Nehemia 11:30 - O Debleskro Drom 2021 (Sinte)

³⁰ Sanoach, Adullam un leskre gaba, Lakish un o them koi trujel, Aseka un leskre gaba. Jaake djiwan le an ko tselo them mank o foro Beersheba un i tala Hinnom.

O Debleskro Lab 2024 (Sinte-Manouche)

³⁰ Zanoa, Adullam oun leskre gaba, Lakish oun o them koy trouyel, Aseka oun leskre gaba. Yaake djivan le an ko tselo them mank o foro Beersheba oun i tala Hinnom.

Nehemia 11:30 Referans Kwoze

Josua 15:8

un fun kotar dureder pre an i tala Ben-Hinnom, hoi ap koi rig koi bergatar tchiddo hi, kai o kham pralstunes tardo hi. Ap koi berga hi ko foro tchiddo, kai i Jebusarja djiwan. Kau foro hi kanna Jerusalem. Un kotar djas o drom dureder bis pral pre ap i berga, hoi hadell pes ap koi rig fun i tala Hinnom, kai o kham tele djal. Kai berga hi tchiddo ap i nordetikri rig ko telstuno themestar, hoi kharell Refajim.

Josua 10:3

Un o Adoni-Zedek, ko rai pral Jerusalem, bitchras murshen pash i bare rajende pral star wawar forja: pash o Hoham, ko rai pral Hebron, un pash o Piram, ko rai pral Jarmut, un pash o Jafia, ko rai pral Lakish, un pash o Debir, ko rai pral Eglon. Un job mukas lenge te penell:

Micha 1:15

Tumer, kai djiwenn an o gab Maresha, me anau koles pral tumende, kai ninna tumaro foro dren lell. Un i bare un an-dikle mursha an Israel nashenn penge, un khatrenn pen pash o foro Adullam.

Jeremia 32:35

Un jon kran mulne platse o chocheno debleske, o Baaleske an o telstuno them, kai kharella Ben-Hinnom, te nai mukenn le pengre tchawen un tchen o debleske Moloch an i jag te djal. Sawo koowa penom me lenge gar. Un an kek tsiro was mange kowa an miro shero dren, te putchoms sawo koowa lendar. Har jon sawo djungelo koowa kran, anan le i doosh ap o tselo them Juda.

Jeremia 19:6

Doleske well i tsiro, kai penenn jon ap kai platsa gar buder ‘Tofet’ un ‘tala Hinnom’. Jon penenn koi pre ‘marepaskri platsa’.

Jeremia 19:2

Un dja win an koi tala Ben-Hinnom, kai glan ko foreskro wudar hi, kai i paash-dine pirja tchiddo hi. Un pen i menshenge kol laba, hoi me tuke penau.

Jesaja 37:8

An ko tsiro his o baro rai pral o them Assur buder gar an o foro Lakish. Job djas dureder an o kurepen o foreha Libna. Har leskro pralstuno, koles job pash o Hiskija bitchras, kowa shunas, djas lo kote pale.

Nehemia 3:13

O Telstuno Wudar kras o Hanun un kol menshe, kai an foro Sanoach djiwan. Un jon tchiwan kol dui wudja dren, un i kashtengre un o saster, hoi i wudja pandenna. Un jon kran ko kotar massuri bis pash o Viechengro Fuleskro Wudar. Ko kotar massuri his jek seri mussja lengsto.

2. Rajengro liil 23:10

O Josia kras ninna koi platsa pale-tchiddo, hoi kharella Tofet, un hi an i tala Hinnom tchiddo. Kowa kras lo, te nai chatchrell kek peskro tchawes witar gar peskri tchai an i jag o chocheno debleske Moloch.

Josua 18:16

Un kotar djas o drom tele glan i berga, hoi hadell pes glan i tala Hinnom. Kai berga hi tchiddo ap i nordetikri rig ko telstuno themestar, hoi kharell Refajim. Palle djas o drom tele an i tala Hinnom un dureder an i tala langs koi berga, kai ko foro tchiddo hi, kai i Jebusarja djiwan, ap koi rig i bergatar, kai o kham pralstunes hi. Fun kotar djal lo tele bis pash o pani En-Rogel,

Josua 15:39

Lakish, Bozkat, Eglon,

Josua 12:15

Libna, Adullam,

1. Mose 21:14

Sik taissarlakro stas o Abraham pre, las maro un i gono pherdo pani un tchiwas kowa i Hagar ap o phiko, das late ninna o tchawes, un bitchras len pestar krik. Koi djas joi peske un nashas trujel an o mulo tato them pash o foro Beersheba.

1. Mose 25:16

Kolla his i deesh-te-dui tchawe o Ismaelestar. Hakeno his o pralstuno pral i bari familja. Jon dan pengro lab kol gaba un platse, kai lengre plachtene khera tardo his.

Nehemia 11:29

En-Rimmon, Zora, Jarmut,

Nehemia 11:31

I menshe Benjamin djiwan an i forja: Geba, Michmas, Aja, Betel un leskre gaba,