Nehemia 13:31 - O Debleskro Drom 2021 (Sinte)

³¹ Un penom ninna, koon ap hawo tsiro o kasht hunte anell chatchepaske, un krom, te well o newo djob un i newe rukengre anlo. Biste kowa mange gar, miro Dewel, un dik latches ap mande!

O Debleskro Lab 2024 (Sinte-Manouche)

³¹ Oun penom ninna, koon ap havo tsiro o kasht hounte anell rhačepaske, oun krom, te vell o nevo djob oun i neve roukengre anlo. Biste kova mange gar, miro Devel, oun dik lačes ap mande!

Nehemia 13:31 Referans Kwoze

Nehemia 13:14

Dik, hoi kai krom, miro Dewel! Ma biste ko latchepen, hoi krom ap tiro kheer, te well koi budi an leste mishto kerdo.

Nehemia 13:22

Un me penom ap i Levitarja, te krenn le pen djudjo o Debleske. Palle te wenn le pash o foreskre wudja un denn koi jak, te well o Debleskro diwes dren rikedo. Ninna kawa biste mange gar, miro Dewel. Un dik latches ap mande an tiro baro kamlepen.

Debleskri gili 106:4

Baro Dewel, tu dal tire menshende tiro lab, te wess ap lengri rig. Biste man gar un ab mange latcho!

Debleskri gili 25:7

Biste miri doosh, hoi ap mande lom, har terno homs, un miro tchilatcho koowa! Kre mange tiro dji pre, miro baro Dewel!

Nehemia 10:34

Ko rup hi i marenge, hoi o Debleske koi tchiddo wenn, un ko chapaske un kol viechenge, hoi wenn leske chatchedo hako diwes; ninna kolenge, kai wenn o Debleske anlo ap hako Debleskro diwes, un ap hako newo tchon un ap i wawar bare diwessa. Ko rupeha well ninna o wawar koowa plaissedo, hoi denn le o Debleske, ninna kol vieche, hoi wenn chatchedo, te well i Israelengri doosh krik lino, un i tseli budjake an maro Debleskro kheer.

Louka 23:42

Un job penas ap o Jesuseste: “Jesus, ma biste man, te hal tu kote, kai tu o baro rai hal!”

Nehemia 5:19

Ma biste kowa mange, miro Dewel, hoi lauter kol menshenge krom!

Nehemia 10:35

Mer anah hako bersh o kasht chatchepaske an maro Debleskro kheer, te nai well les chatchedo ap i chatchepaskri maro baro Deblestar, jaake har tchinlo hi an o Moseskro liil. Mer, i rashaja, i Levitarja un i wawar Israelitarja, witsrah tikne barra, te sikrenn le, koon mare familjendar an hawo tsiro kau kasht anell.

Nehemia 10:38

Mer dah len ninna fun o newo jarro un kol newe rukengre, hoi ap mare ruka bares wan, ninna fun i newi mool un o newo djet un tchiwenn kowa lauter an i iseme pash maro Debleskro kheer. Ninna i Levitarjen te well, hoi lenge hi: o deshto kotar lauterestar, hoi ap maro phub baro was. Kolla te wenn un lenn penge o deshto kotar an hako gab un hako foro, kai mari hachetikri phub hi.