Nehemia 5:4 - O Debleskro Drom 2021 (Sinte)

⁴ Un pale wawar penan: “Mer hunte patsam menge lowe ap mari hachetikri phub un ap maro drakengro them, te nai plaissras kol themeskre lowe o baro rajeske.”

O Debleskro Lab 2024 (Sinte-Manouche)

⁴ Oun pale vavar penan: “Mer hounte patsam menge love ap mari harhetikri phoub oun ap maro drakengro them, te nay playsras kol themeskre love o baro rayeske.”

Nehemia 5:4 Referans Kwoze

Esra 4:13

Mer halauter hunte penas o baro rajeske: Kau foro te well newes kerdo, un i massurja hi pale tardo, denn i menshe buder kek themeskre lowe, witar kek foreskre lowe, un wawar koowa witar gar. Kek lowe wenn kolendar pash maro rajeste.

Esra 4:20

Ninna his sorele bare raja an o foro Jerusalem, kai his i raja pral halauter, hoi ap i wawar rig o panjestar Eufrat djiwella, jaake kai was lenge hunte themeskre lowe dino, ninna foreskre lowe un wawar koowa.

Nehemia 9:37

Un ko bud koowa, hoi i phub win anell, lenn kol bare raja, kolla kai tu pral mende tchiwal, har anam doosh ap mende. Un jon krenn mentsa un mare viechentsa har jon kamenn. Un maro djipen hi jaake pharo.

Esra 7:24

Ninna penau tumenge: Kekeste tumendar dau me o tchatchepen, te nai mangell lo themeskre lowe, foreskre lowe un wawar koowa kol rashajendar un kol wawarendar, kai budrenn an o kheer kau Deblestar, har Levitarja, gipangre, mursha, kai jak denn ap i wudja un budepangre.

Josua 16:10

Un jon tradan i Kanaanitarja gar win, hoi an o foro Geser djiwan. Un i Kanaanitarja djiwenn mashkral i Efrajimarja bis ap kau diwes. Un jon hunte budran lenge.

Nehemia 5:3

Un wawar penan: “Mer hunte dam mari hachetikri phub koi, ninna maro drakengro them un mare khera, te nai las lowe pre, te nai ginas chapen an kau tsiro, kai lauter bokenna.”

Gosewe laba 22:7

O brawelo hi o rai pral o tchorweleste. Un kowa, kai patsell peske lowe, hunte budrell koleske, pash koleste job sijaan hi.