Nehemia 3:1 - O Debleskro Drom 2021 (Sinte)

¹ Un o baro rashai Eljashib kras pes ap i budi peskre phralentsa, kol wawar rashajentsa, un jon tchiwan o foreskro wudar pale pre, hoi kharas Bakrengro Wudar. Un jon rakran o Debleskri bacht pral leste win, un tchiwan kol dui wudja dren. Un jon tchiwan ninna koi massuri pale pre bis pash ko turmo, hoi kharell Mea, un bis pash ko turmo, hoi kharell Hananel, un rakran o Debleskri bacht pral i massuri win.

O Debleskro Lab 2024 (Sinte-Manouche)

¹ Oun o baro rashay Elyashib kras pes ap i boudi peskre phralentsa, kol vavar rashayentsa, oun yon čivan o foreskro voudar pale pre, hoy kharas Bakrengro Voudar. Oun yon rakran o Debleskri barht pral leste vin, oun čivan kol douy voudya dren. Oun yon čivan ninna koy massouri pale pre bis pash ko turmo, hoy kharell Mea, oun bis pash ko turmo, hoy kharell Hananel, oun rakran o Debleskri barht pral i massouri vin.

Nehemia 3:1 Referans Kwoze

Nehemia 12:39

un palle dureder bis pash o Efrajimeskro Wudar, un palle pash ko Phuro Wudar un palle dureder pash ko Matchengro Wudar un dureder bis pash ko turmo, hoi kharell Hananel, un dureder bis pash ko turmo, hoi kharell Mea, un dureder bis pash o Bakrengro Wudar. Un pash ko Stilepaskro Wudar atchan le tardo.

Jeremia 31:38

Dik, penell o baro Dewel, o tsiro well, kai well o baro Debleskro foro Jerusalem newes kerdo. Leskri massuri djal fun ko turmo Hananel bis ap o wudar, kai i rigja khetne wenn;

Johanni 5:2

An o foro Jerusalem his i pani pash ko foreskro wudar, kai kharella bakrengro wudar. Ko pani kharella ap hebretikes Betesda. Kote his i thopaskro kheer, kai pantch bare iseme dren his, kai pre his.

Zakarie 14:10

O tselo them Juda well i buchlo telstuno them mank o foro Geba un o foro Rimmon, hoi tchatches o forestar Jerusalem tchiddo hi. O foro Jerusalem atchell pralstunes tchiddo, un djal o wudarestar Benjamin bis kote, kai o ersto wudar his, un kotar dureder bis pash o wudar, kai i rigja khetne wenna, un fun o turmo Hananel bis kote, kai i mool dran i drake o baro rajeske kerdo was.

Gosewe laba 3:9

De o baro Debleste tiro brawlepastar un ko feteder kolestar, hoi tuke khetne anal, jaake hadeh leskro lab.

Nehemia 13:28

Un o tchawo o baro rashajestar Eljashib, o Jojada, koles his mursh tchawe, kolendar jek i romjat las, kolakro dad o Sanballat hi dran o foro Bet-Horon. Un koles tradom mandar krik!

Nehemia 3:32

Un mashkral i pralstuni isema ap i ekka un i Bakrengro Wudar budran i parepangre un kolla, kai krenn shukar koowa dran sonakai.

Gosewe laba 3:6

Rike tut ap o baro Debleste, hoi tu ninna kreh! Un job krell tiro drom tchatcho glan tute.

Debleskri gili 30:1

I gili o Davidestar, te giwenn le ap kol bare diwessa, kai o Debleskro kheer kerdo was.

Nehemia 12:30

Un i rashaja un Levitarja tchoran Debleskro pani ap pende, te krenn le pen djudjo glan o Debleste. Un palle tchoran le ninna o Debleskro pani ap i menshende, ap o foreskre wudja un ap i massuri.

Nehemia 7:1

Un har i massuri tardo his, un me o wudja dren tchiwom, was kol murshen pengri budi dino, kai pash i wudja jak hunte dan, ninna i gipangren un i Levitarjen.

Nehemia 6:1

O Sanballat un o Tobija un o Geshem, ko Arabari, un kol tsele wawar, kai menge tchilatchepen kaman, kolla shunan, kai his i massuri kerdo, un kek kotar pral atchas, kai barra wi-phagedo his. An ko tsiro his kokres i wudja gomme gar dren.

Nehemia 3:20

o Baruch, koleskro dad o Sabbai his. O Baruch budras peskro tselo djijeha ap ko kotar ap i massuri, hoi djal dureder bis pash o kheer, kai o baro rashai Eljashib djiwas;

5. Mose 20:5

Pal kowa hunte rakrenn i pralstune ap i kurepangre un putchenn: Hi mank tumende jek, kai i kheer pre tardo tchiwas un mukas gomme gar o Debleskri bacht pral kowa win te rakrell? Kowa hunte djal pale an peskro kheer, te merell lo gar an o kurepen, un i wawar mursh djiwell an leskro kheer.

Nehemia 12:10

O Jeshua las i tchawo. Leskro lab his Jojakim. Koleskro tchawo his o Eljashib, koleskro tchawo his o Jojada,

Debleskri gili 48:12

Pral kowa hi kol menshe ap i berga Zion bachtelo. Tu dal men maro tchatchepen. Doleske denn le gole i bachtjatar an i tsele forja an o them Juda.

Daniel 9:25

Kanna dikess un haiwess: Har ko lab penlo was, te well o Jerusalem pale newes kerdo bis pash ko tsiro, kai well i rai o Deblestar bitchedo, djan efta kope efta bersha trujel. Un pal efta kope 62 (shob-deesh-te-dui) bersha hi lo pale newes kerdo peskre dromentsa un sorele kherentsa, ninna te hi kowa an i pharo tsiro bud kurepah.

Nehemia 3:21

o Meremot, koleskro dad o Urija his, koleskro dad o Hakkoz his. Job kras ko kotar, kai djal fun kotar, kai o wudar hi an o Eljashibeskro kheer bis kote, kai leskro kheer pre heras.

Nehemia 13:4

Glan jek tsiro was o rashai Eljashib o pralstuno pral i chapangre khera pash o Debleskro kheer. Un jek leskre menshendar his o Tobija.