Nehemia 2:17 - O Debleskro Drom 2021 (Sinte)

¹⁷ Kanna penom ap lende: “Tumer dikenn kai bibacht, an kalate mer ham: o tselo foro Jerusalem hi paash dino koi tchiddo. Un leskre wudja hi tele chatchedo. Awenn, te tchiwas mer i massurja trul o foro Jerusalem pale pre, jaake te nai praassenn le men gar buder.”

O Debleskro Lab 2024 (Sinte-Manouche)

¹⁷ Kanna penom ap lende: “T'mer dikenn kay bibarht, an kalate mer ham: o tselo foro Yerusalem hi paash dino koy čiddo. Oun leskre voudya hi tele rhačedo. Avenn, te čivas mer i massurya troul o foro Yerusalem pale pre, yaake te nay praasenn le men gar bouder.”

Nehemia 2:17 Referans Kwoze

Ezekiel 5:14

Tutar, Jerusalem, krau i mulo foro. Tchi har barra atchenn tutar pral. I menshe an i wawar themma trul tute trujel, san pral tute – hakeno kai djal koi un dikell tut.

Nehemia 1:3

Un jon penan mange: “Kol menshe an o them Juda, kai wan gar pandles krik anlo, djiwenn an bari bibacht un ladj. Un i massuri trul Jerusalem hi tele phagedo, un i bare wudja hi pre-chatchedo.”

Debleskri gili 79:4

Mer ham praassedo kolenge, kai trul mende djiwenn, ham lenge sapaske, un jon rikrenn men dineleske.

Ropaskre gilja 3:51

Mire jaka dukenna, te dikau, har i djuwjenge an miro foro djala.

Ropaskre gilja 2:2

I gaba un i khera kras lo paash, an kolende o Jakobeskre tchawe djiwan. Un jon khaitan les gar. I sorele forja an o them Juda phagas lo tele an peskri choli. Pral lengro them anas lo ladj, un lengre raja witsras lo an i tchik.

Jeremia 24:9

Me anau sawi bibacht pral lende, te atchell i menshenge an i tsele themma ap kai phub o rakepen krik. Kote, kai len tradau, wenn le sapaske un praassepaske. Te kamell jek o wawares te praassell, penell lo: Tuke te djal har kol menshenge dran Jerusalem un Juda!

Debleskri gili 79:12

Kolla, kai an i themma trul mende djiwenn, praassan tut, maro rajes. De len kowa efta kope pale, hoi kran le ap tute!

Debleskri gili 44:13

Hi jaake har te bikrals tire menshen tchitcheske, un lals gar bud lowe lenge dren, har bikral len.

1. Samuel 11:2

O Nahash penas ap lende: “Kawa hi, hoi tumentsa win krau: Me dau hakeneske tumendar o tchatcho jak win. Jaake anau ladj ap o tselo Israel!”

Nehemia 2:13

Jaake djom rati dran o Telstuno Wudar win, un dureder glan wergel ko pani, hoi kharell Sapeskro Pani, un kotar dureder bis pash o Viechengro Fuleskro Wudar. Un me dikom mange mishto an, kai o foreskre massurja dren phagedo hi un kol wudja pre-chatchedo wan.

Nehemia 2:16

Un i tchatchepangre mursha an o foro haiwan tchi kolestar, kai me homs un hoi me krom. Tchi penom i biboldenge, witar gar i rashajenge, i pralstunenge, i tchatchepangre murshenge un kek wawarenge, kai pash koi budi hoi man glan his, pashel hunte wenn.

Nehemia 3:15

Un o Djido Panjeskro Wudar kras o Shallum, koleskro dad o Kol-Hose his. O Shallum his o pralstuno pral o them trul o foro Mizpa. Job kras ko Djido Panjeskro Wudar un tchiwas i dacha pre, un kol dui wudja dren, ninna i kashtengre un i saster, hoi i wudja pandenna. Un job tchiwas i massuri pale pre pash ko tikno pani Shelah, hoi pash o baro rajeskri baar his, bis pash o barrengro drom, hoi djal tele dran o Davideskro foro.

Esra 9:9

Mer hams pandle budepangre, un tu, maro Dewel, mukal men gar kokres an maro pandepen. Tu kral, te dikan i raja pral o them Persia latches ap mende, un dal men newi soor, te nai tchiwas mer tiro kheer pale pre, jaake te was dran kol paash dine un chatchede barra i newo kheer tuke. Kowa kral tu, te djiwas mer pale an o them Juda un an o foro Jerusalem kek trashah.

Debleskri gili 44:14

Tu kral, te hunte ladjas men glan i menshende, kai djiwenn an i themma trul mende; jon sanenn pral mende un praassenn men.

Debleskri gili 102:15

Tire budepangre kamans, te well o foro newes kerdo. Lenge hi ropaske pral i barra ko tele-phagedo forestar.

Micha 7:11

Tumer an o foro Jerusalem, ko diwes wella, kote well tumaro foro pale pre-tchiddo, un tumaro them well bareder har hi lo kanna.