Nahum 2:4 - O Debleskro Drom 2021 (Sinte)

⁴ Kol lurde wenna, te kurenn le pen tuha, Ninive! I kurepangre hidjrenn lole shilte un lole gada. O saster ap i kurepangre wurdja dikell win har jag. Un i graja nashenn sik.

O Debleskro Lab 2024 (Sinte-Manouche)

⁴ Kol lourde venna, te kourenn le pen touha, Ninive! I kourepangre hidjrenn lole shilte oun lole gada. O saster ap i kourepangre vourdya dikell vin har yag. Oun i graya nashenn sik.

Nahum 2:4 Referans Kwoze

Jeremia 4:13

Dik, har wolke well ko marepaskro. Leskre kurepangre wurdja hi sik har i phurdepen, un leskre graja hi sikeder har i adlari. Hawi bibacht! Mer ham nashedo!

Ezekiel 26:10

Lengre graja hi jaake bud, te tchakrell tut koi tchik, hoi le pengre pirentsa pre witsrenn. Te djan le an tire pre-phagede wudja dren, trissenn tire massurja koi bari goljatar, hoi i graja un i wurdja un i klissepangre krenna.

Jesaja 66:15

Dik, o baro Dewel well an i jag, un leskre wurdja hi har i sorelo phurdepen. Job dell len lengro tchilatchepen pale i bari choljah, un leskro tchingepen hi har jag, kai chatchrell.

Daniel 11:40

Un an ko tsiro, kai i phub buder gar rah koi hi, djal o baro rai pral o them Egiptia ap leste pre. Un o baro rai pral o them Syria dell i sorjah pale, un well peskre kurepangre wurdjentsa un peskre lurdentsa, kai ap i graja klissenna un bud shiffe. Un sorjah perell lo an i themma dren; har i baro sorelo pani well lo pral lende.

Jesaja 37:24

Tire budepangren bitchral, te praassenn le man, un penal: “Pral ap i berge mire wurdjentsa djom, un dur dren an o Libanon wom. I bare un shukar ruka trujel dom, un an o diwjo weesh bis ap o pralstunepen djom.

Jeremia 46:9

Mishto, beshenn tumen ap i graja, ulerenn o kurepangre wurdjentsa! Bitchrenn tumare sorele kurepangren win, kolen dran i themma Etiopia un Libia, kolen, kai shilte hidjrenna, un kolen dran Lud, kai bogentsa karje denna!

Ezekiel 23:24

Un jon wenn pral tute pengre wurdjentsa o kurepaske, ninna kol wurdjentsa, hoi hidjrenn chapen un wawar koowa, un bud bud lurdentsa. Un jon wenn trul tute trujel, un hidjrenn bare un tikne shilte, un sasterne stadja. Lenge dau tut an i wasta, te denn le tut tiri phagi pal lengro tchatchepen.

Ezekiel 26:7

Kawa penell o baro Dewel, maro rai: Me mukau o Nebukadnezar, ko baro rai dran o them Babilonia, ko sorleder i tsele rajendar, pral tute, Tirus, te well fun kotar, kai norden hi. Un khetne leha wenn graja, wurdja o kurepaske, klissepangre un bud bud lurde.

Gosewe laba 31:21

Joi darell gar peskro khereske, te well o wend. Hakenes an lakro kheer hi tate koola.