referans Kwoze

2. Rajengro liil 4:1

Kote his i djuwel, kolakro rom his i Debleskro rakepaskro. Koja das pal o Elisa gole un penas: “Tiro budepaskro, miro rom, meras. Un tu djineh, kai lo ap o baro Debleskro drom djas. Un kanna well ko mursh, kai miro romes sijaan hi pash leste, un kamell mire dui tchawen te lell, te wenn le leskre ginle budepangre.”

Jesaja 58:7

De koles te chal, kai bokell! un le kolen khere pash tute, kai tchorwelo hi un ap o drom djiwenn. Te dikeh jekes, koles kek ripja hi, de les koola! Un ab tiri familjake koi!

1. Mose 37:27

Awenn, mer bikrah les ap i Ismaelarja. Jaake mukah mer les djido. Job hi maro phraal un maro mass un rat.” Un jon shunan ap leste.

Mateo 18:25

Kowa nashte plaissras kowa gar pale. Koi penas o rai: Bikrenn les peskri romjah, un peskre tchawentsa, un lauterentsa, hoi les hi! Un denn man kol lowe, hoi tumer lenge dren lenna!

1. Mose 29:14

Koi penas o Laban: “Tchatchepah, tu hal mire menshendar.” Un o Jakob atchas pash o Labaneste jek tchon.

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Gosewe laba 22:7

O brawelo hi o rai pral o tchorweleste. Un kowa, kai patsell peske lowe, hunte budrell koleske, pash koleste job sijaan hi.