Nehemia 4:2 - O Debleskro Drom 2021 (Sinte)

² Un jon tchiwan pen khetne, te djan le ap o foro Jerusalem, un te krenn le i menshen kote jaake diwjo, te djinell kek buder, hoi te krell lo.

O Debleskro Lab 2024 (Sinte-Manouche)

² Oun yon čivan pen khetne, te djan le ap o foro Yerusalem, oun te krenn le i menshen kote yaake divyo, te djinell kek bouder, hoy te krell lo.

Nehemia 4:2 Referans Kwoze

1. Korintarja 1:27

O Dewel rodas kolen win, kai an i menshengre jaka gar gosewo hi, te dikenn i gosewe menshe, kai lengro goswepen tchi molella. Job rodas kolen win, kai hi len kek soor an i menshengre jaka, te dikenn i sorele, kai lengri soor tchi molella.

Zakarie 12:8

An ko tsiro rikrell o baro Dewel peskre wasta pral i menshende an o foro Jerusalem. Un i menshe kote sikrenn pen jaake sorelo, te hi i bango jaake sorelo har o David his. Un i menshe dran o Davideskro kheer djan glan lende, har te djals o Debleskro bolepaskro glan lende.

Habakuk 3:2

Baro Dewel, me shunom, hoi tu lauter kral, Har baro hal tu, baro Dewel! Kre sawo koowa pale an maro tsiro, sawo baro koowa, muk les men ninna te dikell an maro tsiro! An tiri choli biste gar tiro kamlepen!

Nehemia 12:43

Un ap ko diwes anan le bud viechen o Debleske. Un jon giwan un khelan i bachtjatar. O Dewel kras, te wan lengre djia bachtelo un san. Un ninna i djuwja un i tchawe dan gole i bachtjatar. Un koi bari bachteli gole an o foro Jerusalem was shunlo fun dural.

Nehemia 4:10

Un o paash mendar budras ap i massuri. Un ko wawar paash das jak, un len his i witsepaskre tchurja, un i shilte un i boge pash pende un i kurepaskre gada ap pende. Un i pralstune his tardo pal i tsele menshende dran Juda,

Nehemia 12:27

Un har i massuri trul o foro Jerusalem kerdo was, kran le i baro festo, un mukan i Levitarjen gole te dell dran lengre tsele gaba, te denn jon i massuri an o Debleskro wast un parkrenn pen pash leste bachtele djijentsa, un giwenn un bashrenn leske ap sasterne patria, hoi wenn khetne dino, un ap dorjengre bashepangre, hoi kharenna Harfe un Laute.

Nehemia 6:15

Un ap o biish-te-pantchto diwes an o tchon Elul his lauter ap i massuri kerdo. Paash-sheel-te-dui diwessa djas koi tseli budi.

Jeremia 26:18

“Har o Hiskija o baro rai pral Juda his, penas o Debleskro rakepaskro, o Micha dran o foro Moreshet, ap i tsele menshende an Juda: Kowa penell o baro Dewel, ko rai pral o bolepen un i phub: I diwes well, kai well o foro Zion jaake trujel witsedo har i hachetikri phub, te well o pralstuni phub tele un i telstuni phub pral. O forestar Jerusalem atchell tchi pral har barra. Un ap koi berga, kai kanna o Debleskro kheer tardo hi, well i diwje burra bares.

Jeremia 33:24

Shunal tu, hoi kal menshe rakran: “I menshe dran kol dui khera, dran o kheer Juda un dran o kheer Israel, kolen o baro Dewel peske win rodas, kolendar kamell lo buder tchi te djinell.” Un jon dikenn tele ap mire menshende. An lengre jaka hi jon buder kek natsjona.

Zakarie 4:10

Job penas: “Kolla hi kol dui wi-rodede mursha, kolen o rai pral i tseli phub o djeteha dren makas, te krenn le leskri budi.”

Esra 4:4

Kote kran kol wawar menshe, kai djiwan ninna an o them, i biboldenge o djipen phares. Un jon kaman len daar te krell, te budrenn le buder gar dureder ap o Debleskro kheer.

Debleskri gili 83:4

Jon tchiwenn pen khetne un rakrenn, har nai krenn le tire menshenge tchilatchepen. Pal o dumo krenn le win, te djan le ap kolende, kai khatrenn pen pash tute.

Daniel 9:25

Kanna dikess un haiwess: Har ko lab penlo was, te well o Jerusalem pale newes kerdo bis pash ko tsiro, kai well i rai o Deblestar bitchedo, djan efta kope efta bersha trujel. Un pal efta kope 62 (shob-deesh-te-dui) bersha hi lo pale newes kerdo peskre dromentsa un sorele kherentsa, ninna te hi kowa an i pharo tsiro bud kurepah.