Biblia Todo Logo
Bib sou entènèt

- Piblisite -




Nehemia 1:11 - O Debleskro Drom 2021 (Sinte)

11 Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Gade chapit la Kopi

O Debleskro Lab 2024 (Sinte-Manouche)

11 Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

Gade chapit la Kopi




Nehemia 1:11
27 Referans Kwoze  

Dik latches ap mande, tiro budepaskro, un shun, hoi tutar mangau. Diwes un rati mangau i Israelenge, tire budepangre. Un o tchilatchepen, hoi mer ap tute kram, anau me pash tute: Me un miro dadeskro kheer anam ninna doosh ap mende.


Un muk ninna i liil te tchinell ap o Asaf, ko pralstuno pral o rajeskre wesha, te dell lo man kasht, te nai krap wudja o sorelo khereske, hoi pash o Debleskro kheer tardo hi, un ninna kasht, te tchiwap i massuri trul o foro pale pre, un kasht ko khereske, an koleste me palle djiwau.” Un o baro rai das kowa lauter. Miro Debleskro latcho wast his mantsa.


Un an ko tsiro, har his o Artaxerxes an o biishto bersh o baro rai, an o tchon Nisan, homs glan leste tardo. Pash o chapen lom me i mool un dom lat o baro rajeste. Mange his ropaske. Glan kowa dikas lo kek tsireske, kai miro dji rowas.


Mangenn o Debles menge! Maro dji hi djudjo. Kowa djinah mer. Hako tsiro kamah kowa te krell, hoi latcho hi.


O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.


Miro rai, shun man! Shun, har ap tute rowau!


Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.


Baro Dewel, shun miro mangepen! Shun, har rowau ap tute!


An o ersto bersh, kai o Kirus o baro rai pral o them Persia his, kras o baro Dewel, te was ko lab tchatcho, hoi lo ap o Jeremia rakras, un kowa i menshenge dureder penas. O baro Dewel das o baro rajeske, o Kirus an o dji, te mukell lo an peskro tselo them win te kharell un i lilendar halauterenge te penell:


Un job das o pralstunes pral o pipen pale leskri budi, te dell job o baro rajes pale te pijell.


Un o pralstuno pral o pipen bistras o Josefes. Un job was leske buder gar an o shero.


Koi penas o pralstuno pral o pipen ap o baro rajeste: “Kau diwes well mange miri doosh an miro shero.


Me, tiro budepaskro, hom gar moldo, kai hal jaake latcho un kamlo ap mande. Har djom pral o pani Jordan, his man tchi har i kasht an o wast. Kanna hi man i bari familja un kal bud vieche, kai hi ap dui bare platse.


Jon kaman o tchatchepen gar te djinell, un gar o baro Debleha te djiwell.


Un o sorelo Dewel mu krell, te well o rom tumenge latcho, jaake kai mukell lo tumaro wawar phrales un o Benjamines tumentsa pale te djal. Me krau nai tchi. Nashrau mire tchawen, nashrau len!”


Koi putchas lestar ko mursh: “Har khareh tu?” “Jakob”, penas job.


Un o baro rai was an i bari choli pral kol dujende,


Jaake wom kau diwes pash kau pani un penom: Baro Dewel, o Dewel miro rajestar Abraham, te deh tu tchatchepah bacht ap ko drom, kai me djau, sike les mande!


Pal ko tsiro anan dui pralstune budepangre an o baro rajeskro kheer doosh ap pende. Kol dui his i pralstune pral o pipen un o pral o maro.


Kanna, miro Dewel, dik hako tsiro latches ap mende, un shun maro mangepen, hoi kate mangah!


Muk man an tiro kheer te djiwell hako tsiro, tel tire mussja man te khatrell, har i tikno tchirklo khatrell pes tel peskri dakre mussja.


Un job kras, te dikan lauter kolla latches ap lende, kai len pandan.


Me krau tumenge miro dji pre, un krau, te krell job tumenge peskro dji pre, un mukell tumen pale ap tumari phub khere te well.


Koi rakran kolla mank pende, kai djiwenn o baro Debleha. Un o baro Dewel das jak ap lengre laba un shunas, hoi le penenn, un mukas len an i liil dren te tchinell, te wenn le gar bistedo. An kau liil hi kolla dren tardo, kai djiwan leha, un hadan leskro lab.


Swiv nou:

Piblisite


Piblisite