Nahum 2:10 - O Debleskro Drom 2021 (Sinte)

¹⁰ Tumer lurde, randenn rup, randenn sonakai! O foro hi pherdo brawlepen, pherdo kutch koowa!

O Debleskro Lab 2024 (Sinte-Manouche)

¹⁰ T'mer lourde, randenn roup, randenn sonakay! O foro hi pherdo bravlepen, pherdo kouč koova!

Nahum 2:10 Referans Kwoze

Debleskri gili 22:14

Pengre bare muja krenn le pre, un denn bari gole ap mande har i lewo glan peskro chapen.

Joel 2:6

Menshe an wawar themma trashenn lendar, un lengre muja wenn parno.

Daniel 5:6

Koi was o baro rajeskro mui parno. Un job trashas jaake, te nashras lo haki soor, un leskre herja trissan.

Jeremia 30:6

Putchenn un dikenn: Nai anenn mursha tchawe ap i phub? Har djal kowa, te dikau, har rikrenn i tsele mursha pengre wasta ap o per, har djuwja, kai i ternepen lenna? Hoske hi lengre muja jaake parno?

Jesaja 24:1

I diwes wella, kai lell o baro Dewel o djipen i phubjatar krik. Un i phub well i mulo them. Un kowa, hoi ap late tardo hi, witsrell lo trujel. Un i menshe wenn kate te kote tradedo:

Jesaja 21:3

Hoi shunom, hi jaake djungelo, kai phagau khetne. Hoi dikom, krell man bari traash. Mire kokale trissenna, duka tapran man har i djuwjat, kai lell i ternepen.

Zefanja 3:6

O baro Dewel penell: Me krom, te hi tsele natsjone buder gar koi. Lengre forja hi paash. Lengre sorele khera hi tele phagedo, Kek menshe djiwenn buder koi. Ap i dromma djal buder kek mensho. Halauter hi krik.

Nahum 3:7

Hakeno, kai tut palle dikell, nashell tutar un penell: Ninive hi paash dino! Kekes khaitell ko foro. Kekes hi latche laba ko foreske.

Jeremia 51:62

Un palle pen: “Baro Dewel, tu penal, kai kreh kau foro paash, jaake kai kek nai djiwella buder kate, kek mensho un kek viecho. Tu penal, te well kau foro i mulo foro hako tsireske.”

Jesaja 14:23

Me krau dran o foro i sapeni platsa, kai i stachelengre djiwenn. Un khossau o tselo foro krik, har jek i besa lell un o kheer win khossell. Kowa penau me, o baro Dewel, ko rai pral o bolepen un i phub.

Josua 2:11

Un har kowa shunam, was bari traash ap mende, un an kekeste mendar atchas i soor, te djal lo pre ap tumende. O baro Dewel hi tumaro Dewel, un hi o Dewel pral an o bolepen un kate tele ap i phub.

1. Mose 1:2

Har i phub kerdo was, his tchi koi pre. Kek djipen his koi. His rati un sorelo pani his pral halauter. Un o Debleskro ducho his pral o pani.

Josua 7:5

Un kolla lan len palla pash o foreskro baro wudar, un tradan len kote, kai i berga pral tele djal. Kote dan le 36 (trijanda-te-shob) murshen lendar mulo. Koi wan i djia i tsele menshendar har pani darjatar.

Jeremia 8:21

Mire menshe phagan khetne. Doleske rowell miro dji. Mange hi, har te merap, un djinau gar, hoi te krap.

Jeremia 49:23

Laba pral o foro Damaskus. I menshe an i forja Hamat un Arpad shunan tchilatcho koowa. Jon lan bari daar un djinenn gar, hoi te krenn. I traash well pral lende har o baro pani, hoi gar tardo atchell.

Ezekiel 21:7

Tu, mensho, dik kote, kai o foro Jerusalem hi! Rake kolestar, hoi djal o khereske, kai well o Dewel an-mangedo! Un pen i menshenge an o them Israel, hoi pral lende wella!

Ezekiel 31:15

Kawa penell o baro Dewel, maro rai: Ap ko diwes, har ko zedertikro ruk an o mulengro them djas, krom, te rowas o baro pani tel i phub pral leste. I lengste panja nashan buder gar, un i bare panja atchan tardo. I berga Libanon tchakras pes an o kalepen. Un i tsele ruka an o weesh meran tele.

Nahum 2:2

Tumer menshe an o foro Ninive, kurepangre wenna, te krenn le tumaro foro paash. Denn garda ap o foreskri massuri! Rikrenn i dromma an i jak! Lenn i chare an o wast! Anenn tumare tsele lurden khetne!