Nahum 3:1 - O Debleskro Drom 2021 (Sinte)

¹ Har djungeles djal tuke, tu foro, kai jaake bud rat nashas! Tu hal pherdo chochepen un tchoredo brawlepen, un nai mukeh tiro randepen gar.

O Debleskro Lab 2024 (Sinte-Manouche)

¹ Har djoungeles djal touke, tou foro, kay yaake boud rat nashas! Tou hal pherdo rhorhepen oun čoredo bravlepen, oun nay moukeh tiro randepen gar.

Nahum 3:1 Referans Kwoze

Habakuk 2:12

Djungeles djal tuke, kai kral i foro o rateha, un tchiwal les pre o marepah!

Hosea 4:2

Kowa, hoi pash tumende hatslo well hi koshepen, chochepen, tchorepen, menshe wenn mulo dino, un bud mursha chochenn pengre romjen, un bud djuwja pengre romen. Un jon marenn jekes pal o wawares.

Nahum 2:12

Hoi was kanna dran o foro Ninive? O foro his har i khatepen, kai o lewo un i lewetsa pengre ternentsa trujel nashan, un kek koi his, kai lenge kote nai daar krals.

Jesaja 42:24

Koon his kowa, kai mukas o Jakobes win te randell, un das o Israeles i tchorepangren an i wasta? His kowa gar o baro Dewel? Job hi, koleske o dumo sikram un leskro drom gar djam, un ap leskre laba gar shunam.

Jesaja 17:14

Ap i rati krenn le i menshen bari traash. Un glan o newo diwes wella, hi le gar buder koi. Jaake djal kolenge, kai kamenn men win te randell. un kamenn menge kowa te tchorell, hoi menge hi.

Jesaja 24:9

Kek giwell buder pash o pipen, un shutlo hi i mool kolenge, kai pijenn.

Debleskri gili 62:10

I menshe hi tchi har i ducho. Tikne har bare hi tchi moldo. Te wans le ap i waga tchiddo, wans le lauter khetne lino gar phareder har i ducho.

Nahum 2:13

O lewo randas un tapras jaake bud viechen, te wan leskre tchawe un leskre romja tchalo. Leskro khatepen kras lo pherdo koleha, hoi lo randas un maras.