Nahum 2:5 - O Debleskro Drom 2021 (Sinte)

⁵ Har diwjes ulerenn i wurdja ap i dromma! Jek hi sikeder har o wawar. Jon dikenn win har jag, un hi sik har koi jag, hoi har i karepen ap o bolepen pre un tele djal.

O Debleskro Lab 2024 (Sinte-Manouche)

⁵ Har divyes oulerenn i vourdya ap i dromma! Yek hi sikeder har o vavar. Yon dikenn vin har yag, oun hi sik har koy yag, hoy har i karepen ap o bolepen pre oun tele djal.

Nahum 2:5 Referans Kwoze

Jeremia 46:12

Tiri ladj was an i wawar themma win gole dino. Halauter shunan tiro ropen. Tire sorele kurepangre peran jek pral o wawar, un atchan jek pash o wawareste tchiddo.

Nahum 3:18

Tu, o baro rai pral o them Assur, djiness, i pralstune pral tiro them sowenn hako tsireske, un tire sorele mursha stenn buder gar pre. I menshe an tiro them hi kate te kote tradedo ap i berge. Un kek dell len khetne gole.

Jeremia 50:29

Kharenn kolen khetne, kai haiwenn pengre bogentsa karje te dell! Jon halauter hunte tchiwenn pen pre trul o foro Babilon, un mukenn kekes te nashell peske krik un djiwell! O foro Babilon phurdas pes pre un hadas pes pral mande, o baro Debleste, kai o Israeleskro tchatcho Dewel hi. Doleske denn o foreske o tchilatchepen pale pale, hoi lo kras! Jaake har job ap i wawarende kras, jaake krenn leske ninna!

Jesaja 21:5

O chapen hi ap i chapaskri tchiddo, un i stakepangre hi ap i phub tchiddo, jon chan un pijenn. Koi dell jek gole: “Stenn pre, tumer pralstune! lenn tumare shilte an o wast!”

Jesaja 5:27

Pash lende hi kek khino, un kek, kai djal banges, kek, koleske i jaka pandlo djan un kek, kai sowella. Un kekeske lendar djal o pereskro pandepen pre, un lengre dorja ap lengre kircha hi soreles un djan gar paash.

Nahum 2:6

I pralstune lurde wenn khetne gole dino. Jaake sik nashenn le, te perenn le pral pengre pire. Pash o foreskri massuri nashenn le, un tchiwenn pengro sorelo khatepen pre.

Habakuk 1:8

Lengre graja hi sikeder har i bare diwje margodje. Un jon dandrenn sikeder har i diwje djukle an i rati. Lengre bud lurde wenna dran i dur them, un klissenna jaake sik har i adlari tele djal, te taprell lo i vieches.