Nehemia 12:1 - O Debleskro Drom 2021 (Sinte)

¹ Un kalla hi i rashaja un i Levitarja, kai wan pale dran o pandepen khetne kol dui murshentsa, o Serubbabel, koleskro dad o Shealtijel his, un o Jeshua: o Seraja, o Jirmeja, o Esra,

O Debleskro Lab 2024 (Sinte-Manouche)

¹ Oun kalla hi i rashaya oun i Levitarya, kay van pale dran o pandepen khetne kol douy morshentsa, o Zorobabel, koleskro dad o Shealtiel his, oun o Yeshoua: o Seraya, o Yirmeya, o Esra,

Nehemia 12:1 Referans Kwoze

Haggai 2:2

Pen ap o Serubbabel, ko pralstuneste pral o them Juda, koleskro dad o Shealtijel hi, un ap o baro rashajeste, o Jeshua, koleskro dad o Jozadak hi, un ap i tsele menshende, kai pral atchan an o them:

Haggai 1:14

Un o baro Dewel tchiwas lenge an o dji, te budrenn le ap o baro Debleskro kheer. Un jaake was o Serubbabel, ko pralstuno pral o them Juda, koleskro dad o Shealtijel his, un o Jeshua, ko rashai, koleskro dad o Jozadak his, un kol tsele menshe, kai gar pandles krik anlo wan, te budrenn le ap o kheer o baro Deblestar, ko rajestar pral o bolepen un i phub.

Haggai 1:12

Un o pralstuno, o Serubbabel, koleskro dad o Shealtijel his, un o baro rashai, o Jeshua, koleskro dad o Jozadak his, kolla shunan kol laba. Ninna shunan len kol tsele menshe, kai his gar pandles krik anlo. Kol laba penas lenge o Debleskro rakepaskro, o Haggai, koles lengro baro Dewel pash lende bitchras. Un i menshe lan kol laba an o dji, un trashan o baro Deblestar.

Haggai 1:1

An o duito bersh, har o Darius o baro rai his, ap o ersto diwes an o shobto tchon, penas o baro Dewel laba ap peskro rakepaskro, o Haggai, te penell job kal laba dureder ap o Serubbabel, koleskro dad o Shealtijel his, un ap o Jeshua, koleskro dad o Jozadak his. O Serubbabel his o pralstuno pral o them Juda, un o Jeshua his o baro rashai.

Nehemia 12:10

O Jeshua las i tchawo. Leskro lab his Jojakim. Koleskro tchawo his o Eljashib, koleskro tchawo his o Jojada,

Nehemia 7:7

Jon wan khetne kol murshentsa Serubbabel, Jeshua, Nehemja, Asarja, Raamja, Nahamani, Mordokai, Bilshan, Misperet, Bigwai, Nehum, un Baana. Kolla hi i laba kol familjendar, kai wan pale an Israel un kitse mursha an lende his:

Esra 5:2

Kote kran pen ap i budi o Serubbabel, koleskro dad o Shealtijel his, un o Jeshua, koleskro dad o Jozadak his. Un jon budran dureder ap o Debleskro kheer an Jerusalem. Un lentsa khetne budran o Debleskre rakepangre un dan len soor.

Esra 4:2

Koi djan le pash o Serubbabel un pash i familjengre pralstunende un penan: “Mer kamah tumentsa o Debleske i kheer te krell. Mer mangah ninna tumaro Debles an, un maram leske viechen, jaake rah har o baro rai pral o them Assur, o Asarhaddon, men halauter kate an kau them mukas te anell.”

Esra 3:8

An o duito bersh har jon pale wan an o foro Jerusalem, un an o duito tchon, kran pen i Israelitarja ap i budi, te tchiwenn le o Debleskro kheer pale pre. O Serubbabel, koleskro dad o Shealtijel his, un o Jeshua, koleskro dad o Jozadak his, un lengre wawar phrala, kolla his i rashaja un i Levitarja, un halauter, kai wan dran pengro pandepen pale an o foro Jerusalem budran khetne ap o Debleskro kheer. Un jon rodan i Levitarjen win, kai biish bersh un phureder his, te denn le jak ap koi tseli budi an o baro Debleskro kheer.

Esra 3:2

Un o Jeshua, koleskro dad o Jozadak his, kras pes ap i budi khetne peskre phralentsa, kol rashajentsa, un o mursheha Serubbabel, koleskro dad o Shealtijel his, un leskre phralentsa. Un jon kran i newi sasterni chatchepaskri, te nai chatchrenn le viechen koi pre o Israeleskro Debleske, jaake har tchinlo hi an o liil o Debleskro murshestar, o Mosestar.

Esra 7:7

Un khetne leha djan wawar Israelitarja pral an Jerusalem, rashaja, Levitarja, gipangre, mursha kai denn jak ap i wudja, un budepangre, kai budran an o Debleskro kheer. Kolla halauter wan an Jerusalem an o eftato bersh, kai o Artaxerxes o rai pral o them Persia his.

Nehemia 11:36

Un mank i Levitarja dran Juda his sawe, kai djiwan an o them Benjamin.

Nehemia 12:2

o Amarja, o Malluch, o Hattush,